JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL rejista tan kazu óbitu COVID-19 na’in ida

TL rejista tan kazu óbitu COVID-19 na’in ida

Timor-Leste (TL) rejista tan,  kazu óbitu ba COVID-19,  na’in ida. Matebian ne’ebé mate ho Covid-19 ne’e ho naran Fernando do Rego,  matebian refere hetan asidente tráfegu iha loron 27 fulan Abril tinan 2021, tama iha Departamentu Emerjénsia Hospitál Nasionál Guido Valadares (HNGV), iha loron ne’e kedas  família husu lori fila ba uma, no iha loron (29-04-2021) tama fali iha Departamentu Emerjénsia Ospitál,  ho nível konsiénsia reduzida.

“Kazu sirurjia 1 tamba asidente tránzitu, no iha ‘’Severe Head Injury’’ no detetadu pozitivu SARS-Cov-2, ohin 2 de Maiu de 2021 tuku 07h29 dader hakotu-i’is. Ninia istória klinika hanesan tuir mai, Mane, idade tinan 28, iha dia 27 Abril de 2021, tama iha Departamentu Emerjénsia HNGV ho diagnóstiku ‘’Severe Head Injury’’, hafoin asidente tránzitu, iha loron ne’e kedas família husu lori fila ba uma. Dia 29 de Abril de 2021, tama fali iha Departamentu Emerjénsia HNGV ho nível konsiénsia reduzida (Glasgow Coma Scale:6). Iha exame diagnóstiku ho CT scan hatudu ‘’Difuse Axional Injury & Edema Cerebri’’. Ida ne’e rezultadu hosi trauma iha ulun wainhira hetan asidente tránzitu loron 2 liu bá. Teste PCR hatudu rezultadu pozitivu ho CT:N2 gene 20.6; E gene 20,” Koordenador Forsa Tarefa Prevensaun no Mitigasaun Surtu Covid-19, Rui Maria de Araújo, liu hosi komunikadu ne’ebé GMN asesu iha loron (03-05-2021).

Rui esplika, ekipa saúde transfere,  pasiente ne’e ba iha izolamentu Vera Cruz, atu prevene tranzmisaun Covid-19  ba pasiente sira seluk,  iha HNGV.

“Hosi 29 de Abril kalan to’o ohin dader, hetan tratamentu tuir prosedimentu ba ‘’Severe Head Injury’’iha fatin izolamentu Vera Cruz, atu prevene labele da’et-tutan virus SARS-CoV-2 ba pasiente sira seluk iha HNGV. Hafoin i’is-kotu, teste PCR post-mortem nafatin hatudu SARS-COV-2 pozitivu ho CT N2 gene 24.1, E gene 22.4”.

Lee hotu :   Xanana Gusmão: Foin sa’e sira labele uza arte ba violénsia

Iha loron hanesan,  família matebian,  hala’o enkontru  ho Sentru Integradu Jestaun Krize  Sala Situasaun (SIJK/SS) no iha enkontru refere,  iha konkordánsia entre família ho SIJK,  deside lori matebian  ba halo’ot  iha nia rai moris fatin, maibe família matebian rekoñese,  maske matebian mate asidente tráfegu,  maibé  ho matebian nia rezultadu hatudu,  matebian mós suspeitu ho Covid-19.

Iha loron (03-05-2021) Sentru Intregradu Jestaun Krize,  entrega mate isin iha Sala izolamentu, Vera Cruz ba família,  hodi lori ba Munisípiu Viqueque. No sai hosi Izolamentu Vera Cruz,  lori matebian ba liu hosi matebian nia Uma iha Quintal Bo’ot,  hodi hatur iha meza,  molok kontinua lori ba nia moris fatin Uatolari-Viqueque.

To’o iha Uatolari, sei liu hosi nia uma iha Suku Makadiki-Watulari,  ekipa saúde ho família,  hosi Uatolari mak sei lori ba rate,  hodi halót mate isin tuir protókolu Covid-19 nian. Matebian Fernando do Rego mate husik hela feen kaben ho oan na’in haat.

MS tenke entrega rezultadu swab test

Nune’e mos, pasiente COVID-19 husu ba Ministériu Saúde (MS), liuhosi Laboratóriu Nasionál atu entrega karta rezultadu swab test,  hanesan baze legál ida ba sira hodi nune’e sira bele hatene katak, sira pozitivu ba COVID-19 ka lae.

“Ita presiza iha karta ida atu nune’e ita bele hatene ita nia rezultadu, sei dehan ita ne’e positivu, ita bele sae kareta ba izolamentu ona, sei ita negativu , parabens ita negativu bele fila ba uma”, hatete pasiente Covid-19,  ne’ebé izola iha sala izolamentu balu  iha Díli, maibe lakohi publika nia naran, relasiona ho rezultadu swab test ne’ebé ekipa saúde halo ona ba sira,  maibé sira seidauk hetan ninia rezultadu teste restreu.

Lee hotu :   KM aprova operadór telekomunikasaun foun CESLINK

Pasiente sira ne’e rasik to’o agora seidauk iha karta baze legál ida, tanba ne’e nu’udar pasiente Covid-19 iha direitu tomak atu husu baze legal hosi MS.

Hatán ba preokupasaun ne’e,  Ministra Saúde Odete Maria Freitas Belo hateten,  rezultadu teste restreu labele entrega iha tempu ne’e kedas, tanba wainhira atu print out,  sira nia rezultadu sei han  tempu.

“Lala’ok protókolu Ministériu Saúde nian,  sempre hato’o, maibé ninia implementasaun sempre iha faillansu,  no problema maibé Ministériu Saúde koko atu hadia nafatin ba oin, ita espera ita nia maluk sira sei hetan hotu sira nia rezultadu teste rastreiu iha tempu badak,”nia promete.eni

Add to Comments Here!!!!

error: Content is protected.
Secured By miniOrange
You might also like:
Loron Mundiál Liberdade Imprensa, PM Taur agradese jornalista Timor-oan sira

Primeiru Ministru (PM), Taur Matan Ruak,...

Vítima inundasaun uma-kain 42 sei hela iha Dom Bosco

Vítima inundasaun uma-kain hamutuk 42,  kontinua...

Tilman fiar PJR foun sei aselera prosesu ne’ebé sai polémika iha públiku

Jurista Timor-Oan Manuel Tilman, iha esperansa...

Close