JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun Indonézia izola iha Vera Cruz rekupera ona

Sidadaun Indonézia izola iha Vera Cruz rekupera ona

Koordenadora Jerál Komisaun COVID-19, Ministériu Saúde (MS), Odete da Silva Viegas, hateten, pasiente ne’ebe izola iha Vera Cruz iha loron 26, fulan Agostu, tinan 2020, tanba pozitivu COVID-19 hala’o ona teste ba dala-rua, no nia rezultadu negativu.

“Aproveita oportunidade ida ne’e hakarak hato’o ba públiku katak, ita nia pasiente ida ne’ebé dau-daun ne’e baixa hela iha izolamentu Vera Cruz ohin konfirmadu teste dala-rua negative, teste ba dahuluk iha loron 15, fulan Setembru, tinan 2020 no ikus iha loron 18, fulan Setembru, tinan 2020, no ohin ita bele hateten ona ba públiku ema ne’e rekoperadu i ohin depois de konferénsia imprensa, ita nia pasiente ne’e sei fó sai fali ba nia hela fatin”, Koordenadora Jerál Komisaun COVID-19 MS hato’o asuntu ne’e liu husi konferénsia imprensa iha salaun Sentru Média Palaçio das Cinzas, Caicoli-Díli, Segunda (21-09-2020).

Tuir Odete, sidadaun Indonézia mane ho idade 23 ne’e servisu hanesan tékniku iha kompañia Wartsila, sidadaun ne’e hahú viájen husi Jakarta–Kupang-Indonézia ho voo Batik Air, iha loron 11, fulan Agostu, tinan 2020.

Iha loron ne’e kedas pasajeiru ne’e kontinua viájen husi Kupang–Atambua ho voo Lion Air, iha Atambua hela iha otél Matahari-atambua no to’o iha Díli, iha loron 12, fulan Agostu, tinan 2020.

Tuir Dadus atuál ba COVID-19 iha Timor-Leste, númeru teste hamutuk 6718, hein rezultadu 160, rekuperadu to’o ohin (21/9) loron hamutuk 27, baixa ohin sei laiha rezultadu, iha negativu husi teste hotu hamutuk 6531, totál ema ne’ebé tama iha kuarentena hamutuk 609, iha Díli 490, iha munisípiu 119, auto kuarentena hamutuk 88 iha Díli no iha munisípiu laiha, pasa ona kuarentena iha loron 14 to’o ohin loron hamutuk 4228, iha Díli 3553 no munisípiu 675.

MS preokupa movimentasaun ilegál iha fronteira

Koordenadora Jerál Komisaun COVID-19, Ministériu Saúde (MS), Odete da Silva Viegas, afirma, maske Governu implementa ona Estadu Emerjénsia (EE), maibé sidadaun balun kontinua la kumpre, hodi tama-sai ilegál iha área fronteira.

Sidadaun ne’ebé iha kuarentena no auto kuarentena maioria sira ne’ebé tama ilegál hamutuk 298 no husi númeru ne’e mai husi fronteira Batugade, Salele, Sakato, Oesilo no Pasabe.

“Aproveita oportunidade ida ne’e hakarak hato’o ba entidade tomak dau-daun ne’e servisu MS hala’o servisu ne’ebé boot tebes ho ilegál ne’ebé mak tama la hatene loron no la hatene kalan, ida ne’e fó fali pezu ne’e ba traballu ba profesionál saúde sira que tenke hala’o fali servisu iha loron kalan no mós Sábadu no Domingu, atu bele tau matan nafatin ba ema sira ne’e i atu mós bele iha serteja katak, ema sira ne’ebé tama, tantu legál ou ilegál ita hotu-hotu hatama sira iha fatin kuarentena ne’ebé mak Governu dezigna tiha ona”, Koordenadora Jerál Komisaun COVID-19 MS hato’o asuntu ne’e liu husi konferénsia imprensa iha salaun Sentru Média Palaçio das Cinzas, Caicoli-Díli, Segunda (21-09-2020).

Odete informa, koordenadór sira hamutuk ho pilár ida (1) to’o sia (9) husu ba ministériu relevante atu foti medida ba ema sira ne’ebé mak tama sai illegal no husu ba sidadaun sira atu kumpre mós regra Estadu Emerjénsia (EE).

“Husu ba sidadaun hotu atu iha konsiénsia hodi kumpre regra EE, nune’e labele fó risku ba komunidade iha rai-laran tanba implementasaun EE ne’e foka liu ba pontu entrada sira, nune’e bele evita transmisaun COVID-19, maibé bainhira sidadaun sira kontinua tama-sai ilegál iha área fronteira mak sei fo ameasa ba komunidade nia vida”,

Entretantu dau-daun ne’e Governu hatudu ona progresu ida signifikativu no fó mós ezemplu ba mundu katak, Timor-Leste sei iha kazu ne’ebé mak ki’ik no seidauk iha ema ne’ebé mak moras grave no mate ba COVID-19. eni

Lee hotu :   Ohin Ezame Nacionál, ME husu estudante labele falta

Add to Comments Here!!!!

error: Content is protected.
Secured By miniOrange
You might also like:
FRETILIN konsidera Governu diskrimina fó subsídiu ba Jornalista

Bankada FRETILIN iha Parlamentu Nasionál (PN),...

MNEK: Estudante iha Israel sei la hetan subsídiu COVID-19

Ministra Negósiu Estranjéiru no Kooperasaun (MNEK),...

Dezkontente ho rezultadu teste ba Austrália, Kandidatu traballadora ho funsionáriu SEFOPE baku malu

Kandidatu traballadora Timor-oan ida ne’ebé atu...

Close