JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Loron Mundiál Liberdade Imprensa, PM Taur agradese jornalista Timor-oan sira

Loron Mundiál Liberdade Imprensa,  PM Taur agradese jornalista Timor-oan sira

Primeiru Ministru (PM), Taur Matan Ruak, felisita jornalista Timor-oan, ne’ebé komemora loron Mundiál Liberdade Imprensa ne’ebé monu iha Segunda (3/5/2021).

“Lori ha’u-nia naran rasik no Governu nia naran hakarak hato’o votu felisitasaun ba Jornalista sira,espesialmente ba Jornalista Timor-oan sira hotu, ba imi nia loron espesiál ohin”, Primeiru Ministru (PM), Taur Matan Ruak, hato’o votu felisitasaun ba Jornalsita sira iha Díli.

PM Taur konsidera, loron 3, fulan Maiu, tinan ne’e, nu’udar loron espesiál ida ba Jornalista sira, no hanesan loron ne’ebé nasaun unida adota hanesan loron mundiál liberdade imprensa, hodi fó hanoin ba nasaun hotu iha mundu tomak atu respeita liberdade imprensa.

Governu respeita tebes liberdade imprensa, no iha vontade atu kontinua apoiu Instituisaun media sira, hodi kontinua hala’o kna’ar ho independente, imparsialidade, respeita kódigu étika Jornalista, no responsabilidade nu’udar pilar importante ba demokrasia.

“Ita-nia país dadaun ne’e, hasoru hela onstakulu bo’ot 2 hanesan dezastre naturál ne’ebé akontese loron 4, fulan Abril no seluk mak pandemia COVID-19, ne’eb’e Governu halo esforsu atu minimiza impaktu  kalamidade 2 ne’e, no iha situasaun sira ne’e, Jornalista sira-nia kontribuisaun mak tulun Estadu divulga informasaun ne’ebé lolos,justu kredível no edukativu atu nune’e bele ajuda ita nia estadu iha situasaun ida ne’e”,Eis Girileiru ne’e hatete.

Primeiru Ministru agradese tebes, ba kontribuisaun durante ne’e, ne’ebé hato’o ona informasaun ba públiku, relativa ho atividade Governu, maske hasoru difikuldade oi-oin iha terenu, maibe nafatin iha vontade. “Ba ida ne’e ha’u-nia hakuak bo’ot ba imi hotu, no dala ida tan parabens”,dehan.

Tuir índise liberdade imprensa mundiál ba tinan 2021 husi Report Without Borders (RSF), hatúr Timor-Leste iha pozisaun 71, ho pontuasaun global 29,11 husi totál país 180 ne’ebé organizasaun ne’e rekolla.

Lee hotu :   Mota sobu uma 68 iha Lemorana, Sakunar husu PR-PM tau matan

“Ne’e hatudu katak, ita-nia nivél iha avansu diak liu iha Sudeste Aziátiku, kompara ho país balun ne’ebé ukun-an kleur ona, maibe sira-nia liberdade imprensa sei dook husi ita nian, tanba liberdade imprensa iha ita-nia nasaun iha fatin. Hanesan Primeiru Ministru ha’u Orgullu no ita hotu tenke orgullu ba prestasaun ida ne’e”,PM Taur esplika.Tos

 

Add to Comments Here!!!!

error: Content is protected.
Secured By miniOrange
You might also like:
Vítima inundasaun uma-kain 42 sei hela iha Dom Bosco

Vítima inundasaun uma-kain hamutuk 42,  kontinua...

Tilman fiar PJR foun sei aselera prosesu ne’ebé sai polémika iha públiku

Jurista Timor-Oan Manuel Tilman, iha esperansa...

MPLM husu Governu aselera ezekusaun OJE 2021

Movimentu Popular ba Libertasaun Maubere (MPLM)...

Close