Ró Haksolok presiza tan millaun USD14

Ministro  Transportes e Comunicações, José Agustinho da Silva, hatete ró Haksolok dadaun ne’e atinji tiha ona 70%, maibé sei presiza tan orsamentu millaun USD 14 Milhões hodi finaliza ró nee.

“Tuir kontratu ne’ebé mak iha kompañia naran Igen ShipBuilding husi Portugal konaba orsamentu parte Governu nian iha tempu ne’ebá ita aloka $ 13 Milhões ,mas depois de konstrusaun ne’e la’o katak, presiza tan orsamentu audisional ho total $ 14 Milhões ,para bele finaliza prosesu konstrusaun ró ahi ró Haksolok”, hatete Ministro  Transportes e Comunicações, José Agustinho da Silva, lia hirak ne’e hafoin informa progresu konstrusaun ró Haksolok ba Primeiru Ministru Taur Matan Ruak, Segunda (27/05), iha Palasiu Governu.

Ministro  Transportes e Comunicações, José Agustinho da Silva, foin lalais nee halao visita ba Lisboa Portugal hodi haree direitamente konstrusaun ró Haksolok nebe kaer husi kompañia   Igen ShipBuilding, Portugal.

Ministro  Transportes e Comunicações, José Agustinho da Silva, hatete orsamentu $ 14 Milhões ne’e Governu liu husi Ministériu Transporte Komunikasaun sei aloka iha tinan ne’e (2019),atu nune’e bele aseleira no finaliza lalais konstrusaun ró Haksolok.

Governate nee hatutan Ró Haksolok sei presiza tan fulan 6 ou 7 mak sei mai iha Timor-Leste, tamba ninia prosesu konstrusaun foin  atinji 70%. Ró Haksolok afeitadu hodi finalize tarde, tamba Luis Pite ne’ebé toma konta tekniku ba ró ne’e mate, nune’e nia oan mane mak subtitui fila-fali.

“Hau haree husi oklu tekniku ninia konstrusaun progresu ró ahi, ró Haksolok atinji tiha ona 65 to’o 70% ona, hau enkontru ho  jestor no tekniku ró Haksolok  Sr.nain 2 ,maibé jestor ida uluk mate tiha entaun afeita ba progresu konstrusaun ikus mai ninia oan mane mak subtitui tan Sr.ida ho naran Luis Pite oan husi Eis Administrador Díli,nian nia oan mane nia ema Timor oan nia iha responsabilidade akompañia prosesu konstrusaun ró ahi ne’e”, dehan Ministro  Transportes e Comunicações.

Antes ne’e Prezidente Autoridade  Região Administrativa Especial de Oé-Cusse Ambeno (RAEOA)  Zona Espesiál Sosiál Merkadu ZEESM Mari Alkatiri hateten , Ró Haksolok Sei Mai iha tempu badak , hodi Fó Ksolok Ba Ema Hotu.tos