JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ekipa fiskalizasaun prende ona kareta Estadu 126

Ekipa fiskalizasaun prende ona kareta Estadu 126

Porta voz Ekipa Fiskalizasaun Konjunta ba Atividade Movimentu Viatura Estadu, Euclides Vidal Madeira, informa, hahú husi fulan Maiu to’o fulan Juñu, tinan ne’e, ninia ekipa halo ona apreensaun ba viatura Estadu hamutuk 126.

“Hahú husi fulan Maiu to’o Juñu, tinan ne’e, Ekipa Fiskalizasaun Konjunta ba Aktividade Movimentu Viatura Estadu halo apreensaun ba viatura Estadu hamutuk 126, nune’e ohin ekipa fiskalizasaun mai hasoru Komisáriu Asuntu Disiplinar Komisaun Funsaun Públika (KFP), hodi entrega relatóriu aktividade servisu ne’ebé durante ne’e sira halo iha terenu”, Porta voz Ekipa Fiskalizasaun ba jornalista sira hafoin halo konferensia imprensa iha salaun KFP, Sesta (13-09-2019).

Porta voz, Euclides esplika, ekipa conjunta mai KFP ne’e, atu entrega relatóriu aktividade servisu ne’ebé durante ne’e ekipa fiskalizasaun konjunta halo no ida ne’e, nu’udar referensia ida ba KFP atu haree no oinsá hadi’a di’ak liu tan servisu operasaun kareta Estadu iha públiku.

“Ami mai entrega relatóriu rezultadu servisu ne’ebé halo durante fulan tolu nia laran no iha regulamentu iha aktividade nia laran, iha ne’ebá hateten, bainhira servisu remata tenki enkamiña relatóriu ba iha aktividade relevante, tanba ida mak ami mai entrega relatóriu ida ne’e, Komisáriu Asuntu Disiplinar Komisaun Funsaun Públika (KFP), para haree tuir kompetensia ne’ebé lei atribui ba KFP para haree kontinuasaun husi rezultadu relatóriu ne’ebé iha”, tenik Euclides.

Husi sorin seluk, Komisáriu Asuntu Disiplinar KFP, Antonio Freitas hateten, dekretu lei númeru 8/2003, iha númeru 2 hateten klaru katak, só membru governu, diretor jeral, diretor munisipal no kargu ekipa radio sira mak iha direitu atu uza patrimóniu Estadu, maibé uza bazeia ba artigu 3 katak, uza tenki durante oras 7 to’o oras 19, kada loron.

Lee hotu :   Tinan ida, traballador Timor-oan iha Korea hatama reseita ba Estadu ho millaun USD 9

“Imi hotu-hotu akompañia katak, husi parte enkontru ida ne’e mak ita emkamiña ba ekipa teknik sira, forma ekipa task-force, para bele halo operasaun check point ba kareta Estadu ne’ebé sira uza iha tempu fora área servisu ni’an, ne’e sei laiha justifikasaun, tenki trava no ami prende, tanba iha dekretu lei númeru 8/2003, númeru 2 hateten, só membru governu, diretor jeral, diretor munisipal no kargu ekipa radio sira mak iha direitu atu uza patrimóniu Estadu, maibé uza bazeia ba artigu 3 katak, tenki durante oras 7 to’o 19, maibé labele uza to’o fali oras 24, ne’e labele”, afirma Antonio Freitas.

Entretantu Ekipa Fiskalizasaun Konjunta ba Aktividade Movimentu Viatura Estadu kompostu husi Polísia Nasional Timor-Leste, Ministériu Finansas, Ministériu Transporte no Telekomunikasaun, Ministériu Interior, Sekretáriadu Estadu Protesaun Sivil no Komisaun Anti Korupsaun. mya

Add to Comments Here!!!!

error: Content is protected.
Secured By miniOrange
You might also like:
Komandu PNTL fó suspensaun ba membru UPF ne’ebé baku KPK

Komandante Operasaun Polisia Nasionál Timor-Leste (PNTL)...

PR Lú Olo: Timor-oan hotu tenke respeita desizaun Tribunal

Prezidente Repúblika (PR), Francisco Guterres Lú...

Vise Prezidente DPR-RI vizita PN Timor-Leste ■ PPN Arão: Relasaun RI-TL bele reforsa ekonomia

Prezidenti Parlamentu Nasional (PPN), Arão Noe,...

Close