JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LH hasoru PR Lú Olo, Laiha nesesidade TL aplika LKD

LH hasoru PR Lú Olo, Laiha nesesidade TL aplika LKD

Peskizadór Organizasaun Naun Governamental  Lao Hamutuk, Celestino Gusmão Pereira, hatete, Prezidente Repúblika (PR),  Francisco Guterres Lú Olo, rona preokupasaun sosiedade sivíl La’o Hamutuk (LH) nian kona-ba proposta Lei Kriminaliza Difamasaun (LKD).  Tanba ne’e, pareser La’o Hamutuk mak laiha nesesidade atu Timor-Leste aplika lei kriminaliza difamasaun (LKD), tanba  kestaun difamasaun konsagra ona iha kódigu sivíl.

“Laiha nezesidade atu kriminaliza difamasaun no injúria. Ami enkontru ho Prezidente Repúblika, informa kona-ba inisiativa Governu nian kona-ba proposta kriminaliza no difamasaun, ne’ebé públiku no hotu-hotu akompaña,  preokupasaun kona-ba liberdade espresaun no liberdade emprensa, ita bo’ot sira hotu envolve iha asuntu ida ne’e, Prezidente konfirma, governu hatete ba sua selensia Prezidente inisiativa ida ne’e la’os prioriedade Governu ni’an, ami koalia ho sua selensia katak, ne’e nu’udar oportunidade di’ak no espasu di’ak ida ne’ebé presiza atu ita diskute, tanba sa mak tenke iha inisiativa ida ne’e. Tanba sa mak depois de tinan 20 ita forma ita-nia sosiedade, diskute iha ka lae? iha nesesidade ka lae atu kriminaliza difamasaun, sosiedade ida ne’ebé la divia ké hetan iha tinan 20 ida ne’e, Prezidente Repúblika husu atu iha edukasaun permanente ba sosiedade, papel sosiedade sivil nian, partidu polítiku nian, edukasaun públiku, papel Governu harii sosiedade ida ne’ebé bele partisipa diak liu tan, konstrutivu liu tan kompara ho situasaun balun”, dehan Peskizadór Organizasaun Naun Governamental Lao Hamutuk Celestino Gusmão Pereira ba Jornalista sira, Tersa (11/08/2020), iha Palasiu Prezidensial Nicolão Lobato Bairo Píte, Díli.

“Ami nu’udar sosiedade sivil ami-nia hanoin katak,  liberdade espresaun ne’e tenke total ka kompletu, afirmasaun hotu ne’ebé ema halo, organizasaun ida ida halo baze ba ida-idak nia sentimentu no satisfasaun ba desizaun polítiku ne’ebé afeta ba sira-nia moris, ami mos aprezenta kona-ba la devia halo kanek ita nia prestiziu, demokrasia no direitu umanu perante komunidade internasional ne’ebé ita iha komitmentu atu hadia, no ita iha naran diak oras ne’e dadauk”, akresenta Peskizadór Lao hamutuk ne’e.

Lee hotu :   Nivio Magalhães: Timor oan 474 servisu ilegal iha Korea

Nia salienta, sira mos preokupa kona-ba kazu sivil no penal, husu atu kuadu legais ne’ebé iha ona bele matein uza ida ne’e hanesan prosesu sivil  no kódigu sivíl ne’ebé iha ona, lei komunikasaun ne’ebé mak iha ona, iha konsellu imprensa iha kuadru instituisaun ne’ebé iha ona mos bele uza ida ne’e.

“Laiha nezesidade atu kriminaliza difamasaun no injuria, ne’e  nu’udar medidas ne’ebé iha tempu badak uza lei ne’ebé iha ona, ho medida maka edukasaun permanente ba sosiedade, edukasaun formal,  noun formal no seluk tan. Prezidente Repúblika rona katak,  Governu la tau prioridade ba iha inisiativa ida ne’e, entaun Prezidente seidauk iha pozisaun, PR mos akompaña hela, por outro lado seidauk fo komentariu, tanba seidauk iha prioritáriu, mensajen saida mak fo maka edukasaun permanente ba sosiedade sira,  Lao Hamutuk rasik hanesan sosiedade sivil haruka ona karta ba Gabinete Primeiru Ministru atu hasoru, nune’e Prezidente nian rona ona ami nia preokupasaun, no ami hein deit konfirmasaun hosi Primeiru Ministru atu koalia ho ami, ida seluk mak prosesu diskuasaun ne’e la’o maka’as los iha públiku, ne’e hanesan parte pozitivu, ne’ebé tenke halo bebeik para hetan ideias ne’ebé diak liu”,tenik  Celestino. Oly

Add to Comments Here!!!!

error: Content is protected.
Secured By miniOrange
You might also like:
Laiha doutór, Pasiente rua mate iha Postu Saúde Dato-Tolu

Xefe Suku Dato-Tolu, João Agustinho Resi,...

EE datoluk no dahaat, Governu sei la fó subsídiu USD 100.00 ba kada uma kain

Primeiru Ministru (PM), Taur Matan Ruak,...

PM konsidera EE hodi prevene COVID-19

Primeiru Ministru (PM), Taur Matan Ruak,...

Close