JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS prepara ona fatin kuarentena Timor-Oan 300 resin

MS prepara ona fatin kuarentena Timor-Oan 300 resin

Kordenadóra Jerál Komisaun Prevensaun COVID-19 Ministériu Saúde (MS), Odete Viegas da Silva, hateten, sidadaun 300 resin husi Korea ho Indonézia ne’ebé tula husi aviaun Citilink, Air North no aviaun WFP, inklui mós Timor-Oan balun husi ne’ebé tama mai liu husi Mota-Ain, sei tama hotu fatin kuarentena 10 iha Díli laran.

“Otél 10 ne’e kompostu husi Fantizia, Luz Clarita, Mansion Guest House, Nova Horizonte, Sakura Tower, Garden Beach, BIQ Hotel, inklui otél 3 seluk, otél hirak ne’e Governu liu husi MS nafatin halo kontratu, tanba otél hirak pagamentu hotu”, Kordenadóra Jerál Komisaun Prevensaun COVID-19 MS ne’e ba jornalista sira iha ninia kna’ar fatin Palaçio das Cinzas, Caicoli-Díli, Kuarta (05-08-2020).

Odete esplika, preparasaun ne’e hahú kedas husi fulan Janeiru to’o agora, maske Estadu Emerjénsia (EE) hotu ona, maibé servisu MS nini’an kontinua la’o.

“Ba ema ne’ebé tama mai Timor-Leste, MS kontinua hodi ema hirak ne’e ba iha kuarentena ne’ebé Estadu deside ona, alende kuarentena Tasi Tolu no otél sira. Tanba ne’e ho kazu pozitivu ida ne’ebé iha, inklui maluk sira iha kuarentena Tasi Tolu, ita nafatin halo teste ba sira, nune’e bele hatene nafatin sira iha kazu pozitivu ka sintoma.

Tuir planu traballadór Timor-Oan husi Korea no Indonézia, inklui Austrália, sei tau iha otél, tanba identifikadu ona otél 10 mak sai kuarentena, MS nafatin kontratu otél 10 ne’ebé antes ne’e uza ona, iha EE dahuluk, daruak no datoluk.

Entretantu tuir oráriu kada Kuartu Feira loke oportunidade ba ema ne’ebé tama husi fronteria, inklui ho aviaun, nune’e horiseik (5/8) aviaun tolu mak tula pasajeiru, kompostu husi aviaun WFP husi Malaysia tula pasajeiru umanitáriu na’in 61, inklui tula materiál médiku ni’an, aviaun Citilink tula traballadór Timor-Oan 110, alende ne’e aviaun refere sei kontinua tula estudante iha Bali na’in 10, juíz na’in 4, Adjuntu Prokuradór na’in 2 no pasiente na’in 35, inklui mós pasajeiru ne’ebé tama husi Mota-Ain. eni

Lee hotu :   Munisípiu 3, 100% negativu COVID-19

Add to Comments Here!!!!

error: Content is protected.
Secured By miniOrange
You might also like:
Ema 61.000 apoiu petisaun husu PR rezigna-an

Grupu Rezisténsia Nasionál Defende Justisa no...

Governu sei ezonera Kalbuadi Lay husi kargu Prezidente Autoridade Expo Dubai

Ministru Turizmu Komersiu no Industria (MTCI-sigla...

Lakohi povu mate ba COVID-19, Xanana husu Governu aperta iha liña fronteira

Líder karismátiku Kay Rala Xanana Gusmão,...

Close