Grupu Riin Besi-Asu Tali Be Korente konsentra iha Madohi halo komunidade pániku

Xefe Suku Madohi  Bernadino  de Cristo Ferreira, hateten, membru husi Grupu Riin Besi-Asu Tali Be Korente konsentra iha Suku Madohi, halo komunidade balun pániku no la kontente.

Maske nune’e Bernadino  de Cristo  Ferreira hateten,  prezensa   Grupu  ne’e iha Suku Madohi  hetan koñesimentu verbal, la liu husi  karta eskrita. Ne’ebé mak  grupu ne’e ninia  objetivu atu  halo  reflesaun ba loron konsulta popular 30 Agostu.  Tan ne’e  ema sira mak involve  Grupu Riin Besi-Asu Tali Be Korente hela ona  durante loron sia iha Suku refere, sira kontribui  tebes ba estabilidade.

Ba preokupasaun ne’e, Portavoz, Grupu Riin Besi-Asu Tali Be Korente, Vicente da Silva, rejeita fó esplikasaun klaru kona-ba objetivu lolos husi sira-nia prezensa iha Madohi.

“Prezensa  grupu ne’e halo ema balun tristi ema balun kontente, tristi tanba ema balun la kompriende misaun ho vizaun grupu ne’e nian. Ema balun kontente hanesan termasuk  ha’u kontente, tanba sira mai la halo buat a’at ida,”esplika  Xefe Suku Madohi  Bernadino  de Cristo  Ferreira, ba GMN Sesta (23/08/19), iha sede Suku Madohi.

Membru Grupu   Riin Besi-Asu Tali Be Korente hamutuk 36, kompostu husi feto nain haat no mane tolu resin rua.

Grupu refere  mai husi Postu Administrativu Venilale, Munisípiu Baucau, no nia portavoz mak Vicente da Silva.

Antes ne’e mós PNTL  halo ona atuasaun ba Grupu Riin Besi-Asu Tali Be Korente iha Munisípiu Aileu.avi