JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Serimónia halót restus mortais sai momentu oportunu ba líder sira koalia ba malu

Serimónia halót restus mortais sai momentu oportunu ba líder sira koalia ba malu

Serimónia halót restus mortais Iha Jardim dos Herois Metinaro, sai momentu oportunu ba líder sira halibur hamutuk hodi koalia ba malu kontente no hamnasa.

Maske iha diverjénsia polítika no idolojia, iha palku polítiku Timor-Leste nian, halo lideransa sira tenke krítika malu, no ataka malu ho linguajen ne’ebé maka’as, hodi defende ida-idak nia pozisaun polítika partidu nian.

Situasaun sira ne’e konsege hamosu opiniaun públiku katak, lider sira laiha unidade, no lakohi tulun malu, hodi rezolve situasaun polítika ne’ebé akontese iha rai laran. Maibé impresaun sira ne’e dala ruma bele sala. Tanba akontese iha terrenu hatudu oin seluk.

Iha palku polítiku sira hakilar malu, insulta malu maibé iha kotuk, sira tur hamutuk hanesan maun alin. Tanba ne’e mak polítika no sistema multipartidarizmu ne’ebé hanorin ba ema hotu hanesan ne’e.

Realidade ne’e akontese iha komemorasaun loron memoria nasionál, loron hitu fulan Dezembru tinan rihun rua sanulu resin sia.

Iha seremonia halót restus mortais martir sira nian, iha Jardim dos Herois da Pátria Metinaro, lider nasionál sira hanesan,Taur Matan Ruak atual Primeiru Ministru tur hamutuk ho Marí Alkatiri Sekretariu Jerál Partidu FRETILIN no eis Prezidente Autoridade Rejiaun Administrativa Espesiál Oecusse Amben, RAEOA-ZEESM, Francisco Guterres Lú Olo, atual Prezidente Repúblika ,eis Prezidente Repúblika José Ramos Horta, Xefe Estadu Maior Jenerál F-FDTL Maijor Jenerál Lere Anan Timur.

Interesante liu mak lider rua Taur Matan Ruak ho Marí Alkatiri ne’ebé durante ne’e krítika malu , iha seremonia funébre restus mortais ne’e, sira na’in tur iha filleira ida, no tur iha kadeira ida rabat malu hodi koalia ba malu, hamnasa no kontente hanesan tiha la’os adversáriu polítiku ida.

Lee hotu :   STAE simu ona lista PNTL-F-FDTL no prizioneiru ba EA

Jestu lider rua ne’e, dada ema hotu ne’ebé marka prezensa iha seremónia ne’e nia atensaun, hodi hateke sira na’in rua ho oin midar.

La’os ne’e deit , maibé jestu lider rua ne’e mós, sai viral iha sosiál media facebook , tanba utilizadór sira hasai sira na’in rua nia fotografia hodi publika iha sira nian status no hetan komintáriu pozitivu husi utilizadór sira sosiál media.

Maske nune’e iha seremonia halót restus mortais, iha loron istóriku nasionál memoria nasionál ne’e, lider nasionál hanesan Kay Rala Xanana Gusmão, mak la marka prezensa ,tanba hala’o servisu ba interese nasionál iha munisípiu.

Iha loron istóriku nasionál ne’e , estadu Timor Leste mós halót restus mortais herois sira, hamutuk lima nulu resin Hitu ,ne’ebé fó ona sira nia kontribuisaun hodi luta ba libertasaun nasionál.Tos

Add to Comments Here!!!!

error: Content is protected.
Secured By miniOrange
You might also like:
Lere: Kria instabilidade iha natal-tinan foun sei hasoru F-FDTL ho PNTL

Xefe Estadu Maior Jeneral FALINTIL-Forsa Defeza...

Estadu TL fo ónra ba mártires 61 halót iha JHM ■ PR Lú Olo: La’os oportunidade atu sura kolen

Estadu Timor-Leste (TL) komemora loron (07/12/2019),...

Sociedade civil critica Comandante-Geral da PNTL

Organizações da sociedade civil apontam o...

Close