JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEFOPE husu joven mantein disiplina

SEFOPE husu joven mantein disiplina

Diretór Jerál Sekretariu Estadu Formasaun Profisionál no Empregu (SEFOPE), Paulo Alves, hateten, ho dezentendimentu ne’ebé mosu entre funsionáriu SEFOPE no kandidatu ne’ebé atu tuir teste ba Austrália, SEFOPE husu ba joven sira atu hadok-an husi krime, tanba sei iha oportunidade barak ba Timor-oan sira hodi ba servisu iha ema nia rai.

Kriteria ne’ebé mak SEFOPE aplika ba kandidatu sira hodi ba servisu iha Austrália ne’e, la’ós mai husi SEFOPE, maibé kriteria hirak ne’e mai husi Austrália.

“Ba joven sira mantein disiplina hadok-an husi krime, hadok-an husi bainhira kuandu monu iha krime nia laran ita nia futuru labele kontinua, tanba ne’e mensajen ami kuandu halo rekrutamentu ba munisípiu hotu-hotu horiseik munisípiu Díli ikus ami hateten joven preokupa ami han saida, labele preokupa aban atu baku sé, preokupa ona ba nia vida moris, joven ida mak hanoin, ba alin sira ne’ebé mak la pasa lalika laran taridu, ba joven sira ne’ebé mak rejistu ona iha ne’ebá dadus ne’e lalakon, tanba ne’e sai ona baze de dadus SEFOPE ni’an,” Diretór Jerál SEFOPE ne’e iha Akademia Polísia Comoro, Tersa (22/09/2020).

Paulo fortifika liu tan katak, ba kandidatu sira ne’ebé lamenta ho atendimentu SEFOPE ni’an no identifika iregularidade ruma bele hato’o keixa, nune’e bele halo investigasaun tuir dalan justisa.

Iha fatin hanesan, Komandante Sentru Formasaun Polísia Superentedente Xefe, Arquiminio Ramos, hateten, ho lamentasaun ne’ebé mak kandidatura sira hato’o katak SEFOPE aplika teste ho sistema famíliarizmu laloos, tanba teste ne’ebé SEFOPE halo ema hotu haree.

“Ami ekipa ne’ebé apoiu prosesu selesaun ba SEFOPE ni’an ita haree insidente ne’ebé mosu hodi dehan katak valor 10 la liu, maibé valor 8 liu ne’e laloos, ezame ida ne’e ezame ne’ebé ema hotu asesu tantu kandidatu sira, funsionáriu sira ema barak iha ne’eba haree ida ne’e mak sistema transparánsia, ida ne’ebé bele halai, ida ne’ebé bele puss up”, tenik Komandante Sentru Formasaun Polísia ne’e.

Nune’e mos, Diretór Nasionál Empregu Exterior, Filomeno Soares, hatutan ho kriteria ne’ebé mak SEFOPE aplika ne’e ho intensaun hodi hamenus númeru ne’ebé mak iha.

Kriteria ne’ebé aplika ba kandidatura sira, tanba servisu ne’ebé mak sei hala’o iha Austrália servisu ne’ebé mak todan.

“Kritéria ne’ebé estabelese atu diminui númeru ne’ebé mak iha, ne’e kuandu liu ita bele konsidera katak liu, kuandu la liu ita deskuliafikadu kedas, depois iha tan oportunidade seluk mak bele tama, instituisaun Governu la aplika buat sira ne’e, problema ne’e horiseik rezolve ona, ami funsionáriu la tau ódiu, importante hadia ita boot nia karakter, ami funsionáriu públiku nafatin servi imi,” dehan Filomeno.

Kandidatu sazonal husi munisípiu Díli ne’ebé mak liu iha selesaun dokumentu hamutuk rihun sanulu resin tolu resin.

Entretantu, dau-daun ne’e Timor-oan ne’ebé mak servisu iha Austrália hamutuk rihun ida atus ida resin. Ina

Lee hotu :   Mundo ho Tetum 23 Fevereiro 2019

Add to Comments Here!!!!

error: Content is protected.
Secured By miniOrange
You might also like:
PD ezije Governu proteje Timor-oan iha Israel

Deputadu bankada PD, Mariano Assanami Sabino,...

Funsionáriu Otél Novo Turismo termina formasaun iha POLTEKPAR Bali

Sekretária Estadu Formasaun Profisionál no Empregu...

MP finaliza ona kazu abuzu seksuál komete husi eis padre RD

Prokuradór Jeral Repúblika (PJR), José da...

Close