Kompañia internasional ALTON hakarak tulun governu solusiona folin tikete aviaun

Diretór kompañia internasional ALTON konsultóriu aviasaun, Adam Cowburn, no espesialista aviasaun, Pedro Carrascalão,sei tulun Governu Timor-Leste hodi ultra pasa problema folin tikete aviaun nian iha Timor, nebe to’o ohin loron seidauk hetan solusaun.

Pedro Carracalão hato’o lia hirak nee hafoin ekontru ho Primeiru Ministru, Taur Matan Ruak, Segunda (13/05), iha Palasio Governu.

 Espesialista aviasaun, Pedro Carrascalão, aprezenta peritu espesialista  aviasaun husi Amerika ,Adam Cowburn,ba Primeiru Ministru Taur Matan Ruak, atu hatudu dalan ida ne’ebe diak ba Governu nune’e bele rezolve no solusiona problema ne’ebé nasaun Timor-Leste hasoru agora,liu husi mekanismu parte teknika no politika aviasaun nian.

 “Ita haree situasaun aviasaun ita haree iha Timor-Leste iha problema bo’ot ne’ebé impaktu ita nia ekonomia ,laos foin akontese, maibé desde tinan kotuk ita haree tikete aviaun folin sa’e makas nune’e Governu tenta atu buka solusaun, mas to’o ohin loron seidauk konsege hetan  solusaun ida,tamba tikete aviaun kontinua karun nafatin”, dehan Pedro Carrascalão ba Jornalista sira.

Situasaun ne’e obriga, “hau para buka solusaun ida atu oinsa ita bele tulun ita nia Governu liu husi hatudu dalan ida ne’ebe diak ba Governu nune’e ba oin ita bele rezolve no solusiona problema ne’ebé nasaun Timor-Leste hasoru agora ne’e liu husi mekanismu parte teknika no politika.

Diretór kompañia internasional ALTON konsultóriu aviasaun Adam Cowburn, no espesialista aviasaun Pedro Carrascalão, koalia ho Primeiru Ministru Taur Matan Ruak, atu hari’i TASFORCE ne’ebé kompostu  Timor oan duni ne’ebé matenek iha área aviasaun ho ema espesialista iha area pasifiku husi nasaun Amerika, tamba Timor-Leste presiza ema matenek hanesan ema Amerikanu ne’e, tamba Timor foin hahú.

“Hau fó hanoin ba Primeiru Ministru Taur Matan Ruak,katak, tempu ona para ita atu hari’i kompañia nasional ,tamba ita labele depende liu ba kompañia internasional sira husi rai liur, tamba sira mai iha Timor lá haree folin tikete ida ne’ebé diak mai ita ,kastigu tan ita,izola tan ita depois sira loron ida mai loron ida la mai ne’e fó impaktu bo’ot mai ita”, tenik Pedro Carrascalão.

Primeiru Ministru  Taur Matan Ruak, apresia ho matenek Timor oan ne’e no fó apoiu ba ideia Timor oan ne’e katak, tempu duni ona atu hari’i kompañia Aero Nasional, iha Timor-Leste nian.

 “Ami nia prezensa ohin atu hatudu dalan ba Governu liu husi planu, estratejia, finansiamentu sustentabilidade,nune’e bainhira hari’i tenki tuir planu ne’ebé trasa ona liu husi estudu viabilidade ida ne’ebé diak, atu labele monu iha dalan klaran”,dehan Pedro Carrascalão. tos