JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sosiedade Sivíl husu Governu identifika problema sesta bázika

Sosiedade Sivíl husu Governu identifika problema sesta bázika

Ekipa Sosiedade Sivíl halo diskusaun ho Koordenadór Programa Sesta Bázika, hodi identifika dezafiu ne’ebé hasoru durante implementasaun programa refere.

Diretór Ezekutivu Forum Organizasaun Naun Govermentál Timor-Leste (FONGTIL), Daniel Santos do Carmo, hateten, sosiedade sivíl rasik antes ne’e konsidera Programa Sesta Bázika sei hasoru dezafiu barak, nune’e presiza nafatin sujestaun sira hodi hadi’a sai di’ak liu.

 “Diskusaun kontinua loke, tanba programa ida ne’e la’o tiha ona, halo diskusaun hodi fó hanoin hadia dezafiu iha prosesu implementasaun, NGO forum inísia enkontru ida ne’e, hodi fó oportunidade ba sosiedade sivíl sira hato’o sira-nia sujestaun no problema saída mak durante ne’e hasoru ona”, Diretór Ezekutivu FONGTIL ne’e ba jornalista sira, Caicoli-Díli, Kinta (18-02-2021).

Nia esplika, FONGTIL mós halo hela monitorizasaun, maibé ekipa ne’e atu forte liu hetan ona apoiu husi sosiedade sivíl 16 ne’ebé kompostu husi munisípiu Díli haat (4), RAEOA ida (1), inklui munisípiu seluk ho kada sosiedade sivíl ida (1).

Sosiedade sivíl hirak ne’e sei halo monitorizasaun hodi rejista lakuna no problema ne’ebé enfrenta, relatóriu sei hato’o mai sekretariadu no sei haruka mós ba Governu hodi sai hanesan referénsia hadia problema sesta bázika.

Koordenadór Jerál Programa Sesta Bázika, Osório Florindo da Costa, agradese ba sujestaun no hanoin sira husi sosiedade sivíl no públiku, tanba Programa Sesta Bázika ne’e hanesan esperiénsia foun ba Governu.

“Ami sempre akompaña kritika hotu, sé de’it mak ko’alia ami simu, tanba ami iha regra rasik, kompañia sira ne’ebé komete krime ruma ami sei fó sansaun, ne’e duni sé de’it mak ko’alia sosiedade sivíl nia ko’alia ami tau matan, tanba programa ne’e foun no ita hotu laiha esperiénsia, tanba ita ko’alia buat komplikadu, finansa, administrasaun no liga ho kondisaun iha terrenu”, tenik Osório.

Nia hatutan, polítika ida ne’e para to’os na’in sira bele kontinua kuda produtu lokál sira, tanba agora udan-been di’ak, nune’e programa ne’e hanesan atu enkoraja to’os nain sira.

Koordenadór Jerál Programa Sesta Bázika ne’e esplika, Governu servisu hamutuk ona ho Programa Alimentár Mundiál hodi halo estudu no bele halo identifikasaun ba rezultadu husi implementasaun Programa Sesta Bázika.

Programa ne’e rasik dau-dauk ne’e distribui ona ba populasaun kuaze rihun 800 resin, ne’ebé atinji ona porsentu 70 iha munisípiu 12, enkuantu ba RAEOA sei hahú iha semana ida nia laran. ida

Lee hotu :   Aquita Tama Laka hakotu iis tanba atake kardiaku

Add to Comments Here!!!!

error: Content is protected.
Secured By miniOrange
You might also like:
COVID-19: Kazu foun ida, 18 rekuperadu

Koordenadór Pilár VII COVID-19, Nilton do...

Komunidade Golgota haruka fila pakote sesta bázika

Komunidade aldeia Golgota, suku Comoro haruka...

PN husu Governu fornese bee-moos ba eskola sira

Deputadu Parlamentu Nasionál (PN) husu ba...

Close