JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Médiku ida identifikadu pozitivu COVID-19

Médiku ida identifikadu pozitivu COVID-19

Iha loron 16, fulan Janeiru, tinan 2021 ne’e, Ministériu Saúde (MS) detekta tan kazu pozitivu ida (1) no pasiente ne’e nu’udár médiku ne’ebé durante ne’e hala’o atendimentu ba pasiente sira iha sala izolamentu Vera Cruz.

“Update kazu pozitivu 16 de Janeiro 2021, pesoál saúde mane ho idade 35, laiha sintoma ou asintomátiku, total 12 pessoas de saúde ne’ebé mak halo atendimentu ba pasiente sira iha izolamentu Vera Cruz (kazu pozitivu sira COVID-19) durante semana rua liu ba, hahú husi loron 22, fulan Dezembru, tinan 2020 to’o loron 5, fulan Janeiru, tinan 2021. Pesoál ne’ebé pozitivu ne’e kumpre kuarentena iha ótel Novo Horizonte”, Koordenadora Jerál Komisaun Nasionál Corona Virus Disease 2019 (COVID-19), Odete da Silva Viegas hato’o informasaun ne’e liu husi konferénsia imprensa iha salaun enkontru Palaçio das Cínzas, Caicoli-Díli, Sábadu (16-01-2021).

Odete informa, médiku refere kuarentena obrigatóriu iha otél Novo Horizonte hamutuk na’in 18, kompostu husi pesoál saúde na’in 12, na’in 4 pasajeiru ilegál no na’in 2 pesoál ne’ebé kontaktu besik ho kazu pozitivu ho aviaun Austrália ne’ebé falla iha Aeroportu Internasionál Nicolau Lobato, Comoro-Dili, iha loron 13, fulan Janeiru, tinan 2021.

“Pesoál hirak ne’e hahú kuarentena iha loron 5, fulan Janeiru, tinan 2021 no wainhira kompleta loron 9 nia0-laran ekipa Vijilánsia Epidemiolójia halo investigasaun no foti Swab Test. Amostra Swab foti iha loron 14, fulan Janeiru, tinan 2021, rezultadu pozitivu relata iha loron 15, fulan Janeiru, tinan 2021, Close Contact iha na’in 11, sira ne’e hotu mak pesoál saude ne’ebé durante semana rua nia-laran halo hela atendimentu ba pasiente pozitivu na’in 13 ne’ebé baixa iha izolamentu Vera Cruz no hafoin muda ba iha konfinamentu obrigatóriu iha ótel Novo Horizonte”, tenik Koordenadora Jerál Komisaun Nasionál COVID-19 ne’e.

Tuir Dadus husi MS hahú iha loron 16, fulan Janeiru, tinan 2021, total kumulativu teste 17932, hein rezultadu 279, kumulativu kazu 52, rekuperadu 49, kazu foun 1, atuál baixa 7, rezultadu negativu 17601, total kuarentena 93 (Díli 26, munisípiu 67), auto kuarentena 84 (Díli 84, munisípiu 0), pasa ona loron 14 7327 (Díli 6070, munisípiu 1257). eni

Lee hotu :   MS sei koloka ekipa inspesaun observa PS Labitin

Add to Comments Here!!!!

error: Content is protected.
Secured By miniOrange
You might also like:
Atu deteta transmisaun lokál, MS sei hala’o Mass Screening iha fatin públiku

Koordenadora Jerál Komisaun Nasionál Corona Virus...

Residente de Comoro acusa Governo de ser primeiro a violar regras sanitárias

Ainda que o Executivo tenha aplicado...

BTL rekoñese TL seidauk iha konservasaun bee-moos

Prezidente Konsellu Administrasaun Bee Timor-Leste (BTL),...

Close