JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prevene transmisaun COVID-19, PPN: Sidadaun hotu tenke kumpri Estadu Emerjénsia

Prevene transmisaun COVID-19, PPN: Sidadaun hotu tenke kumpri Estadu Emerjénsia

Prezidente Parlamentu Nasionál (PPN), Arão Noe de Jesus da Costa Amaral, husu populasaun hotu, inklui sidadaun estranjeiru ne’ebé hela iha Timor-Leste (TL), atu kumpri orden no regra ne’ebé governu fó sai, liu husi situasaun Estadu Emerjénsia, nune’e prevene pandemia COVID-19 ne’e.

“Situasaun ne’e grave tebes iha ita-nia rain, iha vítima ida ne’ebé detekta, maibé nia komesa rekopera ona husi nia moras, ne’e ita agradese, signifika hatudu katak, ita-nia médiku sira servisu maka’as, tanba to’o agora 14 dias liu ona, maibé seidauk iha kazu pozitivu foun. Tanba ne’e faze ida ita halo ne’e di’ak tebes, tanba ne’e agora kabe ba ita hotu, husu atu mantein  ita-nia pozisaun hanesan ida agora, (Hakmatek iha uma), kumpri regra ka orientasaun sira ne’ebé husi governu fó sai, para oinsa prevene sirkular, nune’e moras ne’e labele da’et ba ema seluk”,apela PPN Arão Noe iha PN, Segunda (30/03/2020).

Líder segundu órgaun ne’e afirma, povu tomak presiza de’it mak prevene aan, tanba moras refere la kuñese riku no ki’ak, bo’ot no ki’ik, liu-liu moras refere transmisaun ho lais liu.

“Balun hanoin dehan governu lais liu hodi foti desizaun ba Estadu Emerjénsia, maibé ida ne’e di’ak liu,h anesan ema dehan di’ak liu prevene duke kura, tanba buat ne’e hanesan doutora sira dehan ona katak, ai-moruk laiha atu kura, se moras ne’e kona ema ruma, doutór sira so bele kontrola de’it, maibé labele fó ai-moruk, tanba ita laiha ai-moruk atu kura moras ida ne’e, tanba ne’e hotu-hotu tenke prevene aan atu labele kona moras ne’e, nune’e ita bele ultrapassa katak, virus ida sirkula ne’e labele da’et tan ba ema seluk iha ita-nia rain. Tanba ne’e, ha’u husu ema hotu atu kumpri regras ne’ebé governu estabelese, para nune’e moras ne’e labele da’et”, tenik Arão.

Lee hotu :   Dulce: Provizoriu hapara atividade aprendizajen

Pandemia COVID-19 ne’e, mosu iha sidade Wuhan Xina, iha inísiu fulan Dezembru tinan 2019 ne’e, maibé espalla ona ba nasaun kuaze atus rua liu.

No ema kuaze rihun atus hitu liu mak afeitadu husi  virus mundial refere, Nune’e, ema kuaze rihun tolu-nulu liu mak mate, tanba impaktu husi moras refere.

Maske nune’e, husi pasiente hirak ne’e, maioria mak konsege rekopera husi moras refere, kuaze rihun atus-ida, lima-nulu resin.

Medida sira ne’ebé VIII Governu aprova ona iha Konsellu Ministru ba Estadu Emerjénsia hodi prevene COVID-19 mak hanesan;

Suspensaun:

* Suspende Movimentu Transporte Públiku

* Suspende Atividade Desportiva Sira Hotu

* Suspende Atividade Halibur Malu iha Grupu

* Suspende Atividade Festa

* Suspende Atividade Kultural ne’ebe Halibur Ema Barak

* Suspende Vizita Mate Uma Simultanea iha Numeru Bot, Masimu na’in 10

* Suspende Estranjeiru atu Tama Mai Teritoriu Timor-Leste

* Sidadaun Timoroan Ne’ebe Tama Mai Teritoriu Tenke Tama Kuarantena

* Individu Ne’ebe Dezenvolve Sintomas Covid-19 Tenke Hetan Teste Husi Ministeriu Saude

* Izolamentu Obrigatoriu ba Ema Ne’ebe Afetadu husi Covid-19

* Izolamentu Obrigatoriu ba Individu Ne’ebe Tama Teritoriu Timor-Leste no Hetan Sintomas Covid-19

* Proibi Halo Reuniaun no Manifestasaun Ne’ebe Liu Ema Na’in 5

* Suspende Ativiade Relijozu Hanesan Missa, Sholat, etc

Atividade Komersial:

* Ba Individu ne’ebe vizita fatin Komersial tenke Uza Maskara Taka Ibun no Inus

* Fase Liman Antes Tama ba Fatin Komersiu hanesan Loja, Mini Merkadu, Supermerkadu, no Merkadu

* Mantein Distansia Minimu Metru Ida Iha Fatin Komersiu Sira Mensiona iha Leten

* Na’in ba Fatin Komersiu Tenke Prepara Fasilidade Fase Liman Nian

* Na’in ba Fatin Komersiu Labele Husik Ema Ne’ebe La-Kumpre Regra Fase Liman no Latau Maskara atu Tama iha Fatin Komersiu

Lee hotu :   AMP estuda possibilidade de remodelação FRETILIN considera Governo incapaz

* Vendedor Ambulante ka Gerobak Bele La’o Nafatin Maibe Tenke Kumpre Tau Maskara no Prepara Fasilidade Fase Liman Nian

Halo Rezumu De’it ba Regra Sira Ne’ebe Iha Relasiona ba Ativiade Sidadaun Komun Nian. Ba Funsionariu Publiku sira mos iha regra ne’ebe parese sei distribui ba kada Instituisaun Publika.say

 

 

Add to Comments Here!!!!

error: Content is protected.
Secured By miniOrange
You might also like:
Deskonfia manipula folin sasan, AIFAESA-PNSIK halo inspesaun urjente ba loja jacinto foun

Autoridade Inspesaun no Fizkalizasaun Atividade Ekonomia...

MEJD sei aplika programa eskola ba uma

Ministra Edukasaun Juventude no Desportu (MEJD),...

Pasiente COVID-19 kondisaun diak, MS sei halo teste daruak

Kondisaun Pasiente Corona Vírus Disease 2019...

Close