AMD identifika kompañia balu monta publisidade illegál iha Díli

Autoridade Munisipiu Díli (AMD) durante nee identifika kompañia balu monta publisidade  iha Díli laran, liu-liu iha Aeroportu Internasional Prezidenete Nicolau Lobato, laiha koñesimentu husi Autoridade Munisipiu Díli nian.

Adjuntu Autoridade Munisipiu Díli,José Filipe Ximenes Smith ,hatete,publisidade oppo ne’ebé taka hanesan kurtina iha Aeroportu Internasional (AI) Nicolau Lobato,ne’e sira laiha koñesementu.

“Públisidade oppo ho sira seluk ne’ebé hanesan kurtina taka metin iha Aeroportu Internasionál (AI) Nicolau Lobato, ne’e ami laiha koñesementu, tamba aeroportu ne’e toma konta husi Autoridade Nasionál Aviasaun Timor-Leste (ANA-TL) nian no aeroportu ne’e hanesan rai independente ka autonomu nune’e Administrasaun Munisipiu Díli,(AMD) la interven”,dehan  Adjuntu Autoridade Munisipiu Díli,ba JNDiário, Tersa (25/02), iha Díli.

José Filipe Ximenes Smith,mós lamentavel, publisidade sira tara arbiru iha aeroportu ne’ebé sai odamatan bo’ot ba nasaun nian ,tamba ne’e fó imazen ida ne’ebé ladiak ba vizitante sira, liu-liu turizta sira.

Adjuntu Autoridade Munisipiu Díli, konsidera publisidade hirak ne’ebé taka hotu iha aeroportu ne’e ema hateke husi dook la sai ona aeroportu, maibe ema hanoin loja oppo nune’e nia fó hatene ona ba diresaun publisidade iha AMD, atu ba fó hanoin ba sira Autoridade Nasionál Aviasaun Timor-Leste (ANA-TL),hodi toma atensaun.

Nia husu ona ba resposavel publisidade ka panfletu iha kapital Díli, responsavel Autoridade Munisipiu Díli nian, maibe monta tuir regulamentu ne’ebé mak diresaun publisidade iha, hanesan labele monta iha fatin movimentu transporte públiku no tenki dook husi fatin públiku.Tos