JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vasina AstraZeneka doses rihun 24 to’o ona iha TL

Vasina AstraZeneka doses rihun 24 to’o ona iha TL

Vasina AstraZeneka hamutuk doses 24.000 ba etapa dahuluk to’o iha Aeroportu Internasionál Nicolau Lobato Díli, Timor-Leste (TL), Segunda (05/04) ne’e ho aviaun My Indo Airlines.

Etapa dahuluk vasina AstraZeneka ne’e, apoiu husi fasilidade COVAX no kooperasaun entre Organizasaun Mundiál Saúde, Inisiativa Global ka GAVI no UNICEF.

Ministra Saúde Odete Freitas Belo hateten, mesmu Timor Leste (TL) la rejistu kazu mate ba Covid-19, maibé governu nafatin ho esforsu antisipa, nune’e labele mosu kazu mortal ho vasina astraZeneka ne’ebé dadaun ne’e to’o ona iha TL.

Governante ne’e mós husu, komunidade hotu tenki koopera ho servisu saúde sira, nune’e bele hetan vasina kontra covid-19.

“Atu hatudu katak vasina ida ne’e seguru no kualidade, nomós iha nia efikasia ne’ebé diak, nune’e ita hili vasina ida ne’e ba ita nia rain” Ministra Saúde nia intervensaun iha prosesu ba termu intrega iha Aeroportu Díli (05/04).

Diretóra Jerál Prestasaun Servisu Saúde Ministériu Saúde Odete Viegas informa, vasina astraZeneka ne’e sei halo vasinasaun dahuluk ba pessoal servisu liña frente sira, hanesan Profesionál Saúde, PNTL, F-FDTL, Bombeirus, Protesaun Sivil, Servisu Aeroportu, Pessoal Média no pessoal liña frente sira seluk.

Odete esplika, mesmu TL seidauk iha laboratóriu espesífiku atu halo teste ba vasina ne’e, maibé pre-kualifikasaun husi OMS hatudu vasina astraZeneka tuir duni estandarizasaun saúde mundial nian.

“Ita atu adopta vasina ida ne’e tenke hetan pre-kualifikasaun husi Organizasaun Saúde Mundiál nian, tanba astraZeneka tama mós iha emerjénsia youth licensee, no ita haree Indonézia uja rasik sira nia vasina SINOVAX ne’e, maske vasina ne’e rasik seidauk tama iha pre-kualifikasaun” esplika Diretóra Jerál Prestasaun Servisu Saúde Ministériu Saúde.

Lee hotu :   Atu deteta transmisaun lokál, MS sei hala’o Mass Screening iha fatin públiku

Tuir informasaun husi OMS no COVAX katak, Vasina astraZeneka 260.600 ba faze daruak nian sei to’o iha Díli, iha meadu fulan Maiu no Jullu tinan ne’e, no tuir estimasaun ne’ebé iha TL presiza kuantidade vasina refere ho doses hamutuk 263.000.

Tuir planu, lansamentu dahuluk ba vasinasaun astraZeneka ne’e sei hala’o iha loron 7, fulan ne’e ba ema ruanulu ne’ebé konfirmadu ona iha lista Ministériu Saúde nian, hafoin distribui ba munisípiu sira. San

 

Add to Comments Here!!!!

error: Content is protected.
Secured By miniOrange
You might also like:
PR Lú Olo hato’o solidariedade ba vítima inundasaun

Prezidente Repúblika (PR), Francisco Guteres Lú...

PR konvida Horta diskute golpe militar iha Myanmar

Prezidente Repúblika (PR), Francisco Guteres Lú...

PNTL sei hasa’e volume operasaun iha Díli

Hela loron rua  serka sanitária remata,...

Close