JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Jorge Serrano: GMN halo tinan rua tanba kontribuisaun husi telespetadór sira

Jorge Serrano: GMN halo tinan rua tanba kontribuisaun husi telespetadór sira

Prezidente Konsellu Administarsaun Grupo Média Naciona (GMN), Jorge Manuel de Araújo Serano, hateten, intituisaun média GMN susesu no tama ona ba tinan rua ne’e, tanba kontribuisaun husi telespetadór sira hotu.

Iha loron 15 fulan Juñu, tinan ne’e, Grupo Média Nacional GMN (GMN TV ho Nacional FM) halo festa aniversáriu ba tinan rua ho moto “Hamutuk Haklaken Lia Los Hodi Hametin No Haburas”.

Prezidente Konsellu Administarsaun, Jorge Manuel de Araújo Serano fo  agradesimentu ba públiku tomak ne’ebé durante ne’e apoia no fo liman ba televizaun GMN  hodi hamriik la’o ba tinan rua ona.

Fundadór GMN ne’e mós afirma katak, mezmu GMN foin hamriik tinan rua, maibe durante ne’e fo ona kontribuisaun liu husi fo sai informasaun ba públiku konaba problema ekonomia, polítika, kultura no sosial ne’ebé la’o iha rai laran no rai liur.

“Agradesimentu mos ba apoiu tomak, se GMN ohin tama tinan rua tanba iha apoiu husi ema hotu nian. Ha’u hanoin katak husi telespetador sira nia konfiansa, no mos la ses husi amigu GMN nian sira ne’ebé fiar, tau anunsiu, publisidade, avizu ba GMN iha tinan rua nia laran, no mos ba fonte sira ne’ebé kredivel, sira nia suporta hotu bainhira GMN presiza informasaun ruma, konvite ruma ba entrevista ou programa ruma husi sira-nia prezensa, sira- nia disponibilidade mak fo fiar halo GMN ema barak gosta, ema barak fiar, i ema barak nia asesu ba GMN. Ha’u hanoin katak GMN foin tinan rua, hanesan labarik ida karik, foin la’o , foin hakdasak, maibe tanba hot-hotu nia apoiu mak hot-hotu fo liman ba GMN, GMN hamriik no la’o,” dehan responsável máximu GMN Jorge Manuel de Araújo Serrano, iha nia diskursu ba aniversáriu GMN ba dala rua, Domingu (15/6/19), iha Bebora, Díli.

Lee hotu :   KADA TINAN, DIOSEZE HETAN OSP US$ 1.500 MILAUN

Alende ne’e líder karismátiku, Kay Rala Xanana Gusmão, ne’ebé partisipa iha seremonia aniversáriu GMN ba dala rua ne’e husu ba funsionáriu hotu atu servisu ho responsabilidade hodi fo informasaun ne’ebé los ba públiku. Tanba informasaun bele eduka públiku hodi hametin karakter sidadaun Timor-oan nian.

“Ita hotu hamutuk iha ne’e selebra segundu aniversáriu ita-nia televizaun ida ne’ebé buka atu informa ba ita povu tomak liu husi informasaun eduka ita, liu husi edukasaun bele hametin ita-nia karakter nu’udar sidadaun Timor Lorosa’e nian. Hodi nune’e ita bele fo fiar ba GMN nu’udar kanál ida ne’ebé lori informasaun mai ita, no hasa’e ita-nia preokupasoens oi-oin deit ne’ebé ita lor-loron hetan karik iha ita-nia vida. Fo parabens ba GMN, ba Prezidente GMN, ba staff hotu-hotu, los duni sira ne’ebé kaer camera  maibe mos sira ne’ebé servisu iha iha uma laran ne’ebá (eskritoriu laran) parabens, i husu bo’ot tinan mai ne’e ho tan lansamentu foin dadauk ne’e, tinan mai ne’e ita bele haree katak iha duni dezenvolvimentu ne’ebé diak liu tan iha GMN nia atividade no ninia objetivu”,dehan líder nasional, Xanana Gusmão, iha nia diskursu.

Iha festa aniversáriu ne’e lansa tan programa rua kompostu ASEAN News no Foin Sa’e alias Juventude ho Múzika hodi aumenta programa GMN no fahe mós premiu ba manan nain GMN Cup.

Antes ne’e ekipa GMN la’o haleu Timor laran tomak atu rona telespetadór sira-nia preokupasaun kona-ba programa GMN nian.aba

 

Add to Comments Here!!!!

error: Content is protected.
Secured By miniOrange
You might also like:
DIA 16/06/19 || GMNTV LIVE STREAM || JORNAL AS 12

DIA 16/06/19 || GMNTV LIVE STREAM || JORNAL NASIONAL KALAN

DIA 15/06/19 || GMNTV LIVE STREAM || JORNAL NACIONAL KALAN || KONSERTU SPEKTAKULER MUSIKAL

Close