JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Karantina infetadu COVID-19, PM Taur husu MS tenke buka fatin diak

Karantina infetadu COVID-19, PM Taur husu MS tenke buka fatin diak

Primeiru Ministru (PM), Taur Matan Ruak hatete, Ministériu Saúde tenke buka fatin diak hodi harii karantina no izolamentu atu prepara ba ema ne’ebé infetadu Corona Virus Disease- 2019.

Maibé Xefe Governu ne’e afirma, kestaun kona-ba coronavirus ne’e, nia fó ona orientasaunba konsellu ministerial, ne’ebé lidera husi Ministeiru Saúde (MS).

 “Ita iha komisaun interministerial, lidera husi ministra saúde em ezersísiu, ne’ebé sei halo hela esforsu para haree fatin ne’ebé mak diak liu ba ita prepara-an, sertamente saida mak ha’u hatete, ba ita-nia populasaun sira,  ita hotu tenke iha nosaun katak, buat ne’e la’o iha país barak. uluk ita hanoin iha Xina deit, maibé iha Amérika, Austrália,  Singapura, Italia no seluk tan”, dehan Taur  Matan Ruak hafoin remata enkontru ho Prezidente Repúblika, Francisco Guterres Lú Olo, Kinta (05/03/2020) iha Palásiu Prezidensial Nicolau Lobato Bairo Pité Díli.

Nia afirma,  primeiru psikolojikamente preparadu, moras ne’e la hanesan moras ida seluk,  haree ba  nia risku  husi dadus ne’e,  atualmente iha rihun sia nulu resin iha mundu tomak, maibé númeru ne’ebé mate iha rihun tolu resin,  signifika ninia númeru mate ne’e ladun.

“Depende ba komisaun interminesterial, ministériu saúde sira sei haree, se iha Metinaro dehan laiha ba fila fali fatin seluk”,subliña Taur.

PN: Ekipa atendimentu COVID-19 la máximu

Reprezentante povu iha uma fukun Parlamentu Nasionál (PN) konsidera, ekipa ou pesoál saúde ba atendimentu COVID-19 ne’ebé destaka iha fronteira Mota-Ain, munisípiu Bobonaro la máximu no ekipamentu ne’ebé sira utiliza ladún asegura sira-nia-an husi vírus refere.

“Ekipa atendimentu coronavírus iha fronteira la máximu, maske halo ona treinamentu ba ekipa atendimentu hodi detekta coronavírus iha fronteira sira, maibé realidade hatudu atendimentu la máximu no haree ba ekipamentu ne’ebé atu asegura no proteje sira-nia-an no mós protesaun ba sira-nia família, tanba moras ne’e risku tebes. Hafoin semana rua ba kotuk ami ba munisípiu Bobonaro, haree sira-nia atendimentu ladún máximu, maske halo treinamentu ba pesoál saúde sira ne’e to’o iha ne’ebé ona, saída mak ita boot sira bele halo ona, ami hakarak rona mós husi ekipa ne’ebé kompozisaun husi ministériu 11, bele fo informasaun mai ami kona-bá ita boot sira-nia kna’ar iha parte halo kontrolu ba prevensaun atu kombate moras refere”, membru komisaun F iha PN, Helena Martins, bainhira komisaun F hala’o audénsia ho Ministra Saúde (MS) interina, Elia Antonia dos Reis  hamutuk ho liña ministériu sira iha PN, Kinta (05-03-2020).

Lee hotu :   PN ezije Governu kontrola komunidade labele konstroi uma arbiru

Nia akresenta mós katak, atu kombate COVID-19, iha loron 21, fulan Fevereiru, tinan ne’e, Governu rasik hari’i komisaun ne’ebé kompostu husi ministériu 11 halo preparasaun no halo intervensaun.

Hatán ba preokupasaun ne’e, MS interina, Elia Antonia dos Reis, rekoñese, pesoál saúde sira servisu ladún máximu no governante ne’e promete sei haree kestaun sira ne’e.

“Funsaun pesoál saúde servisu ladún máximu, agradese tebes ba ita-boot sira-nia atensaun, ami sei tau iha ami-nia ajenda kona-bá atendimentu husi pesoál saúde sira”, MS interina ne’e klarifika.

Dau-daun ne’e, COVID-19 da’et ona ba nasaun balun iha Europa no Ázia hamutuk 77. Surtu COVID-19 detektadu iha finál fulan Dezembru, tinan 2019, iha sidade Wuhan, provínsia Hubei, nasaun Xina ne’ebé, provoka infesaun respiratória hanesan pneumonia.

PN ezije Governu kontrola sasán importasaun

Membru Komisaun F Parlamentu Nasionál (PN), ne’ebé trata asuntu sosial no saúde,  Veneranda Lemos, ezije governu atu kontrola sasán importasaun, liu-liu ai-han báziku sira husi nasaun seluk, liu-liu nasaun afetadu sira, atu nune’e labele lori Virus Corona Disease-2019 (COVID-19) tama iha Timor-Leste (TL).

Alen de ne’e, deputada ne’e mós husu Ministériu Saúde (MS) atu kontrola fatin públiku sira, no rega ai-moruk ba komunidade nia hela fatin, tanba nasaun sira ne’ebé ho ekipamentu avansadu de’it sei afeta, sa tán Timor-Leste ne’ebé sei iha limitasaun oi-oin.

 “Ministériu saúde iha rai seluk oras ne’e dadauk okupadu hela buka dalan oinsa atu halo prevensaun coronavírus  ba nia populasaun, tanba ne’e ha’u fiar MS TL mós ho ekipa tomak ne’ebé forma ona mós, iha preprasaun hanesan. Fiar katak, ita bo’ot sira (Ministériu saúde) sei la husik ita-nia komunidade atu sofre ba moras ida hanesan ne’e. Ita lakohi atu husik moras aat ne’e, laiha ai-moruk atu bele tama to’o iha ita-nia rain, tanba ne’e mak komponentes hotu-hotu ita preokupa tebes ba moras ida ne’e. Ha’u iha fiar ida katak, ita-nia matebian sira, rai lulik ida ne’e, Na’i Maromak, sei la husik moras ida ne’e kona ita, maibé hanesan umanu, ita tenke iha preparasaun oinsa bele halo prevensaun, tanba ita bo’ot sira (MS) mak hanesan ezekutór, tenke buka dala oinsa atu ezekuta ho másimu, ba kapasidade saída mak iha hodi halo prevensaun ba ida ne’e”, hateten deputada komisaun F ne’e iha Parlamentu Nasionál, bainhira adiénsia ho ekipa MS.

Lee hotu :   Espoza PR husu Governu kria programa proteje direitu Labarik

Representante povu ne’e mós, sujere ba Ministériu Saúde atu servisu maka’as no kolabora ho parte relevante sira, atu bele sosializa informasaun ba públiku, nune’e públiku bele iha antesipasaun, liu husi han ai-han ne’ebé ho nutrisaun hodi hasa’e forsa ba isin no fase liman tutuir.

“Ministériu saúde mós karik halo ona anunsiu ba eskola sira, atu estudante sira fase liman bebeik, iha ospitál no fatin públiku sira, iha igreja, tanba bainhira ita ba misa mós ita tuur ho ema bar-barak, tanba kaer liman no hako’ak malu ho ema,  ita re’i malu, ita halo kontaktus husi isin ba isin, serake MS iha ona hanoin atu halo anunsiu públiku, la’os de’it atu re’i malu no kumprimenta malu tuir ita-nia kultura, maibé halo prevensaun ba moras ida ne’e, MS tenke iha hanoin atu halo aktus sira ne’ebé báziku tebes, hanesan iha Indónezia, kumprimenta malu  foti de’it liman, tanba ne’e saúde tenke servisu hamutuk mós ho edukasaun, tanba edukasaun mak iha kontaktu barak liu ho estudante sira, hanesan mós ministériu importante sira seluk”, rekomenda Lemos.

Hatán ba asuntu ne’e, Ministra Saúde interina, Elia António do Reis afirma, ministériu sei servisu maka’as atu bele halo meius hotu hodi halo prevensaun ba moras refere.

Governante ne’e husu sidadaun hotu no parte relevante sira, atu bele apoia maka’as ministériu saúde, tanba atu prevene vírus refere nu’udar papel ema hotu nian.

“Liu-liu ba passajeirus sira ne’ebé mai husi nasaun afeitadu, atu hakarak hatene katak, ami sei hadía vizilansia rigorozu oituan ba iha portu de entrada sira, atu nune’e kontrola passajeirus sira. agradese mós deputada Veneranda Lemos ne’ebé hato’o asuntu ne’e, ekipa ami sei enkontru, atu nune’e apoia másimu husi Cruz Vermelha Timor-Leste, ne’ebé mak atu apoiu ita ba iha monta fatin ba iha fase liman, atu nune’e enfazeadamente, ita iha pontu sira ne’ebé sai proekupasaun ou mobilizasaun ba iha públiku, atu ema hotu-hotu obrigatóriu tama sai tenke fase liman, ida ne’e mak ami sei esforsu ho apoiu Cruz Vermelha nian, la’os de’it fase liman, oinsa mak atu monta mós fatin atu so’e bee bo’ot iha fatin públiku ne’ebé sai mós preokupasaun”, katak Elia.

Lee hotu :   30 SETEMBRU LORON IKUS BA RE-REJISTRASAUN SIMCARD

Entertantu, coronavirus ne’e, afeita ona ba nasaun kuaze 70 resin no ema kuaze rihun 90 resin mak  sofre ona moras refere no kuaze ema rihun 3 resin mak mate ona tanba coronavírus ne’e. Oly/ety/say

Add to Comments Here!!!!

error: Content is protected.
Secured By miniOrange
You might also like:
Laiha orsamentu, dezenvolvimentu iha TL la’o hakdasak

Implementasaun projetu sira iha Timor-Leste (TL),...

SEII: Violénsia hasoru feto sa’e ba beibeik

Sekretaria Estadu Igualidade Inkluzaun (SEII), Maria...

Espoza PR tulun pasiente má nutrisaun iha klínika Bairu-Pité

Espoza Prezidente Repúblika (PR), Cidália Lopes...

Close