JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio: Jejun no abstinénsia parte ba reparasaun espirituál

Dom Virgílio: Jejun no abstinénsia parte ba reparasaun espirituál

Arsebispu Metropolita Díli, Dom Virgílio do Carmo Da Silva, SDB, hateten, halo jejun no abstinénsia ne’e la’ós atu ema seluk bele haree, maibé tempu ba reparasaun espirituál ninian katak, rekoñese frakeza iha idak-idak nia-an, hodi bele husu perdaun.

“Jejun ho abstinénsia hodi aprende terus no rekoñese ita-nia frakeza no sala sira, atu nune’e hodi husu perdaun ba ita-nia sala, ne’e oportunidade dala ida iha tinan ida hodi simu momentu grasa nian, nune’e tenke aproveita hodi hadia dalan loos, ida-idak tenke kumpre jejun no abstinénsia, maibé la’ós atu ema seluk haree ita halo jejun ou la’e, maibé tanba ita presiza hadia ita-nia-an no hein katak sarani hotu bele aproveita tempu kuarezma ne’e ba reparasaun espirituál”, Arsebispu Metropolita Díli ne’e hafoin prezide selebrasaun Kuarta Feira Cínzas iha Katedrál Díli, Kuarta (17-02-2021).

Dom Virgílio informa, tempu kuarezma ne’ebé ho durasaun loron 40 ne’e konvida sarani sira atu halo orasaun, karidade no sakrifísiu nu’udár preparasaun ba Festa Paskoa Kristu nia paixaun.

“Loron 40 ne’e Uma Kreda tau toman sira ne’ebé hatene tiha ona ne’ebé sempre fó hanoin katak, sarani sira halo orasaun hanesan Na’in Jesus Kristu, tanba ita lakon tempu barak ba servisu buka isin nian, nune’e orasaun hodi hadia relasaun ho Maromak, segundu hadia relasaun ho ita-nia maluk sira, halo karidade katak, oinsa koko fahe ho maluk sira ne’ebé fraku, kiak liu no ita aprende sai laran luak mak sira esmola no lolo liman ba malu, terseiru mak halo sakrifísiu ne’ebé hatoman-an halo jejun katak, durante tempu ne’e husik toman lubuk ida iha, jejun koko atu han natón, abstinénsia dehan, husik ita-nia kan sira atu la han na’an no buat sira fó ksolok nian”, tenik Arsebispu Metropolita Díli.

Jejun no abstinénsia ne’e rasik sei halo iha loron sira hanesan Kuarta Feira Cínzas, loron Sesta sira sira iha tempu kuarezma, inklui Sesta Feira Santa, maske nune’e ba sarani sira ne’ebé ho intensaun rasik igreja sei la bandu wainhira hakarak halo jejun no abstinénsia durante loron 40.

Selebrasaun Kuarta Feira Cínzas ba tinan ida ne’e diferente tebes ho tinan sira antes ne’e, tanba ahi-kedesan ne’ebé sarani sira simu la’ós ona marka sinál kruz iha rentós, maibé kari iha sarani ida-idak nia ulun.

Asaun diferente ne’e igreja foti hodi kumpre protokolu COVID-19, ne’ebé Ministériu Saúde hasai ona. ida

Lee hotu :   Aplikante Timor-oan ba BI Portugal kritika sistema Embaixada Portugal

Add to Comments Here!!!!

error: Content is protected.
Secured By miniOrange
You might also like:
Ma nutrisaun aas iha Ermera, Ainaro no RAEOA

Diresaun Nasionál Saúde Públika (DNSP) liu...

CNRT husu MP atualiza la-lais Alkatiri nia keixa

Membru Comissão Política Nacional (CPN) partidu...

Governu halo Programa Sesta Bázika lufu-lafu de’it

FOTO: Komunidade suku Bebonuk, munisípiu Díli...

Close