JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MESSK propoin millaun USD 2.2 ba indemnizasaun afetadu sidade universidade

MESSK propoin millaun USD 2.2 ba indemnizasaun afetadu sidade universidade

Iha loron 30, fulan ne’e, Ministériu Ensinu Superiór Siensias no Kultura (MESSK), propoin ona orsamentu ba iha konstrusaun universidade iha Munsípiu Aileu ho montante millaun USD 2.2 inklui indemnizasaun ba komunidade sira ne’ebé afeita ba kontrusaun refere.

Ministru Ensinu Superiór Siensias no Kultura, Longuinhos dos Santos, hatete, ministériu propoin ona orsamentu ba iha konstrui universidade foun iha munisípiu Aileu, tanba ne’e implementasaun ba konstrusaun universidade refere sei hala’o iha tinan oin bainhira orsamentu jerál 2021  aprova ona.

“Tuir mai maka sidade Universidade Aileu ne’ebé maka orsamentu tau iha ne’eba millaun 2.2, liu-liu atu aloka ka atu halo indemnizasaun ba komunidade afeitadu iha Aileu, buat hot-hotu kompletu hotu ona, hein de’it final tetú agregadu ne’e define ne’e lori ba Parlamentu Nasionál aprova ba 2021 ni’an,”hatete, Longuinhos, ba GMN, Kuarta(30/09/2020), iha Palásiu Governu.

Longuinhos esplika, alende selu indemnizasaun ba komunidade sira, ministériu mós halo ona preparasaun  hodi halo rehabilitasaun ba universidade Institute Politékniku Betanu (IPB), ne’ebé iha ona planu atu hadia iha tinan oin.

“Ministériu ensinu superior laiha problema, buat hot-hotu inklui infrestrutura, ne’ebé maka atu hala’o iha Institute Politekniku Betanu ni’an ita tau orsamentu iha ne’eba,tuir planu estratejiku nasional, iha ne’e iha ona dezenho, BoQ, ita nia dokumentu kompletu para atu implementa de’it ba iha IPB nian,” esplika Santos.

Mezmu orsamentu ba tetu agregadu 2021 seida’uk serteza, maibé antes ne’e MESSK, simu ona orsamentu tetu fiskal husi Ministériu Finansas ho montante millaun USD 9.3. jen

Lee hotu :   Deskonfia fa’an formuláriu vaga, Odete sei konfirma ho rekursu umanu MS

Add to Comments Here!!!!

error: Content is protected.
Secured By miniOrange
You might also like:
Komunidade ladun konsumu hahan nutritivu

Xefe Seguransa Ai-han no Informasaun Sekretariadu...

Avelino: Joven tenke uza koñesimentu kontribui ba dezenvolvimentu

Jurista Timor-Oan, Avelino Coelho, apela ba...

Orsamentu Privativu PN 2021 aloka boot liu ba saláriu-vensimentu

Sekretária Jerál Parlamentu Nasionál (PN), Cedelizia...

Close