JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Juñu hahú vasina, pozitivu COVID-19 iha TL 10 rekuperadu, ualu baixa hela

Juñu hahú vasina, pozitivu COVID-19 iha TL 10 rekuperadu, ualu baixa hela

Kazu pozitivu COVID-19 iha Timor- Leste (TL) ne’ebé antes ne’e iha fulan Dezembru, tinan 2020 númeru sa’e ba ema na’in 18, maibé to’o iha Sábadu, loron 9, fulan Janeiru, tinan ne’e, tun ba ualu (8) ne’ebé baixa hela iha fatin izolamentu Sentru Saúde Vera Cruz, tanba restu rekuperadu ona no sei iha 251 mak hein rezultadu teste.

Tuir publikasaun husi website ofisial Ministériu Saúde (MS) fó sai katak, iha númeru kumulativu kazu konfirmadu (pozitivu-red) COVID-19 tama iha TL hahú husi fulan Marsu to’o fulan Dezembru, tinan 2020 ho totál kazu pozitivu 49 no to’o iha loron 9, fulan Janeiru, tinan 2021 hela de’it nain ualu (8) no la rejista mate.

Antes ne’e, Ministra Saúde, Odete Maria Freitas Belo mós halo previsaun katak wainhira prosesu servisu hotu la’o tuir planu Governu nian mak prosesu implementasaun ba vasinasaun sei hala’o iha Juñu nia laran.

Nune’e, reuniaun Konsellu Ministru (KM) iha Sesta (8/01), semana kotuk hahú rona aprezentasaun planu vasinasaun COVID-19 iha TL husi MS.

Ministru Prezidénsia Konsellu Ministru (MPKM), Fidelis Manuel Leite Magalhães, hateten, Governu seidauk deside data fixu ba implementa vasina Corona Virus Disease 2019 (COVID-19) iha TL, tanba sei hein servisu husi ekipa Ministériu Saúde (MS) ne’ebé halo ona aprezentasaun ba planu refere.

“Ha’u labele hatu’ur lai data ida tanba ne’e prosesu ida ne’ebé parte TL, maibé envolve mós Organizasaun Mundiál Saúde (OMS), produtór ba vasina, inklui esforsu nivel mundiál no rejionál, maibé ita hakarak espesialista sira halo lai sira-nia servisu, buat ida mak sertu ita hakarak sé la’ós 100%, pelumenus na’in hira ne’ebé vulneravel ou presiza liu bele hetan vasina, nune’e sei kontribui para moras ne’e la hadaet”, dehan Fidelis Magalhães.

Nia esplika, husi aprezentasaun planu introdusaun vasina ba COVID-19 iha TL mak hanesan halo análiza no vasina ida ne’ebé mak di’ak liu ba kondisaun TL, temperatura saída mak tenke iha para vasina ne’e lori mai la aat no kuantidade parte dahuluk ne’e tenke hira.

Iha oin mai sei kria ekipa traballu ne’ebé kompostu husi ministériu hotu no apoiu husi Organizasaun Saúde nian ne’ebé responsavel ba elaborasaun planu implementa ba vasinasaun COVID-19.

Entretantu tuir MS, TL sei uza vasina AstraZenaca, ne’ebé dezenvolve husi Universidade Oxford, Inglatera. efi/ida

Lee hotu :   MS prepara ona karantina ba sidadaun mai husi estranjeiru

Add to Comments Here!!!!

error: Content is protected.
Secured By miniOrange
You might also like:
Semana oin PN halo eleisaun ba reprezentante KI

Porta voz Parlamentu Nasionál (PN), deputada...

Fornese internet ilegál, arguidu rua husi kompañia UNITECH submete ona ba PI

Tribunál Distritál Díli (TDD) iha Sesta...

CNRT: Governu tenke oferese hahan ne’ebé saudavel ba povu

Vise Xefe bankada CNRT, Patrocinio Fernandes,...

Close