JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ahi-han loja rua iha Liquiça

Ahi-han loja rua iha Liquiça

Ahi han  loja rua iha merkadu Munisípiu Liquiça,  no loja na’in la konsege salva sasan ruma husi loja rua ne’e.

Movitu husi akontesimentu ne’e, mai husi sirkuitu eletrisidade husi loja laran. Maske akontesimentu ne’e la rezulta vítima kanek ou mate maibé, maibé loja na’in sira la konsege salva sira-nia sasan.

Marcelina Surisaun  Menezes  hanesan loja na’in informa, sira konsege salva osan USD 6000 maibé, sasan sira iha laran la aproveita hotu.

 “Sasan iha laran ne’e foin sosa iha segunda ne’e, no balun sosa iha semana kotuk, nune’e total osan hamutuk besik rihun tolu mak lakon ona ne’e, maske osan balun  konsege tama foti iha gaveta laran maibé, sasan ne’ebé ahi han ne’e osan lubuk ida, ne’eduni ha’u sente lakon bo’ot ba ha’u nia vida moris”, hatete Marcelina Surisaun  Menezes  ba GMN iha Merkadu Liquiça, Tersa (29/10).

Tanba ne’e, nia sujere ba Governu lokal atu tau matan ba situasaun ne’ebé nia ho nia família sira infrenta.

“Tanba osan barak mak lakon ona, banhiran mak ha’u bele sosa sasan barak hanesan ne’e, tanba ne’e husu ba Governu hodi ajuda netik kalen ho ai hodi hari’i fila fali loja hodi kontinua halo negósiu iha fatin ne’e”, katak Marcelina.

Iha fatin hanesan, motorista Tito da Silva da Conceição informa, banhira sira kuru bee  atu fa’an ba komunidade sira, derepenti haree ahi suar sae makas iha loja laran, nune’e nia parte lori bee ajuda rega ahi, tanba laiha bombeirus atu halo prevensaun ba inséndiu ne’e.

Ho akontesimentu ne’e, komunidade Munisípiu Liquiça husu ba Governu atu estabelese korpu bombeiru iha Munisípiu Liquiça, nune’e bainhira akontese inséndiu ruma, bombeirus bele halo prevensaun lalais.aba

Lee hotu :   GMN Holding hala’o atividade karidade ba komunidade Marabia

Add to Comments Here!!!!

error: Content is protected.
Secured By miniOrange
You might also like:
Xanana kolleta “Batar Kay Rala” iha Maubara

Lidér Karismátiku Kay Rala Xanana Gusmão,...

Arsenio Bano hakfodak governu seidauk hili Prezidente Autoridade RAEOA

Prezidente Autoridade Interinu Rejiaun Administrativa Espesial...

FRETILIN-PD: Povu hakarak dezenvolvimentu la’os EA

Bankada opozisaun parlamentar, Partidu FRETILIN no...

Close