JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Indonézia mak taka fronteira, Timor-Leste sei susar ba nesesidade bázika

Indonézia mak taka fronteira, Timor-Leste sei susar ba nesesidade bázika

Prezidente Parlamentu Nasionál (PPN), Arão Noe de Jesus da Costa Amaral, preokupadu ho nesesidade bázika povu Timor-Leste (TL) nian, bainhira nasaun viziñu Indonézia liu-liu Nusa Tenggara Timur (NTT), deklara atu taka fronteira hodi prevene Corona Vírus Disease (COVID-19), mak sei fó impaktu ba Timor-Leste (TL) iha aspetu nesesidade bázika povu ninian.

Líder másimu órgaun lejisladór ne’e preokupa, tanba Timor-Leste dependénsia liu ba ai-han importasaun, kompara ho produsaun rasik, nune’e bele iha implikasaun, bainhira nasaun viziñu taka odamatan sai no tama.

“Ita nasaun viziñu mós taka ona fronteira entrada no saída, maibé problema ita-nian mak oinsa ho sirkulasaun ai-han ne’e, tanba ita depende ba produtu mai husi rai liur, ita-nia produtu rai laran la to’o atu bele kobre nesesidades bázikas Timor-Leste nian, atu sustenta ba fulan ida rua de’it mós lato’o ona, tanba ne’e mak hanoin asuntu ne’e ita tenke tau iha sériu, no oinsa ita mós atu prevene vírus ne’e, tanba iha nasaun barak hapara eskola sira, servisu iha edifísiu públiku hotu paradu, labele kontaktu malu via eletrónika, hanesan e-mail ka seluktan, buat sira ne’e hotu bele akontese. Tanba ne’e, Parlamentu sei tau iha konsiderasaun, tanba ida ne’e mós preokupasaun Estadu tomak nian, tanba moras ne’e da’et liu husi kontaktu entre ema ho ema, entaun se ita prevene, ema ida-idak tur iha nia uma hakmatek ho tempu naruk ida, to’o vírus ne’e lakon, hanoin di’ak liu ita bele obta desizaun ruma. Ida ne’e hanesan preparasaun ida, ne’ebé ita tenke halo, se orsamentu laiha, oinsa PN buka dalan para iha orsamentu ida hodi sosa ekipamentu ka ai-moruk, tanba Xina ne’ebé iha ona esperiensia ba tratamentu moras ida ne’e, ne’eduni ita presiza kontaktu ida ho sira, para iha formasaun ida ho péritus Xina sira nian, ne’ebé fahe hela esperiensia ba Timor-oan, tanba iha pasiente balun konsege di’ak, signifika ne’e susesu”, tenik PPN Noe ba jornalista sira, hafoin hasoru malu ho PTR iha PN, Segunda (16/03/2020).

Lee hotu :   Alexandrino: husu governu tau atensaun ba DNSPP

Arão afirma, Parlamentu Nasionál hamutuk ho parte kompetente hotu, sei buka maneiras oinsa atu antesipa, ba órgaun importante hirak ne’ebé labele hapara nia funsionamentu, bainhira coronavírus ne’e tama.

“ Prosesu judisial labele para, hanesan mós ho plenária labele para, tenke la’o nafatin, agora opsaun saída mak ita bele halo para hodi rezolve situasaun sira ne’e, ne’e preokupasaun ida pertinente tebes, para ita bele hanoin hamutuk ona, oinsa antisipa se vírus ne’e to’o mai saída mak ita bele halo, ida ne’e mak Prezidente Tribunal mai fó hanoin”, subliña Amaral.

Hafoin hasoru malu ho PPN, Prezidente Tribunal Rekursu, Deolindo dos Santos akresenta, Parlamentu Nasionál nu’udar órgaun lejisladór presiza hasai ka aprova diploma ruma, hodi antesipa medidas ruma, atu nune’e, bianhira kazu coronavirus ne’e tama iha Timor-Leste, bele implementa regras refere, liu-liu oinsa iha diploma ruma, hodi muda temporariamente kultura Timor nian, liu-liu kultura hader mate uma, bainhira vítima ruma mate tanba afeita vírus refere.

“Haree ba situasaun ne’ebé preokupadu iha mundu tomak, tanba ita nia nasaun viziñu hanesan Australia ho Indonézia mós to’o agora hanesan Kupang taka ona fornteira, hanoin buat ne’ebé ita presiza haree, interesse Estadu nian. Entaun ha’u mai ko’alia ho Prezidente PN para atu haree buat balun, entermu tratamentu ho medida sira ne’ebé governu nian no ministériu saúde nian, ida haree hamutuk nune’e fortifika liutan ekipa ne’ebé agora dadaun iha tiha ona ne’e. Iha medida balun ne’ebé ligasaun ho servisu Tribunal nian mak ne’e, bainhira akontese kaju ne’e karik oinsa mak bele iha medida balun ne’ebé mak bele fó solusaun ba problema ne’ebé ita hasoru, kuandu bainhira kaju corona ne’e akontese karik, tanba servisu Tribunal labele para, iha prosesu balun ne’ebé, maske moras ne’e bele mai, maibé tenke deside. Ezemplu, bainhira polísia ka’er ema ruma tanba halo krime, polísia labele liberta, ministériu públiku mós labele halo buat ida, bainhira Tribunal seidauk deside buat ruma, tanba ne’e, hakarak ka lakohi, presiza iha medida balun ne’ebé Tribunal tenke halo, medida balun ne’ebé fó solusaun, kuandu buat ne’e akontese karik, nia prazu tempu ne’e oinsa, maibé ida ne’e hotu presiza diploma ruma, tanba ne’e mak ha’u mai ko’alia ho Prezidente PN, para atu buka solusaun hamutuk, maibé ida ne’e kompetensia PN nian, kona-bá kaju sira ne’e hotu, nune’e bele prepara hela medida balun, atu bele foti, bainhira buat hirak ne’e akontese, ne’e tenke ho diploma ruma. Ita Timor ne’e iha buat balun ne’ebé relasaun ho ita nia kultura, wainhira akontese kaju ruma, tanba ita Timor ne’e ema mate sempre tau kleur tur hamutuk mak hakohi, tanba serake kaju corona ne’e akontese sei tau hamutuk mak hakohi, tanba ne’e presiza iha diploma ruma hodi foti medidas”, Deolindo relata.

Lee hotu :   PLP husu koligasaun foun tenke fó solusaun ba impase polítiku

Entertantu, vírus corona ne’ebé mosu iha Wuhan Xina ne’e, konsege espalla iha nasaun barak Eropa, inklui Ázia rasik hanesan Indonézia, ne’ebé total afeitadu iha nível mundial kuaze ema kuaze rihun atus ida resin, no mate kuaze rihun 6 liu ona.

Fó impaktu maka’as ba Timor-Leste

Prezidente komisaun B iha Parlamentu Nasionál (PN), Adérito Hugo da Costa, hateten, sé Republik Indonesia (RI) taka ligasaun Fronteira Terestre (FT) entre Indonézia no Timor-Leste, sei fó impaktu ba estudante Timor-Oan ne’ebé eskola iha Indonézia no ligasaun komérsiu entre rai rua ni’an.

“Iha posiblidade RI taka FT fó impaktu ba Timor-Leste, tanba ita-nia estudante sira barak mak estuda iha Indonézia no ita-nia ligasaun iha área komérsiu, ha’u hanoin fó impaktu bo’ot tebes“, Prezidente komisaun B iha PN ne’e iha plenária, Segunda (16-03-2020).

Nia esplika, depois de coronavirus (COVID-19) sai ameasa ba nasaun barak iha mundu, inklui RI, ho nune’e, tuir informasaun ne’ebé iha, nasaun refere sei taka FT ho Timor-Leste.

“Depois de akontesimentu COVID-19 ne’ebé akontese iha fin fulan Dezembru, tinan 2019, fo-foun akontese, nasaun hotu proteje nia sidadaun no Timor-Leste konsege hetan ajuda husi governu Nova Zelándia evakua estudante Timor-Oan lubuk ida husi Xina mai iha Timor-Leste. Progresu epidemia COVID-19 rasik loron hirak liu ba epidemia mundiál ni’an, ita hanoin saída mak PN sira foti ohin dader presiza análiza di-di’ak hanesan kazu iha Europa, hanesan Portugal faz parte iha Europa sira rasik taka ona sira nia fronteira, tanba epidemia ida ne’e maka’as tebes”, informa Aderito.

Husi sorin seluk, Vise Xefe bankada FRETILIN, Francisco Miranda Branco, hateten, ho situasaun emerjénsia ida ne’e, di’ak liu taka Fronteira Terestre (FT) entre Indonézia ho Timor-Leste, duke simu konsekuénsia maka foin hakfodak.

Lee hotu :   Pasiente COVID-19 kondisaun diak, MS sei halo teste daruak

“Ha’u hanoin depois de sujestaun husi Organizasuan Mundiál Saúde (OMS), Governu Indonézia konsidera situasuan emerjénsia, ha’u hanoin  di’ak liu ita mós taka, maske Indonézia taka FT, ho Indonésia la fo impaktu ba ita-nia transaksaun ekonómika halo liu ho indonézia”, tenik Vise Xefe bankada FRETILIN ne’e.

Entretantu, tuir informasuan ne’ebé divulga iha ajénsia internasionál númeru mortal COVID-19 iha nível mundiál hamutuk 6000 resin, kazu infesaun rejista iha nasaun no teritóriu 140 resin, inklui númeru infetadu hamutuk rihun atus ida nen nulu resin. say/ety

Add to Comments Here!!!!

error: Content is protected.
Secured By miniOrange
You might also like:
Dionísio Babo: TL seidauk simu notifikasaun husi RI atu taka fronteira

Ministru Negósiu Estranjeiru no Kooperasaun (MNEK),...

Pandemia COVID-19, Governu husu PR dekreta Estadu emerjénsia

Governu liu husi Konsellu Ministru (KM),...

Rogério Lobato: Criticas de Marí Alkatiri a Xanana Gusmão são “infundadas” e “injustas”

Entrevista ao comandante Rogério Lobato, revela...

Close