JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EKJ IPB 18 simu pose sai funsionáriu públiku

EKJ IPB 18 simu pose sai funsionáriu públiku

Estrutura Konselho Jeral (KJ) Institutu Poletekníku Betano (IPB) Kay Rala Xanana Gusmão, hamutuk 18 kompostu husi Prezidente Konselho Jeral IPB Diretores no Dosente, simu posse husi Ministru Ensinu Superior Siensia no Kultura (MESSK) no Reprezentante Komisaun Funsaun Públika (KFP) no Prezidente IPB, hodi assume kna’ar nudar Fúnsionariu Públiku iha IPB hodi hala’o kna’ar durante mandatu.

Prezidente IPB, Acacio Cardoso, hatete Konselho Jeral (KJ) iha kompetensia no servisu barak ne’ebé presiza halo iha tempu badak liga ho politika Institutu no planu estratejiku IPB no halo regimento interna, tamba IPB foin hari’i tinan rua ho servisu iha IPB rasik seidauk iha no mamuk hela.

 “ Hau husu ba empossado sira nia komprendesaun idiolismo no esforsu masimu, tamba buat hotu iha IPB seidauk kompletu no mamuk los, dehan Prezidente IPB, Acacio Cardoso, ba JN-Diario kinta (11/04/2019) iha kampus IPB Munisipiu Manufahi.

Prezidente IPB, haktuir  regimento IPB tenke iha urgentemente bainhira hahu maibé to’o agora regimento IPB seidauk iha tamba estrutura KJ foin simu posse, tamba ne’e ba oin servisu ne’ebé KJ presiza halo mak muda estatuto provizoriu IPB ba estatuto difinitivu atu IPB bele sai orgaun autonomo ida  tamba oras ne’e ami sei servisu hamutuk hela ho Ministériu Ensinu Superior Siensia no Kultura (MESSK) ne’ebé orsamento mos utiliza hamutuk.

Nune’e mos, Emposado Prezidente Konselho Jeral IPB, Armindo Maia, kompromete sei lídera servisu iha IPB ba oin ho diak no husu atu servisu hamutuk entre orgaun no estrutura sira iha IPB nia laran nune’e bele lori IPB sai Instutuisaun ida ne’ebé iha kualidade diak ba estudante sira.

Lee hotu :   Kontribuisaun Saudozu L4, PR hasai dekretu Prezidente halot iha Jardim dos Herois Metinaro

 “ IPB hamrik iha MESSK nia okos, tamba ne’e agradese ba konfiansa ne’ebé Ministru depozita mai ami atu hala’o ami nia kna’ar nudar konselho jeral, no ami espera no halo votus katak, ba oin apoiu ne’ebé MESSK apoiu ba IPB kontinua no reforsa liu tan hodi lori IPB halo nia misaun tuir nia estatuto ne’ebé konsagra ona.” afirma Prezidente Konselho Jeral IPB, Armindo Maia.

Iha fatin hanesan, Ministru Ensinu Superior Siensia no Kultura, Longuinhos dos Santos, apela ba estrutura empossado sira atu halo servisu tuir kompetensia ne’ebé iha, liu-liu aprova planu politika estratejiku IPB nian, no oinsa aprova mos regimento internal no relatório finansiamento inklui número estudante ne’ebé atu tama iha IPB. Fel

Add to Comments Here!!!!

error: Content is protected.
Secured By miniOrange
You might also like:
Dionísio Babo: Kontratu embaixada TL iha ONU remata

Ministru Negósiu Estranjeiru no Kooperasaun (MNEK)...

Faustino da Costa: Membru Polísia komete kazu pekulatu no korupsaun sei lá tolera

Komandante Jerál Polísia Nasionál Timor-Leste (PNTL)...

PM Taur orienta GASS halo selesaun ba proposta ONG ho rigorozu

Primeiru Ministru (PM),  Taur Matan Ruak,...

Close