JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ANMTL la partisipa konferénsia hili reprezentante mídia nain ba KI

ANMTL la partisipa konferénsia hili reprezentante mídia nain ba KI

Asosiasaun Na’in ba Mídia Timor-Leste (ANMTL), la partisipa iha konferensia hili reprezentante mídia nain ba Konsellu Imprensa ba períodu 2020 to’o 2024.

Desizaun husi na’in ba media lima ne’e la partisipa ho razaun Konsellu Imprensa (KI) la konsidera karta ne’ebé Asosiasaun Nain ba Media Timor-Leste (ANMTL) aprezenta ona ba KI iha tempu hirak liu ba relasiona ho lakunas balun ne’ebé KI presiza tau atensaun no hadia.

ANMTL nu’udar asosiasaun ne’ebé na’in ba media imprime sira hanesan GMN, STL, Timor Post, INDEPENDENTE, no Busines Timor, harii ho objetivu atu sai nu’udar mahon ida hodi hato’o hanoin ka opiniaun ba polítika ka programa ruma relasiona ho asuntu media nian.

Tamba ne’e, Sekretáriu Jeral Asosiasaun Nain ba Mídia Timor Leste (ANMTL), José Sarito Amaral, hatete, ANMTL deside la partisipa iha eventu konferénsia hili reprezentante Mídia nain, tanba prezidente Konsellu Imprensa (KI) periodu dahuluk Virgílio Guterres la hatudu ninia vontade hodi koopera nuneé seida’uk responde asosiasaun ninia petisaun ne’ebé hatama iha fulan Jullu tinan ne’e.

“Sira (KI) realiza duni konferénsia ne’e hatudu katak KI la konsidera ami-nia karta ne’ebé foin lalais ami hato’o. Iha karta ne’e ami-nia pozisaun klaru, katak buat balun sala tiha ona, prosesu (hili reprezentante jornalista) iha asosiasaun jornalista sira hamosu ona konflitu balun entre TLPU ho AJTL, konflitu ne’e afeta mós ba asosiasaun nain ba media. Ami ohin la partisipa iha konferénsia ne’ebé nain ba mídia sira balun hamutuk ho KI, realiza ohin tanba ho razaun katak KI antes ne’e la responde ami nia karta, ami nia ezijensia balun, ami nia preokupasaun balun ami nia rekomendasaun balun ne’ebé maka antes ne’e ami hato’o ona tiha direita ba iha KI rasik,Konsello imprensa rasik ba Parlamentu nasionál, no mos ba exelensiu ministru asuntu parlamentar I komunikasaun sosial MAPCOMS,iha ne’eba ami hein to’o ohin,to’o sira realiza konferensa ne’e i seidauk hetan resposta husi KI ne’e rasik, to’o ohin ami konsidera KI la konsidera ami nia preokupasaun sira ne’e tanba ne’e maka ohin sira konsege realiza konferénsia ne’e maske ami bo’ot, Mídia antigu ne’ebé konesidu duni iha Timor ohin la marka prezensa konferensa ne’e,” hatete, José Sarito, ba GMN, Tersa(15/09/2020), iha Bebora-Díli.

Lee hotu :   Moras dengue hamate tan labarik na’in rua

Sarito esplika, tuir ANMTL iha iregularidade ne’ebé KI komete, tanba prosesu balun la tuir lei komunikasaun sosial.

Alende ne’e, nia hatutan, regulamentu ka rejimentu ba konferénsia ne’ebé KI estabelese la rigorozu no hamosu dezintendimentu entre instituisaun media antigu no foun.

ANM, nia dehan, hakarak iha regulamentu ida rigor atu bele halo selesaun ne’ebé di’ak ba orgaun komunikasaun sosial sira, entre media eletrónika no imprime, katak la’os media foun ne’ebé laiha konsisténsia mós partispasa.

Sarito mós koalia kona-ba konferensia ne’ebé KI organiza hodi hili reprezentante jornalista ba KI husi AJTL no TLPU.

Nia hatete, maske problema ne’e la’os problema ANM nian, maibé tuir ANM, loloos konferensia ne’ebé KI organiza hamutuk ho TLPU no AJTL atu hili reprezentante jornalista, maibé realidade hili fali reprezentante asosiasaun.

“Realidade akontese asosiasaun mak hili nia ema, realidade ida tan mak hili ativista ida (reprezenta jornalista) ba KI,” dehan nia.

Loloos, tuir nia, iha Lei Komunikasaun Sosial hatete, atu hili reprezentante jornalista ba tuur iha KI, tenke liu husi asembleia jerál ida ne’ebé jornalista rasik mak estabelese.

Ho lakunas hirak ne’ebé iha, nia afirma, ANM iha ninia karta rekomenda ba KI atu kansela konferensia ne’ebé halo tiha ona ba AJTL no TLPU hodi hadia iregularidade no dezintendimentu ne’ebé mosu ona entre asosiasaun jornalista sira, na’in ba media, no KI rasik.

Iha karta refere, nia hatutan, ANM mós rekomenda atu prolonga mandatu komisariu KI sira hodi bele fó biban ba sira atu buka solusaun ba problema molok realiza konferensia hodi hili membru KI foun.

Maibé realidade, iha Tersa (15/09) KI kontinua realiza konferénsia hodi hili reprezentante nain ba media.

Lee hotu :   Xefe Suku Madohi husu komunidade halót ona sasan kro’at

“Ita halo konferénsia ne’ebé ho unsur kesengajaan,  nakonu ho lakunas, ita la rezolve, maibé tau tiha ba kotuk hodi avansa, hodi lori ita-nia interese ba iha konferénsia. Ha’u sente katak ita subar buat balun no ita lohi malu, ida ne’e sei fó impaktu ba ita-nia unidade atu dezenvolve media sira ba oin,” dehan nia.

Iha fatin seluk, nain ba Mídia online Tempo Timor.Com, José Antonio Belo, hatete, sira retira-an husi konferénsia ne’e, tanba la satisfas ho desizaun Konsellu imprensa nian, ne’ebé lakohi  rezolve problema entre Mídia bo’ot sira hodi halo ANMTL la marka prezensa.

“Retira-an husi konferénsia ne’e tanba iha Mídia ne’ebé mais bo’ot, ami solidariza Mídia ne’ebé mais bo’ot i soldariza mos ho Konsellu imprensa, i ami ezije Konsellu imprensa rezolve uluk laiha problema entre Konsellu imprensa ho mídia bo’ot nain 5, para sira mos hola parte, se lae ita hili tiha reprezentante ida, reprezentante ida ne’e ba deit ita ne’ebé agora dadaun hili ne ka? ba mídia hot-hotu, Konsellu imprensa presiza esklarese buat sira ne’e hotu. Iha situasaun ida ne’e ne’e presiza la’o tuir lei komunikasaun, katak órgaun komunikasaun sosial hili nia reprezentante ba iha Konsellu Imprensa, la’os mai husi media mais antigu ka media mais boot ka mai husi assosiasaun ida, maibé presiza respeita media boot sira ne’e.”

“Ba ha’u ladun kontente ho konferénsia ne’e, no ha’u retira husi konferénsia ida ne’e tanba ha’u labele konkorda ho konferénsia ne’e”,preokupa, José Belo.

Ba kestaun ne’e, Prezidente KI, Virgílio Guterres hatete, KI hato’o ona konvite ba nain ba media boot lima.

Lee hotu :   MTK rekoñese ahi mate iha Areaportu Internasional falla iha jeradór

Nia hatete, konferensia ne’e realiza laos haree ba média ne’ebé kleur liu ka boot liu, maibé média sira ne’ebé priense ona kriteria no rejistu ona iha KI.

“Tanba haree ba lista prezensa media hamutuk 28, KI nia prosesu  kuandu maioria husi lista ne’e marka prezensa, konferénsia kontinua,  iha problema ruma akontese ne’e problema ita nian hotu, ita buka atu identifika oinsá atu rezolve, maibé ita labele nonok iha problema ida tenke husik problema seluk mosu tan ikus halakon ita-nia kapasidade atu rezolve problema hirak ne’e,” nia dehan.

Entretantu, Ministru Assuntu Parlamentar no Komunikasaun Sosial, Fransisco Jerónimo kansela partisipa konferensia ne’e.

Ministru ne’e, hetan konvite ofisial husi Konsellu Imprensa hodi hato’o nia deskursu no loke konferensia hili reprejentante nain ba media ba Konsellu Imprensa.

Nain husi organizasaun Mídia sira ne’ebé sai membru ANM-TL mak nain ba Grupo Media Nacional (GMN), Suara Timor Lorosa’e (STL), Jornal Timor Post, Jornal INDEPENDENTE no Business Timor. jen

Add to Comments Here!!!!

error: Content is protected.
Secured By miniOrange
You might also like:
Pasajeiru rai-liur la hetan vijilánsia husi MS

Pasajeiru 30 resin mai ho aviaun...

Konsidera viola KRDTL, CNRT lakohi rona diskursu PR Lú Olo

Deputadu bankada CNRT iha Parlamentu Nasional...

Alfándega prende tua-manas kontentór lima iha Portu Díli

Durante Estadu Emerjénsia (EE) servisu Alfándega,...

Close