KomJer PNTL: Fa’an Kareta-Motor iha dalan públiku, kontribui ba asidente

Komandante Jeral (KomJer) Polísia Nasional Timor-Leste (PNTL), Komisáriu Faustino da Costa, hatete, Governu lakon kontrolu ba ema hirak ne’ebé fa’an transporte hanesan kareta no motor iha dalan públiku, hodi kontribui ba asidente ne’ebé mak akontese lor-loron iha kapital Díli.

“Ita bo’ot sira hatene momós husi parte Lecidere tama to’o ba iha Tasi Tolu, sempre iha for sale, kareta  no motor ne’ebé fa’an, situasaun ne’e ami  aprezenta ba Prezidente Repúblika, Francisco Guterres Lú Olo,  ne’e la’os buat ida ne’ebé ami foin ko’alia, antes mós parte relevante, tanba ida ne’e fatór ida ne’ebé kontribui ba asidenti”, dehan Faustino da Costa ba Jornlista sira, kinta (13/02/2020), iha Palásiu Prezidensial Bairo Pite, Díli.

Faustino afirma, tuir lolos sasan sira ne’e fa’an iha nia fatin, para bele  iha taxa no impostu ba governu, ema pessoal ida idak ba haree fatin públiku faan kareta no motor, ne’ebé ké hanesan laiha kontrolu ida husi Estadu.

“Hanoin ida ne’e mak Prezidente mós sei hato’o ida ne’e ba governu  katak, tenke haree, tanba ne’e ita lakon kontrolu, tanba negosiante sira ne’e laiha lisensa ruma ba negósiu ne’ebé fa’an iha dalan kintu kantu hanesan ne’e, tanba ne’e mak ohin ha’u dehan  ne’e parte ida kontribui  ba asidenti ne’ebé mosu iha ita-nia rain”, saleinta Faustino.

Komandante Jeral PNTL ne’e fundamenta, tuir  dadus ne’ebé dadaun ne’e iha, husi fulan Janeiru to’o agora, kazu asidente halakon ona ema nia vida hamutuk lima.oly