Francisco Gama hakotu iis ho idade 63

Foto Facebook

Matebian Francisco Gama, hakotu ona iis iha loron Tersa (23/04) oras 13:00 Otl, hafoin sofre moras komplikadu durante tinan barak nia laran.

Artista Legendáriu no legendáriu futebolista,  Francisco Gama, hakotu is ho idade 63, no husik hela ninia fuan domin hamutuk  na’in 12, kompostu husi feto na’in 7 no mane na’in lima.

Matebian Francisco Xavier Sousa Gama, moris iha Díli iha loron 15 Fulan Juñu tinan 1956.

Iha Kinta loron 25,  familia lori matebian halo misa iha Igreja Becora antes ba halot iha Semitériu Bekusi Díli.

Familia senti triste tebes, tanba lakon sira-nia aman di’ak ida ne’ebé durante ne’e fó suporta maka’as ba oan no família sira.

“ Ami  senti triste, tanba lakon aman di’ak ida iha família nia leet,  Fracisco Gama artista ho naran kuñesidu Siku Gama, ema ida ne’ebé kuñesidu ho naran Siku metan ne’e, iha nia talentu rua, tanba involve iha atividade footebolista no mós hanesan kompositor  ba músika nian, alende ne’e durante nia vida moris  sempre gosta halimar ho se de’it, no Siku Gama mós involve  iha luta independensia Timor-Leste”,  hateten   Mateus da Silva Soares de Sances, ba GMN hafoin misa iha Becora Díli, Kinta (25/04).

Nia hatutan, Francisco Gama nia mate halo família hadomi futebol Timor-Leste lakon legendáriu futebolista  ida ne’ebé di’ak tebes.

Iha tinan 1963, Siku Gama tama eskola Primária maibé  la remata, to’o de’it iha segunda klase, no  iha tinan 1975, nia involve aan iha organizasaun FALINTIL hodi kontra  okupasaun militar indonézia, no iha tinan 1976  militar indonézia kaptura no hatma ba kadeia.aba