JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sobu uma komunidade nian iha Tasi-Tolu  Koordenador GMD hetan sona

Governu sobu uma komunidade nian iha Tasi-Tolu  Koordenador GMD hetan sona

Governu liu husi Sekretáriu Estadu Terras no Propriedade, inklui Autoridade Lokal sira kumpri desizaun ne’ebé hatún ona  hodi sobu uma no hasai komunidade sira ne’ebé hela besik Lagoa, Tasi-Tolu.

Governu obrigatóriu uza eskavadór hodi sobu uma komunidade nian ne’ebé hari’i besik lagoa Tasi-Tolu, tamba antes ne’e hetan ona notifikasaun husi Governu maibé, abitante sira la kumpri ordem ne’e.

Habitante Sebestiana Abuk ne’ebé nia uma mós hetan estragus  lamenta katak, ho asaun ne’e, nia sei hasoru Autoridade Munisípiu Díli atu husu direitu ba sasan ne’ebé Governu estraga ona atu toma responsabilidade.

 “Autoridade sira mai avizu duni maibé, avizu liu deit la fó imformasaun klaru ba ami, para ami bele buka fatin, no bainhira ami ba atu konfirma fila-fali ba Autoridade Lokal Suku maibé, Xefe  Suku laiha beik-beik iha nia fatin,  tanba ami hela iha fatin ne’e autorizasaun husi Xefe Suku, halo ami nia deklarasaun Suku nian no nia mak asina duni deklarasaun ne’e, tanba ne’e mak ami mós brani halo uma iha fatin ne’e”, hatete Sebestiana Abuk ba jornalista sira iha Tasi-Tolu Díli, Sesta (18/10).

Sebastiana haktuir, sira triste tanba, Governu la konsidera sira hanesan Timor-oan, no uza eskapatór hodi sobu sira-nia uma, no harahun sira-nia sasan.

“Ami triste no la simu, pelumenus antes atu gusur, loron ida ka rua fó netik surat ruma hodi bele hasai sasan ka sobu kalen no batako sira hodi rai, maibé ida ne’e derepente deit loder mosu hodi dudu uma, halo batako sira rahun hotu, ida ne’e ami senti lakon bo’ot, tanba sasan sira ne’e ita lori osan mak ba sosa iha loja, la’os ba foti gratis deit”, lamenta Abuk.

Lee hotu :   MNEK reprezenta PR partisipa simeira ONU ba 74 ■Mensajen PR fo énfaze ba edukasaun

Nune’e mós, abitante Cancio Korea Soares esplika, sira halo uma iha fatin refere tanba autorizasaun husi Xefe Suku Comoro, no sira mós iha deklarasaun Suku nian ne’ebé Xefe Suku asina.

“Ami brani halo uma iha fatin ne’e, tanba Xefe Suku mak fó autoriza hodi bolu parte Sistema Nasional Cadastro (SNC ) mai sukat hodi halo surat fó osan ba Xefe Suku, kada ema ida 10 dorar, nune’e Xefe sukat rasik mak asina deklarasaun Suku nian ne’e. Ami sei organiza malu hodi husu kompensasaun husi Governu, tanba ami senti lakon osan lubuk ida ona, ne’eduni iha tempu badak sei husu ami nia direitu ba Governu”, katak Cancio.

Entretantu, total komunidade ne’ebé hela iha área refere hamutuk ema na’in tolu nolu,  no total orsamentu kada uma ne’ebé komunidade uza hodi hari’i uma ida hamutuk rihun rua resin, inklui selu badaen.

Koordenador GMD hetan sona

Entretantu, iha Sesta dader,  Koordenador Guarda Gestaun Munisípiu Díli (GMD) Joaquim Alves Belo, hetan sona iha parte kotuk, iha Tasi-Tolu-Díli, wainhira fó avizu ba vendedor sira atu labele fa’an sasan besik liu estrada.

Joaquim Alves Belo hetete, juventude na’in tolu mak sona nia iha parte kotuk laran, wanhira nia ho ekipa kumpri ordem husi Autoridade Munisípiu Díli, hodi fó avizu ba vendedor sira iha Tasi-Tolu atu labele fa’an sasan besik liu estrada bo’ot maibé, ekipa Jestaun Munisipal hetan impedimentu husi joven nain tolu, hodi hakanek Joaquim Alves iha parte kotuk ho safenda.

 “Ami ezekuta ordem husi Munisípiu Díli katak, vendedor sira ne’ebé kontinua fa’an iha estrda públiku,  tenki halo intervensaun, ne’ebé iha tuku 8:30 Otl, ha’u ho membru sira halo intervensaun ba vendedor sira iha terminal Tasi-Tolu hodi  aviza ba vendedor sira atu fa’an sasan labele besik estrada públiku maibé, juventude nain tolu ne’e mak hatan fali dehan, hakarak saida, ho lifuan kasar nune’e la kleur nain ida sona kedas ha’u iha parte kotuk laran”,  relata Joaquim Alves Belo ba jornalista iha Tasi-Tolu Díli Sesta (18/10).

Lee hotu :   Timor-oan ezije Portugal prosesa lalais sertidaun narativa

Nia haktuir, joven ida ne’ebé sona nia ne’e, nia uma mós gusur hotu, tanba antes ne’e jestaun Munisípiu ho polísia ba ona hodi fó hatene sira para bele sai ona husi fatin ne’eba.

“Tanba ida ne’e mak sira odiu ami hodi hein ami iha Terminal Tasi-Tolu, no joven nain tolu ne’e parte polísia kaptura kedas no hodi ba polísia eskuadra Dom Aleixo hodi tuir prosesu investigasaun”, katak Joaquim

Entretantu Guarda Jestaun Munisípiu Díli hala’o ordem bazea ba dekreutu lei númeru 33/2008, ne’ebé hatete, sidadun hotu labele fa’an iha estrada públiku sira.aba

 

Add to Comments Here!!!!

error: Content is protected.
Secured By miniOrange
You might also like:
Uniaun Europeia apoia millaun USD 25 ba TL

Uniaun Europeia apoiu fundus millaun USD...

Membru KPK ida iha suku madohi hetan sona

Membru Konsellu Polisiamentu Komunitaria (KPK), husi...

Bombeirus menus ekipamentus ba prevensaun dezastre naturál sira

Sekretariadu Estadu Protesaun Sivíl, Alexandrino  Xavier...

Close