JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS hahú teste swab iha área fronteira

MS hahú teste swab iha área fronteira

Koordenadór Pilár VII COVID-19, Nilton do Carmo da Silva, informa, hahú loron 15, fulan ne’e, Ministériu Saúde (MS) liu husi Komisaun Nasionál COVID-19 hala’o teste Swab massal iha área fronteira, hodi deteta sedu kazu sira ne’ebé tama ilegalmente.

Atu hato’o mós informasaun balun públiku katak, hahú ona ohin 15 Fevereiro, atividade teste Swab massal ho Screening Swab hala’o ba munisípiu 3 mak hanesan Covalima, Bobonaro no Rejiaun Administrativa Espesiál Oe-Cusse Ambeno (RAEOA). Swab massal ne’e sei termina iha 25 Fevereiro”, Koordenadór Pilár VII COVID-19 ne’e ba jornalista sira liu husi konferénsia imprensa iha salaun enkontru Palaçio das Cínzas, Caicoli-Díli, Segunda (15-02-2021).

Nilton akresenta, objetivu teste massal ne’e atu deteta sedu kazu sira ne’ebé mak tama ilegalmente no teste ne’e rasik sei hala’o iha eskola, merkadu, terminál no komunidade ne’ebé hela besik iha liña fronteira.

“Ohin ita foti ona sampel i iha loron 10 nia laran ita target katak, kada loron ita sei hetan 100 sampel kada munisípiu, ita planu totál hamutuk 2550 sampel ba iha munisípiu 3 ne’e, sé wainhira husi teste sira ne’e balun mak pozitivu ami sei informa, maibé kuandu negativu mós ami sei informa katak, husi ami-nia rezultadu Screening maka ne’e“, Nilton salienta.

Tuir Nilton, dau-daun ne’e Servísu Vijilánsia Munisipál Bobonaro ho autoridade seguransa iha Maliana, hala’o hela identifikasaun ba pasajeiru hotu ne’ebé sa’e kareta (Angguna) hamutuk ho pasiente COVID-19 ida iha semana kotuk no identifika ona ema balun, maibé balun seidauk.

Sidadaun estranjeiru ida rekuperadu

Koordenadór Pilár VII COVID-19, Nilton do Carmo da Silva, hateten, Ministériu Saúde (MS) liu husi Komisaun Nasionál COVID-19 entrega pasiente estranjeiru feto ida (1) ho idade 18 ba ninia família, tanba rekuperadu ona hosi COVID-19.

Atualiza kazu rekuperadu foun COVID-19, ohin 15 Fevereiro 2021, husi Komisaun Nasionál fó sai tan pasiente COVID-19 rekuperadu na’in 1 husi izolamentu Vera Cruz, Díli. Pasiente rekuperadu ne’e sidadaun estranjeiru feto ho idade 18. Iha 2 Fevereiro nia baixa iha izolamentu, teste primeiru iha 12 Fevereiro no teste segundu iha 13 Fevereiro. Ho rezultadu teste Swab laboratóriu hatudu negativu tu-tuir malu, nune’e ohin pasiente ne’e fila ona ba nia família no nia komunidade”, Nilton do Carmo da Silva ba jornalista sira liu husi konferénsia imprensa iha salaun enkontru Palaçio das Cínzas, Caicoli-Díli, Segunda (15-02-2021).

Dadus husi MS hatudu, iha loron 15, fulan Fevereiru, tinan ne’e, kumulativu kazu COVID-19 iha Timor-Leste hamutuk 102, kazu foun 0, rekuperadu 1 no atuál baixa 39. eni

Lee hotu :   ME louva kapasidade professores

Add to Comments Here!!!!

error: Content is protected.
Secured By miniOrange
You might also like:
Governu sei vasina uluk populasaun porsentu ualu

Konsellu Ministru (KM) estraordináriu Segunda (15/02/2021)...

PN presta omenajen ikus ba saudozu Julião Mausiri

Reprezentante povu iha uma fukun Parlamentu...

Lisun ameasa hapara distribuisaun sesta bázika

Jestór empreza Lisun, Pascoal Suri Mali,...

Close