PM Taur : Timor-oan hamutuk tau matan ba vítima inundasaun

Primeiru Ministru (PM), Taur Matan Ruak, husu ba ema hotu atu haketak politika diferensia, hodi hamutuk tau matan ba povu Timor-Leste, ne’ebé afetadu husi dezastre naturais.

“Iha momentu ida ne’e ha’u hakarak apela ba  parseiru internasional hotu iha TL no ba komunidade tomak ita hamutuk haketak ita nia diferensia hotu hodi tau matan ba ita nia sidadaun sira, tamba laiha ema ida, laiha polítiku ida iha Timor bele hetan vantajen ba dezastre ne’ebé afeta ba Timor Leste, nem PM, PPN, nem PR atinji ita hotu, tamba nee laos tempu ba ita halo kompetisaun, maibe tempu para ita hotu ho homildade ho respeitu ba ema hotu nia mate sira no sofrementu povu nian para fó ita nia kbi’it tomak hodi servisu ba sira ha’u nia vida tomak fó ba povu ida ne’e, hau hakarak Timor-oan hotu-hotu banati tuir história Timor nian fó ita nia an salva guarda vida sidadaun sira nian invesde ita aproveita situasaun sira hanesan ne’e, para hetan vantajen polítikus , kuandu ita halo ida ne’e ita baixa an demais, hatun ita nia an demais, iha Timor la merese ida ne’e ha’u agradese ba komunidade internasional embaixada organizasaun internasional sira nia apoiu maske oiutuan”, apela Xefe Governu hafoin simu vasina AstraZeneca iha Sentru Saúde Formoza Kuarta (7/4).

Xefe  Governu hatete tempu agora laos atu halo kompetisaun politika iha terenu, maibe tempu ba ema ho laran diak, atu tau matan ba povu ne’ebé hasoru hela situasaun dezastre naturais, ne’ebé halakon ema nia vida inklui estraga komunidade sira nia hela fatin.

Nu’udar Timor oan, Taur fó tomak nia vida ba povu Timor-Leste ,nune’e husu ba Timor oan hotu ,atu banati tuir istória Timor nian, hodi salva guarda vida sidadaun sira nian.

Tuir dadus provizoriu ne’ebé públika husi ,Sekretáriu Estadu Protesaun Sivil, ema ne’ebé mate ,tamba kauza husi inundasaun hamutuk 34 no estraga komunidade uma no sasan.Tos