JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu Governu kontrola perfurasaun bee moos

PN husu Governu kontrola perfurasaun bee moos

Reprezentante povu iha Parlamentu Nasionál (PN) preokupa ho komunidade ne’ebé fura rasik bee iha uma, tanba bele implika ba saúde komunidade nian rasik, bainhira halo perfurasaun ho distansia ne’ebé besik liu iha sentina.

Tanba ne’e deputadu bankada FRETILIN, Fabião de Oliveira, liu hosi sesaun plenaria Segunda (04/02/2019) ne’e, sujere ba VIII Governu konstitusional, atu bele halo kontrolu ba asuntu ne’e.

“Iha sidade Dili ita bele hemu bee Água, maibe kuaze 80% iha Timor laran mak poplasaun hemu bee horis ou bee matan, akontese iha fatin balun, hemu bee, bee ne’e fó fali impaktu moras ba komunidade, hanesan área ne’ebé tasi ibun, tanba bee kontaminadu tiha ona ho masin, nune’e nia impaktu mak fó moras.

Ho razaun hirak ne’e, husu ba Governu atu bele haree didi’ak ba kazu sira hanesan ne’e, Governu mós presiza atu kontrola perfurasaun sira ne’e, inklui iha Dili laran, tanba perfurasaun sira ne’e lakontrola nia distansia ne’ebé iha, nune’e bele fó impaktu kontaminadu ba moras no mate,”hateten deputadu Fabião de Oliveira.

Reprezentante povu ne’e mós rekomenda ba Governu, atu labele tau osan bo’ot ba de’it ema ne’ebé servisu iha edifisíu ka iha fatin de’it, nune’e tau mós osan ba servisu profesionais tékniku ka espesialista ne’ebé servisu iha baze, hodi nune’e bele identifika didi’ak kualidade bee moos hodi proteze populasaun hosi moras sira, nune’e kontinua digifika povu moris saúdavel.

Hatan ba preokupasaun husi reprezentante povu ne’e, Ministru Reforma Lejislativu no Asuntu Parlamentar (MRLAP) Fidelis Leite Magalhães konfirma, VIII Governu konstitusional iha ona planu atu solusiona problema bee moos no saneamentu, liuhosi kooperasaun ho parseiru dezenvolvimentu sira.

Lee hotu :   Vendedor Kampung Alor la aseita muda ba Golgota

“Fura bee ne’e la’os fó ameasa de’it ba saúde públiku nian, tanba infiltrasaun husi harís fatin sira, maibe nia mós bele halo tasi ben tama ba rai laran, halo rai bele monu, sidade Dili se ita la kontrola fura bee, bele monu ba rai okos.

Tanba ne’e Governu konsiente tebes, oinsa buka fonte alternativu ba bee, para bele hapara fura bee ne’ebé latuir regras ne’ebé bele fó ameasa mós ba seguransa no saúde públika,”hateten MRLAP.

Magalhães relata tan, VIII Governu konstitusional hamutuk ho parseiru dezenvolvimentu sira planeia ona, atu halo investimentu ne’ebé bo’ot ba área bee nian, hodi solusiona problema bee no saneamentu iha Timor-Leste, liu-liu iha sidade Dili nu’udar sentru ba populasaun.

“Problema ida ita hasoru barak mak problema ida desnutrisaun, problema ne’ebé ita nia populasaun, liuliu ba labarik ki’ik sira lakon nutrisaun iha sira nia prosesu dezenvolvimentu, tanba kontaktu ho fo’er liuhosi bee ne’ebé sira hemu ladiak, hodi sofre díareia, nune’e nutrisaun ne’e labarik sira han sai hotu iha faze dezenvolvimentu, sira (labarik) sira to’o tinan ida no rua, dezenvolvimentu kakutak la la’o ho di’ak tanba lakon nutrisaun barak, liu-liu kauza husi bee,”Fidelis esplika.

Governante ne’e kompromete tan, VIII Governu sei esforsu maka’as atu bele rezolve problema bee moos hodi responde povu nia halerik.Say

Add to Comments Here!!!!

error: Content is protected.
Secured By miniOrange
You might also like:
Fundu mina-rai TL tun ba billiaun USD 15,80

Banco Central de Timor-Leste (BCTL), Segunda...

Jornal Semanário GMNTV Edisaun 03 Fevereiro 2019

CPLP na GMN 4 Fevereiro 2019

Close