JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL rejista tan kazu pozitivu foun COVID-19 rua, rekuperadu neen

TL rejista tan kazu pozitivu foun COVID-19 rua, rekuperadu neen

Sala Situasaun, Sentro Integradu Jestau Krize,  rejista tan kazu konfirmadu foun COVID-19 rua, no kazu refere, nafatin mai husi Aldeia Klauhalek, Suku Belulik-Leten, Postu Administrativu Fatumean, Munisípiu Covalima.

“Kazu konfirmadu foun 2, nafatin husi Aldeia Klauhalek, Suku Belulik-Leten, Postu Administrativu Fatumean, Munisípiu Kovalima.Sira nian 2 membru familia husi kazu foun ne’ebé anunsia tiha ona horiseik. Ekipa ambulánsia ohin meiu-dia, to’o iha Fatumea, no evakua kazu konfirmadu foun hamutuk nain 6,mai izola ihaVera Cruz. Husi sira na’in 6, balun asintomátiku, balun iha sintoma infesaun respiratóriu agudu, maibé sira hotu iha kondisaun estável. Orsida kalan sira to’o iha Vera Cruz.Ekipa vijilánsia epidemiolójika ho ekipa laboratóriu, ohin hamutuk ho ekipa Sentru Saúde Fatumea, nafatin hala’o rastreiu ka foti amostra husi ema ne’ebé iha kontaktu besik ho sira ne’ebé konfirmadu pozitivu ona, no mós husi viziñu sira. Kazu sira konfirmadu foun husi horiseik to’o ohin iha Fatumea, nafatin hatudu katak iha ona transmisaun lokál husi possivelmente kazu ‘’importadu klandestinamente’’husi populasaun ne’ebé tama sai fronteira, maibé sei restritu iha cluster ka agrupamentu ida,iha suku Belulik leten. Kordenador Forsa-Tarefa ba Prevensaun no Mitigasaun COVID-19  Rui Maria de Araújo, hato’o informasaun iha Centro Convenções de Díli, Kuarta (24-02-2021).

Rui mos esplika, diferensa entre transmisaun lokál ho transmisaun komunitária, Transmisaun lokál signifika iha kazu importadu ruma ne’ebé hada’et ona moras ne’e, ba ema ne’ebé hela iha rain-laran, no la halo viajen. Transmisaun komunitária signifika ema ne’ebé pozitivu, la iha istória viajen, no la iha istória kontaktu ho ema ruma ne’ebé halo viajen.

“Hakarak mos fo’o hanoin fali katak hare husi nivel alerta no resposta ne’ebé GovernuTimor-Leste adoptabaprevensaun no mitigasaun Covid-19 iha Timor-Leste, hahú 23 de Fevereiru 2021, Timor-Leste tama fali ba faze ne’ebé hanaran ALERTA 3,ka faze ‘’mitigasaun’’. ALERTA 3 ne’e aplika ba Timor-Leste tomak, maibe Serka Sanitária aplika deit ba munisípiu Covalima no Bobonaro, tuir rezolusaun governu nº4 & nº5, 15 Fevereiru 2021, Ema ka sasan atu tama sai ba munisípiu rua ne’e, tenki iha autorizasaun husi Sala Situasaun, Centro Integrado Gestãoo de Crises, Prosesu rastreiu ka screening ne’ebé halo iha Munisípiu Covalima, Bobonaro ho RAEOA, sei nafatin la’o”,tenik.

Lee hotu :   Governu hakarak haluan tan estrada, fundador KSMA prontu kolabora

Rui apela ba populasaun iha Fatumean atu tur hakmatek iha ida-idak nia fatin no labele pániku, hodi nune’e fó tempu atu ekipa saúde ho ekipa konjunta husi Sala Situasaun,   buka tuir kontaktu no foti tan amostra hodi bele halo teste.

“Populasaun iha Fatumea atu labele pániku. Favor tu’ur hakmatek iha ida-idak nia fatin, lalika la’o ba-mai lai, fó tempu atu ekipa saúde ho ekipa konjunta husi Sala Situasaun, buka tuir kontaktu, no foti tan amostra hodi bele halo teste. Apela mos ba populasaun iha munisípiu Covalima no Bobonaro, liu-liu sira ne’ebé hela besik kedas liña fronteira atu labele hakat ba mai iha fronteira, tamba iha ita-nia viziñu akontese ona no akontese dadaun hela transmisaun komunitária,”dehan.

Iha biban ne’e mos, Rui kontinua nafatin apela ba komunidade ho lider komunitáriu sira, wainhira hatene karik ema ruma ne’ebé halo viajen atravesa fronteira ba nasaun seluk, no fila mai la aprezenta a’an atu tama kuarentena, favór informa autoridade polísia ho pesoál saúde nian, atu bele lori ema ne’e ba kuarentena.

“Apela mos ba populasaun iha Timor-Leste laran tomak, husi evidénsia ne’ebé ita iha, maski transmisaun local ne’e sei restritu iha Suku Belulik Leten, Fatumea, ita hotu tenki alerta nafatin, no alerta ba bei-beik, hodi prátika ho disiplina utilizasaun máskara, medidas ijiene pesoál, distansiamentu fíziku, no evita halibur malu barak,”fundamenta.

Dadus jerál ne’ebé relata, kazu konfirmadu foun 2, rekuperadu 6, Kazu ativu 21, ema iha kuarentena sae ba 289 Ema tama ohin husi Aeroportu International Nicolau Lobato hamutuk 54 pessoas, 15 fila husi Bayu Undan, 39 husi mai husi Austrália.eni

Add to Comments Here!!!!

error: Content is protected.
Secured By miniOrange
You might also like:
Timor-oan iha rai-liur nia vistu mate, PN husu Governu rezolve

Deputadu PLP, Abel Pires, husu Governu...

Traballadór ida mate tanba monu husi andar-leten

Traballadór  Timor-oan ida  naran Raimundo monu...

Akuza Alkatiri halo korrupsaun, PN seidauk foti imunidade ba Deputadu 21 husi CNRT

Parlamentu Nasionál (PN) seidauk desidi plenária...

Close