JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Gabriel de Sá hakotu iis tanba sofre moras kardíaku

Gabriel de Sá hakotu iis tanba sofre moras kardíaku

Vise Reitor Asuntu Pos-Graduasaun no Peskiza (VRAPGP), Gabriel António de Sá, hakotu iis hodi remata nia peregrinasaun iha mundu iha loron 03, fulan Marsu, tinan ne’e, tanba sofre moras kardíaku.

José de Sá, nu’udar matebian nia alin esplika, durante matebian moris sofre moras estómagu, maibé iha kuarta-feira liu ba, derepente sofre moras fuan no família matebian lori ba Hospital Nacional Guido Valadares (HNGV), maibé la konsege salva nia vida.

Nia dehan, informasaun hosi doutor sira ba família katak, matebian Gabriel António de Sá labele salva, tanba ho kondisaun grave.

Tuir doutor tuir família ne’ebé ami nota katak, mate tanba moras kardíaku fofoun nia ladun keisa kona-ba ida ne’e ba kuarasaun ami ladun hatene, momentu ida kuandu ataka hanesan ne’e ami lori ba kalan alin sira lori ba Hospitál to’o iha ne’e ba nia konsege ho doutor sira, maibé intervensaun la kleur de’it koko no fila la koalia tan buat ida”, afirma José de Sá, nu’udar matebian nia alin.

Nune’e mós reitor UNTL, João Martins, hatutan, durante matebian nia moris iha mundu fó nia dedikasaun tomak ba UNTL, tanba asume kargu nu’udar, Vise Reitor Asuntu Pos-Graduasaun no Peskiza, no mós dosente hodi hanorin Fakuldade Enjeñeria, Departamentu Mekánika, iha Politékniku Hera.

Ho situasaun ne’e Reitor UNTL, sente triste, tanba universidade lakon ema edukador ne’ebé di’ak hodi fó nia dedikasaun ba universidade ne’ebé refere.

 “Lakon bo’ot ida ba universidade, tanba ita lakon ema di’ak ema edukador ne’ebé ita espera sira atu bele hala’o sira nia knar iha edukasaun liu-liu dosente ba ita nia estudante sira, doutor Gabriel ema ida ke serbisu maka’as teb-tebes iha dediaksaun a’as ba universidade serbisu kleur tebes iha UNTL li-liu iha fakuldade enjeñeria siensia teknolojia iha tempu narauk nia laran, iha tempu hanesan mós asumi kargu dekanu dala rua, kargu ikus liu mak hanesan vise reitor suntu pos-graduasaun no peskiza”,afirma reitor UNTL, João Martins.

Lee hotu :   Ekipa Ekses Covid-20 hahú distribui Ai-han ba estudante Covalima-oan

Matebian moris iha Munisípiu Baucau, iha loron 28, fulan Fevereiru, tinan 1964, nu’udar oan ba da-haat hosi maun alin na’in 9, hosi aman José António de Sá, no inan Isabel da Costa.

Molok lori matebian ba nia moris fatin munisípiu Baucau, kolega, família no estudante sira hamutuk hala’o missa requem ikus nian iha kapela madre salesiana Balide. No kontinua lori ba presta omenajen iha kampuz sentral UNTL, no ikus liu presta omenajen iha kampuz politékniku Hera iha kinta (04/03).

Hafoin ne’e familía lori kedas matebian ba nia moris fatin Baukau, hodi halot ba nia fatin deskansa ikus, tuir kultura rai ne’eba nian. Matebian, husik hela nia feen kaben, Rosita Junasih no oan nain tolu, mane ida no feto rua. Ina 

 

Add to Comments Here!!!!

error: Content is protected.
Secured By miniOrange
You might also like:
Kalohan husu PPN atu ajenda ona ninia imunidade

Xefe bankada Partidu Demokrátiku (PD), António...

PNTL rejeita transporte hotu paradu iha EE da-11

Portavoz Polísia Nasional Timor-Leste (PNTL) Superintendente...

Loke Jogu Lotária, PSIK no PNTL Baucau detein suspeitu na’in haat

Polísia Sientífika Investigasaun Kriminál (PSIK) no...

Close