JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Olga Mendonça mate ho COVID-19, hakoi iha Bekusi tuir protokolu OMS

Olga Mendonça mate ho COVID-19, hakoi iha Bekusi tuir protokolu OMS

Timor-Leste (TL) rejista tan kazu mate ida ho COVID-19 iha sala izolamentu Verra- Cruz, no deside hakoi iha Semitériu Bekusi tuir protokolu Organizasaun Saúde Mundiál (OMS). Maibe família matebian rejeita katak, matebian ho naran  Olga Mendonça ho idade  61 mate tanba COVID-19.

Matebian ho naran  Olga Mendonça  idade  61 hakotu iis iha Kinta (23/04/2021), mais ou menus tuku sia dadersan  oras Timor-Leste. Matebian orijin husi Aldeia Teca-Laran, Suku  Lahane Osidentál, Postu Administrátivu Verra-Cruz, Munisípiu Díli.

João  Mendonça, nu’udar matebian nia oan mane, rejeita nia inan mate tanba COVID-19, tanba antes ne’e matebian  moras tensaun ona no iha semana rua ba kotuk    nia  inan doben  hetan tan moras pulmaun, maibé sei koalia diak hela.

Haree ba moras ne’e aumenta, nune’e iha Segunda  (19/04/2021), lori ba Hospital Nacional Guido Valadares  hodi hala’o tratamentu, maibé médiku sira hala’o fali teste swab hodi hatudu pozitivu, hafoin Ambulánsia transporta pasiente mai iha sala izolamentu, maibé  Olga Mendonça sei bele koalia no han mós diak hela.

“Ami la simu desizaun  husi  Ministériu Saúde dehan ami-nia inan mate   tanba COVID-19, razaun  antes ne’e ami halo tratamentu  iha foho osan mean hodi hasai-ran dehan ferik isin diak hela, ami ba Hospital bo’ot ba primeiru doutor sira koko dehan tensaun 180 per 130, entaun doutór Cuba ida dehan main (mamá) tensaun tuun oituan bele lori ba uma, entaun ami laran metin dehan tensaun tuun oituan bele lori ba uma, entaun ami fila hotu to’o iha uma foin hariis, entaun doutor sira bolu  ha’u-nia bin  hodi hateten ita boot nia main hetan COVID-19”,esplika João  Mendonça núdar matebian nia oan mane, ba Jornalista GMN, iha resintu Sala Izolamentu Verra-Cruz.

Lee hotu :   Bispu Virgílio: Rekonsiliasaun maka dalan ida atu kura kanek

Nia akresenta, antes ne’e matebian rejeita ba hala’o tratamentu iha HNGV, tanba  tauk doutor sira bele dehan nia COVID-19.

“Nia moras semana rua.  Nia hateten mai ami dehan lori ba hospital bo’ot nia dehan lakohi, nia dehan hanesan ne’e ba Hospital bo’ot ema dehan ha’u COVID-19, ha’u la ba hospital bo’ot, ha’u fiar avo Nana, entaun ha’u ba hospital boot ha’u COVID-19, los duni ho ferik nia firasat hetan duni COVID-19”,dehan João  Mendonça.

Matebian dadauk ne’e sei rai hela iha Sala Izolamentu Vera-Cruz,  no tuir informasaun husi Sentru Integradu Jestaun Krize,  iha Sesta  (23/4/2021), tuku hitu dadersan mak foin entrega mate-isin ba família hodi lori ba iha Teca-Laran, Lahane Osidentál, iha matebian nia rezidénsia durante oras ida, hafoin lori  ba haloot iha semitériu  Becussi, maibé tuir protokolu Organizasaun Saúde Mundiál nian ne’ebé hatete bele hakoi tuir kultura, ka tradisaun no relijiaun kada nasaun ida adopta.

Antes ne’e, Timor-Leste rejista ona kazu pozitivu COVID-19 ne’ebe mate ba dauluk  matebian Francisca Gama (Ba hakoi iha semitériu Metinaro ho deit)  ho Matebian Armindo Borges (hakoi tuir protokolu OMS nian tanba hetan protestu husi família matebian) iha fulan Abril ne’e, maibe antes ne’e matebian sira ne’e sofre ona moras komplikasaun.avi

 

Add to Comments Here!!!!

error: Content is protected.
Secured By miniOrange
You might also like:
TIMOR-LESTE : DA PANDEMIA À INUNDAÇÃO E A FOME QUE SE ALASTRA, Com biliões de dólares “ adormecidos”. Por : Avelino Maria Coelho da Silva/Shalar Kosi FF

A pandemia causada pelovírus Covid-19) abalou...

Aviaun helikopteru AS365 Dauphin sei apoia vítima dezastre naturál

Aviaun helikopteru Super Puma  apoiu  husi...

APSTL lamenta aktu kriminál hasoru pesoál saúde sira ■ Kuarentenáriu Suai deklara la baku pesoál saúde

Asosiasaun Profisionál Saúde Timor Leste (APSTL)...

Close