JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estadu TL fo ónra ba mártires 61 halót iha JHM ■ PR Lú Olo: La’os oportunidade atu sura kolen

Estadu TL fo ónra ba mártires 61 halót iha JHM ■ PR Lú Olo: La’os oportunidade atu sura kolen

Estadu Timor-Leste (TL) komemora loron (07/12/2019), nu’udar loron istóriku iha ne’ebé invazór Indonéziu tama Timor-Leste iha (07/12/1975), hodi invade nasaun ne’e ho nia forsa armada sira nune’e Timor-oan sira rihun ba rihun iha momentu ne’eba mak mate no hasoru tempu difisil. Tanba ne’e Estadu TL fo ónra ba mártires 61 hodi halót iha Jardim dos Heoris Metinaro (JHM).

Iha momentu invazór Indonéziu invade Timor-Leste kompleta ho nia forsa ermada sira ne’ebé kompostu husi Forsa Terrestre, Forsa Naval no Forsa Aéreo hodi hamate ema rihun ba rihun iha Timor-Leste momentu ne’eba.

Prezidente Repúblika, Francisco Guterres Lú Olo, hatete, momentu invazór Indonéziu invade Timor-Leste, Timor-oan balun mate tanba hetan tiru, mate tanba hetan moras husi torturasaun oi-oin, iha prizaun ka destera ba fatin seluk, seluk mate tanba moris iha kondisaun mukit liu-liu ai-han no lahetan tratamentu saúde. Vida kotu iha dalan klaran ho otas oi-oin Mane no Feto, balun iss kotu iha uma laran ho domin família no belun sira nian, no balun lae.

“Ohin, Dia da Memoria, konsagra ona liu husi Lei Númeru 3/2016, 25 Maiu, ita halót iha rai lolon mirak ida ne’e restus mortais husi mártires 61, ho grau oioin, inklui membrus comite central FRETILIN no kuadrus superior sira seluk husi komponente Armada, FALINTIL, kuadrus sivís no militares nudar servidor Povu nian, la sura kolen no sakrifisiu ne’ebé deit,” hateten, Xefe Estadu Francisco Guterres Lú Olo, liu husi nia diskursu iha Jardim dos herois Metinaro, Sábadu (7/12/2019).

Prezidente Repúblika hatutan katak, Timor-oan balun nu’udar soldadu ka komandante FALINTIL nian, ka nu’udar kaudru polítiku superior ka lae, iha FRETILIN ka nu’udar nasionalista tane luta libertasaun ho kbiit rasik, ida –idak iha nia istória rasik atu sura ohin loron no ba bebeik. Nu’udar istória, espriensia no lisaun ida, husi ida-idak nia istória hodi TL bele aprende oinsa moris nu’udar sidadaun Timor-oan iha nasaun Timor-Leste livre no independente.

Lee hotu :   Desizaun MEJD hapara funsionáriu kontratadu 273 viola regra

PR Lú Olo afirma, moris nu’udar Timor-oan signifika hatene hadomi povu no patria ida ne’e mak legadu boot husi Erói ida-idak, tanba hatene hadomi povu no patría mak sira aseita sakrifika sira nia família mo moris diak hodi tane luta libertasaun nasional.

“Biar hetan susar no inserteza rohan laek no ba sira nia memoria ita hotu hakruuk. No sakrifisiu saida mak ita tenke halo ohin loron nudar sidadaun responsavel ida-idak to’o ita hotu, tenke halo refleksaun katak sira ne’ebé mate, laos deit atu liberta Pátria maibe mos atu liberta povu husi kiak no mukit.Nune’e ita hotu tenke halo forsa ida deit, hodi hakat liu dezafius ne’ebé deit iha ukun-an ida ne’e,” dehan, PR Lú Olo.

La’os oportunidade atu sura kolen

Iha oportunidade ne’e mos, Prezidente Repúblika (PR) Francisco Guterres Lú Olo, dehan, komemora loron invazaun Indonézia tama Timor-Leste, la’os oportunidade atu ida-idak atu sura nia kolen iha tempu luta nian. Maibe, halibur malu iha jardim dos herois Metinaro hodi fo onra funebre ba maluk sira ne’ebé fó– an tomak ba Timor-Leste nia mehi koletivu ukun rasik án to’o loron mate.

“Ohin la’ós oportunidade atu sura ida-idak ninia knaar, ida-idak nia tempu luta, barak ka uitoan, importante mak kuda iha ita nia fuan katak, sira hotu mate ba rai ida ne’e, mate ba idea ida deit,” hateten, Prezidente Repúblika Lú Olo.

Jardim dos Herois Metinaro inaugura oifisial iha (29/08/2009) hodi halót saudozu sira.

Presiza valoriza prinsípiu eroi sira ba jerasaun foun

Prezidente Repúblika (PR), Francisco Guterres Lú Olo, hateten, valoriza prinsípiu eroi sira nia luta atu metin hamutuk nafatin ho sira nia domin buras no daet ba sira ne’ebé sei moris ohin loron no hatutan husi jerasaun ba jerasaun.

Lee hotu :   Kazu soke mate aman ho oan, FM konsidera MP ho PNTL hatudu frakeza iha públiku

Tanba ne’e PR sujere bele haree mos oinsa harii fatin espesial ida hodi hatudu Timor-Leste nia arte no kultura tradisional no loke fasilidade ba vizitante sira nia nesesidade báziku.

“Importante haree oinsa hatama Jardim Heroís da Patria ne’e nu’udar fatin obrigatóriu atu tama iha teritóriu ba tursimo istóriku no kultural, bele hatama mós ba vizita estudu ba estudante sira, nivel oin-oin, funsionáriu sira, grupu komunitáriu sira,” hateten, Xefe Estadu Francisco Guterres Lú Olo, liu husi nia diskursu iha Jardim dos herois Metinaro, Sábadu (7/12/2019).

Xefe Estadu ne’e hatutan, importante mós ministériu relevante sira no lider komunitária sira haree hamutuk oinsa organiza voluntáriu atu ajuda tau matan, atu hotu-hotu bele sente katak fatin sagradu ne’e pertense ba ema hotu-hotu.

“Hadia ambiente, bainhira saudável  no agradável, ho mahon no anin-malirin no ho kondisaun baziku sei kovida ema mai halo refleksaun ba pasadu istóriku oras ba oras.

Husi reflesaun klean ba pasadu brani ne’e mak ita hametin-an nafatn nudar povu no ita bele konstroi hamutuk futuru di’ak liu ba ita nia oan no beioan sira. Ho istória no identidade rasik ne’e mak ita manan rekoñesimentu husi komunidade Nasoen Unidas nudar mos pais membru. Espritu entrega-an ba povu no patria tenke buras ba nafatin iha rai doben ida ne’e, ida ne’e mak ita nia omenajen boot liu ba ita nia erói sira,” hatete, PR Lú Olo.

Ho devosaun ba ukun rasik-an, ukun hodi moris ho dignidade nu’udar povu no nasaun ho direitu hanesan ba sidadaun hotu-hotu.Eus

Add to Comments Here!!!!

error: Content is protected.
Secured By miniOrange
You might also like:
Sociedade civil critica Comandante-Geral da PNTL

Organizações da sociedade civil apontam o...

Lere considera difícil evitar crimes no país

O Chefe de Estado-Maior das Falintil-Forças...

PD: Líderes de partidos políticos falham em separar interesses nacionais de partidários

Adriano do Nascimento, deputado do Partido...

Close