JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun estranjeiru ida pozitivu COVID-19

Sidadaun estranjeiru ida pozitivu COVID-19

Koordenadora Jerál Komisaun Corona Virus Disease 2019 (COVID-19), Odete da Silva Viegas, hateten, Timor-Leste rejista hikas kazu COVID-19 ativu foun ida no nu’udár sidadaun estranjeiru ho idade 35.

“Aproveita mós oportunidade hakarak hato’o, to’o ohin dia 02 de Dezembro ita hahú iha fali kazu foun ida, sidadaun ne’ebé hetan kazu pozitivu ho sexu mane no idade 35, viajen husi Uganda ba Dubai iha dia 16 Novembro 2020 no to’o iha Malaysia iha dia 17 Novembro 2020 iha dia 18 Novembro 2020 viajen husi Malaysia mai Díli. Total pasajeiru ne’ebé mai ho aviaun husi Malaysia Airlines hamutuk 63 no ohin loron kumpre ona periódu auto-kuarentena 14. Sidadaun ne’ebé pozitivu felismente nia laiha sintoma, asintomátiku, maibé nia laiha isin -manas, mear, dada iis-boot ou dada iis kakorok moras i sidadaun refere lori nafatin ba Vera Cruz hodi halo observasaun durante tempu ne’ebé determina kuandu hetan ona negativu dalarua, hafoin sidadaun ne’e bele sai. Maske iha ita-nia nasaun viziñi kazu aumenta loron ba loron to’o mate, felismente iha ita-nia paíz ita seidauk hetan problema sériu hanesan ne’e”, Koordenadora Jerál Komisaun COVID-19 hato’o informasaun ne’e liu husi konferénsia imprensa iha Sentru Média Caicoli-Díli, Kuarta (02-12-2020).

Tuir Odete, to’o agora Timor-Leste seidauk iha kazu transmisaun lokál, tanba parte hotu-hotu, hanesan Estadu, Governu, Parlamentu Nasionál, sosiedade sivíl, igreja, parseiru no komponente hotu.

“Ida ne’e susesu boot ida ba ita-nia rai, ba ita-nia povu no ba ita hotu, maibé ita mós labele orgullu ho saída mak ita iha ona, ita presiza nafatin vijilánsia. Apela mós ba públiku atu kumpre medida sanitária ba situasaun ida ne’e, hodi bele kontrola COVID-19, wainhira proteje-an proteje mós ema ne’ebe ita hadomi husi COVID-19, liu husi fase-liman bei-beik, taka-ibun no inus bainhira mear, evita ba fatin públiku no limita tempu iha espasu ne’ebé taka metin, bainhira distánsia fíziku la posivel, obrigatóriu uza máskara no mantein distánsia metru ida liu husi ema seluk”, tenik Koordenadora Jerál Komisaun COVID-19 ne’e.

Tuir dadus jerál husi Ministériu Saúde (MS) hahú husi loron 2, fulan Novembru, tinan 2020 total númeru teste 14371, hein rezultadu 613. Totál kumulativu kazu 31, rekuperadu 34, kazu foun 1. Rezultadu negativu 13727, tama ilegál 34, totál kuarentena 59, iha Díli 114, munisípiu 45, auto kuarentena 193, iha Díli 192, munisípiu 1, pasa kuarentena 14 dias 6501, iha Díli 5404 no munisípiu 1097. eni

Lee hotu :   PPN lamenta atitude profesór haruka estudante rei-malu ■ MEJD sei fó sansaun ba profesór

Add to Comments Here!!!!

error: Content is protected.
Secured By miniOrange
You might also like:
PN preokupa membru PNTL hurlele komunidade sunu sesta bázika

Uma fukun Parlamentu Nasionál preokupa ho...

AIFAESA sei halo inspesaun ba sasán sesta bázika

Koordenadór Autoridade Inspecção Económica, Sanitária e...

Pistola ba PSIK to’o ona iha Díli

Pistola ho marka Glock 19 ne’ebé...

Close