JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS halibur ona amostra husi komunidade Bobonaro

MS halibur ona amostra husi komunidade Bobonaro

Ekipa Ministériu Saúde (MS), liu husi Sentru Integradu Jestaun Krize (SIJK) halibur ona amostra husi komunidade 2000 resin iha área fronteira munisípiu Bobonaro. Objetivu teste ne’e relasiona ho sidadaun sira ne’ebé tama ilegalmente husi fronteira mai Timor-Leste, hodi fó ameasa ba Timor-oan sira ba moras hada’et COVID-19.

Teste swab massal ne’e ekipa MS liu husi SIJK finaliza ona iha área Memo, Saburai, Gildapil, Karabau, Kota Boot no Lourba.

To’o loron 19, fulan ne’e, dadus teste swab husi  suku hirak ne’e hamutuk ema 2000 resin no ekipa ministériu dau-daun ne’e kontinua hela iha suku Cova, Batugade no rezultadu teste sei fó sai hafoin halo teste massal.

“Ita haree katak munisípiu 2 ne’e Covalima ho Bobonaro iha ligasaun ho fronteira ne’ebé mak ho provinsia husi Indonézia nian Nusa Tenggara Timur (NTT), liu-liu Atambua parte sorin balun ba Covalima ho parte Malaka nian, ho entrada ilegál ne’ebé mak tama no mós ita deteta ona kazu ilegál pozitivu iha ema hirak ne’ebé tama ilegál, entaun aumenta tan preokupasaun iha MS para bele asegura katak iha no laiha transmisaun lokál iha komunidade, entaun ami halo screening ida ne’e para hodi buka tuir hodi hatene”, Koordenadora Pilar III Diretora Nasional Kontrola Doensas, Josefina Clarina ba jornalista sira iha Batugade, Sesta (19/02/2021).

Komunidade suku Cova, João Martins Ruas, orgullu ho teste massal husi MS, tanba sira rekoñese Batugade no Cova ligasaun direta entre Belu-Atambua, Indonézia.

“Husi saúde nasionál ohin loron mai to’o ami-nia fatin. Ami nu’udár komunidade iha fatin ne’e orgullu, tanba ami mak entrada ligasaun entre fronteira Indonézia suku Cova ne’e ligasaun direta ho Kabupaten Belu no tuir informasaun ne’ebé ami rona katak, Kabupaten Belu agora zona hitam, sira agora ne’e grave tebes ona labele salva-an”, tenik João.

Observasaun GMN hatudu iha kapitál munisípiu Bobonaro, maske kondisaun estrada liga ba suku Cova át ka la permite, tanba impaktu husi udan kada loron.

Alende ne’e, maske hasoru difikuldade iha terrenu, maibé ekipa kontinua tama-sai aldeia, maibé komunidade barak la koopera no taka sira-nia odamatan, bainhira ekipa to’o sira-nia rezidénsia. ina

Lee hotu :   Ispa ho Diareia maka’as iha Viqueque

Add to Comments Here!!!!

error: Content is protected.
Secured By miniOrange
You might also like:
Sérgio Quintas: Aplika ona TIR, MP tenke aselera prosesu

Jurista Timor-oan, Sérgio Quintas, hateten, kódigu...

Seidauk halo levantamentu OJE, la fó impaktu ba dezenvolvimentu

Primeiru Ministru (PM), Taur Matan Ruak,...

Munisípiu rua ho RAEOA mai Díli, obrigatóriu tama kuarentena

Prezidente Komisaun B iha Parlamentu Nasionál...

Close