JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu mortál COVID-19 iha TL ba dahuluk feto ida

Kazu mortál COVID-19 iha TL ba dahuluk feto ida

Família rekoñese Francisca Gama mate tanba Covid-19, maibé antes ne’e sofre moras komplikasaun. Ho ida ne’e iha Tersa (6/4/2021), rejista ba dahuluk kazu mortál Covid-19 iha Timor-Leste (TL) .

Seremónia fúnebre kazu dahuluk mortál Covid-19, iha semintériu Covid-19, Aldeia Manleu, Suku Wenunuk, Postu Administrativu Metinaro,  Munisípiu Díli la’o tuir protokolu Covid-19 nian.

Iha semintériu ne’e, ekipa Saúde fahe ona zona uza fita polisia. Zona primeiru ba ekipa coveiru, ekipamentu pezadu, inklui média. Iha zona segundu prepara ba família matebian, ekipa Saúde, seguransa no fatin provizóriu ba padre ne’ebé diriji misa requiem.

Ba jornalista sira, Família husi matebian, sente triste tanba lakon ona sira nia ema diak ida. Maibé família rekuñese, matebian mate tanba covid-19, no antes ne’e, matebian mós kleur ona sofre hela moras komplikasaun, no halo tratamentu bebeik iha sala hemodealise, ka sala fase ran-nian, iha Ospitál Nasionál Guidu Valadares.

“Ami nia alin, ami nia feton, ami nia inan ida ne’e mate tanba Covid-19, maibé antes nia infetadu moras Covid ida ne’e, nia iha tiha ona moras ne’ebé komplikadu tebes. Ne’ebé durante ne’e nia hein atu fase ran, nune’e moras ne’e kona, lori ba kuarentena tanba afeta Covid, ne’ebé ikus mai husik nia vida” hatete família matebian, Roberto José Barbosa, hafoin remata fúnebre iha Metinaru (06/04).

Koordenadór pillar 7 klarifika, matebian Francisca Gama sofre uluk moras komplikasaun rins no tensaun altu, hafoin baixa iha sala izolamentu Tasi Tolu iha loron 24, fulan Marsu liu-ba, tanba afetadu pozitivu Covid-19.

“Pasiente mai ho kondisaun ne’ebé maka grave, i tuir termu médiku ami dehan acidosis metabolic, ne’e kondisaun ne’ebé maka rejulta husi pasiente nia istória tratamentu iha gagal ginzal chronic, ou ita dehan cronic renal”,konfirma profisionál saúde Doutor Nilton do Carmo da Silva.

Lee hotu :   Komunidade preokupa ho situasaun polítika atuál

Atividade fúnebre ne’e akompaña ho missa requiem ne’ebé prezide hosi Padre Ángelo Salsinha.

La hanesan ho seremónia fúnebre bai-bain, seremónia fúnebre ba matebian Covid-19, família matebian nian la kari ai-funan no sunu lilin iha rate. Maibé tuir protokolu Covid-19 nian, liu loron sanulu, husi loron ne’ebé halo’ot mate isin, hafoin família bele kari ai-funan no sunu lilin.

Matebian Francisca Gama ho idade 44, orijin hosi Postu Administrativu Laga, Munisípiu Baucau Matebian mate, husik hela nia la’en kaben, ho oan na’in 2. San

Add to Comments Here!!!!

error: Content is protected.
Secured By miniOrange
You might also like:
Timor-oan iha Reinu Unidu husu sidadaun sira labele tauk simu vasina AstraZeneka

Timor-oan iha Nasaun Reinu Unidu, husu...

Natar hektare 100 resin hetan estragus totál iha Purugua

Komunidade Aldeia Lesupu, Suku Purugua, Postu...

Erozaun iha Maubisse, hamate ema na’in 5

Udan ho intensaun boot ne’ebé akontese,...

Close