JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PERMATIL halo akampamentu 10 iha suku Dare

PERMATIL halo akampamentu 10 iha suku Dare

Konserva rekursu bee hodi infiltra udan been mout ba rai okos, Permakultura Timor-Leste (PERMATIL) halo akampamentu sanulu iha suku Dare, Postu Administrativu Cristu Rei, Munisípiu Díli.

Objetivu Organizasaun PERMATIL, hili Dare hodi halo akampamentu tanba, Dare mak hanesan sentru ba kapitál Díli.

“Ami hili Dare hodi halo atividade ne’e, tanba Dare mak iha fatin ne’ebé aas husi Dare maka hanesasn fatin ne’ebé mak ita bele dehan área kaptasaun bee ni’an ne’e mak ami hili fatin ida ne’e hodi kria kaptasaun bee atu nune’e bainhira kuandu udan ita labele lakon udan been sulin ba Díli ne’ebé estraga rai sobu rai no kria dezastre naturais no mós hanesan inundasaun no seluk tan tanba ne’e mak PERMATIL hili fatin ne’e hanesan ezemplu para kria kaptasaun iha fatin ne’e, nune’e iha tempu udan ita bele kapta udan been barak iha ne’e bele infiltra tama ba rai laran hodi fornese bee ba bee matan ne’ebé mak iha Dare nia okos”, dehan, Diretór Ezekutivu PERMATIL, Ego Lemos, iha Dare, Kuarta (07/10/2020).

Formadór, Abrão Lobato de Carvalho, ho implementasaun organizasaun PERMATIL nian fó vantajen ba sira no abitante sira iha Dare, tanba ho implementasaun refere hatudu duni rezultadu pozitivu.

“Nune’e infiltra bee ne’e halibur bee ne’e iha rai fasilita fali bee ne’e mout atu kria fali bee matan ki’ik sira ne’e nune’e mós bele hamoris bee iha bee matan ki’ik sira, ami sente katak ida ne’e iha duni benefísiu ba ami susesu ba ami tanba implementasaun bee ida ne’e iha tinan kotuk antese COVID-19 tama ami akampa bee iha duni”, dehan, Formadór, Abrão da Costa de Carvalho.

Lee hotu :   SEAK lansa dokumentáriu programa CPLP audiovisual

Partisipante, Arita da Costa Sani, orgullu ho programa PERMATIL ni’an ne’e, tanba foin aprende ba dahuluk, kona-ba oinsa atu kria debu hodi konserva udan been, nune’e hodi infiltra ba rai okos nune’e husi bee ne’e bele fornese ba bee matan iha Dare.

Tuir nia sei implementa atividade ne’e iha nia munisípiu rasik tanba la’os Dare de’it mak susar asesu ba bee moos iha tempu bailoron, maibé iha Rejiaun Administrativa Espesial Oe-cusse Ambeno (RAEOA), mós infrenta problema bee moos.

“Ha’u foin primeira vez mai tuir treinamentu ngo PERMATIL ni’an ha’u mai iha ne’e tanba ha’u agradese tomak kontente ha’u mai durante loron 3 ona, ha’u aprende buat ne’ebé mak husi komisaun organizadóra fó mai ami halo debu atu ba bee matan sira, ha’u foin primeira vez tuir akampamentu ida ne’e ha’u orgullu teb – tebes, tanba buat ne’ebé ami seidauk aprende hatene mai hamutuk iha ne’e hatene oi-oin”, haktuir, Arita da Costa Sani.

Partisipante sira ne’ebé mak tuir treinamentu ne’e mai husi munísipiu 11 no munísipiu 2 la partispa iha treinamentu ne’e mak Ainaro no Covalima. totál juventude ne’ebé mak tuir treinamentu PERMATIL ni’an, hamutuk atus haat resin.

Atividade ne’e PERMATIL realiza tanba hetan apoiu husi Governu Timor-Leste liu husi Ministériu Obras Públiku no Governu Franca ho total orsamentu rihun ruanulu resin.Ina

Add to Comments Here!!!!

error: Content is protected.
Secured By miniOrange
You might also like:
Fasilita GAM hasa’e sintu iha Indonézia, FM husu KomJer PNTL loke investigasaun

Fundasaun Mahein (FM), husu Komando Jerál ...

Obriga tula ema nia oan feto iha kareta, vítima keixa ba PNTL

Vítima minoridade ida ho inisial NGBS...

SEPC organiza kuda Ai-Parapa 700 iha Ulmera

Selebra loron Mundial  ba Redusaun Risku...

Close