JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana: TL manan funu la’ós ho kilat de’it, maibé ho partisipasaun povu

Xanana: TL manan funu la’ós ho kilat de’it, maibé ho partisipasaun povu

Eis komandante em Xefe FALINTIL, Kay Rala Xanana Gusmão, afirma, Timor-Leste (TL) manan funu husi invazor sira, la’ós de’it ho kilat, maibé ho mós partisipasaun povu tomak ni’an.

Xanana Gusmão hato’o lia hirak ne’e bainhira sai hanesan partisipante prinsipál hodi konta istória ba populasaun Suku Mehara, Postu Administrativu Tutuala, Munisípiu Lautem, foin la-lais ne’e kona-bá partisipasaun funu libertasaun nasionál ba jerasaun foun sira.

Durante esplika kona-bá istória TL nian ne’e, líder karismátiku ne’e hateten, fatin Mehara sai mós fatin istóriku atu jerasaun Mehara hatene katak, iha ponta leste mak halo nia hatene kona-bá luta guerilleriu ni’an, hodi hamosu mós unidade nasionál iha fatin refere.

Xanana mós deklara, TL manan funu ho inimigu ne’ebé invade rai Timor durante tinan 24, la’ós de’it ho kilat, maibé ho vizaun polítika ne’ebé mobiliza povu sira, hodi partisipa iha luta ne’ebé mak ikus mai TL bele hetan ukun-an.

“Se ó kaer kilat, mak ó polítika laiha, ó tenke sai. Ida ne’e kauza boot teb-tebes ida iha 1997-1998, tanba iha prosesu hotu-hotu ita atu haree buat ne’e la’o ba oin ou buat ne’e la’o ba kotuk, ita tenke komprende di-di’ak ninia kauza, saída mak halo? Ba di’ak ne’e tanba sá? Ba aat ne’e tanba sá? Ne’e hotu mak tau hakerek nafatin, hanoin nafatin, hanoin nafatin ba oin no iha 1981, polítika foun unidade nasionál dehan nune’e, lalika tama iha FRETILIN! Ó hakarak ukun-an partisipa iha funu! Ami sei la husu ó husi ne’ebé? no ó hakarak saída? Tanba ida ne’e mak ita nakloke-an, ita loke-an haburas klandestinidade ho katuas-ferik sira metin nafatin hodi ida ne’e mak implementa konseitu guerilla”, dehan líder máximu ba funu libertasaun pátria, Kay Rala Xanana Gusmão.

Alende ne’e, nia mós akresenta, razaun  nia sai husi Comite Central FRETILIN iha tempu rezisténsia, tanba hakarak hili funu hodi hetan ukun rasik-an, la’ós ideolójia.

“Loos duni ideolójia marxista. Tanba ideolójia marxista iha base de apoio nai-lulik barak mós hakarak ukun-an, maibé kuadru revolusionáriu, joven sira ne’e balu la’o ba la’o mai dehan katak, Maromak laiha, lalika fiar Maromak hodi nai-lulik sira sees-an tiha husi FRETILIN, hanoin katak, bainhira ukun-an ho FRETILIN, Igreja laiha, Maromak mos laiha. Polítika ho funu mak ha’u sai husi Comite Central, tanba ha’u hakarak haree de’it funu”, dehan tan líder nasionál Xanana Gusmão.

Nune’e mos, diplomata senior Timor-Leste, José Ramos Horta, ne’ebé hola parte konta istória ne’e mós afirma, jerasaun foun sira tenke hatene istória katak, liu husi frente armada, klandestina no diplomata mak kontribui ona ba ukun rasik-an.

“Frente armada ne’e, frente polítika ida que inspira tenke tane husi populasaun, husi frente klandestina no frente diplomátika, ne’e mak ita manan funu. Hahú aumenta ita-nia vizibilidade iha rai-liur, bainhira maun boot Xanana hasoru ho Amu Martinho Lopez iha Timor (Mehara) lori dokumentu ba liur, iha laran, imi monta frente klandestina no fasil informasaun ba liur no informasaun husi liur mai rai-laran”, dehan Ramos Horta.

Partisipante sira ne’ebé asiste direta rona istória rezisténsia husi Xanana Gusmão ho Ramos Horta ne’e, maioria populasaun Mehara, veteranu ponta leste sira, foinsa’e sira no entidade sira seluk tan. Oly

Lee hotu :   Akadémiku: CNE laiha funsaun, tanba la kontrola lala'ok ParPol

Add to Comments Here!!!!

error: Content is protected.
Secured By miniOrange
You might also like:
PN ho MS diskute stock out ai-moruk iha HNGV

Parlamentu Nasionál (PN) liu hosi komisaun F...

Rede internet implika Timor-Leste adere ba ASEAN

Ministra Negósiu Estranjeiru no Kooperasaun (MNEK),...

PM Taur: Papél feto importante ba dezenvolvimentu nasionál

Organizasaun Nasaun Unidas (ONU), deklara loron...

Close