Pe. Ângelo Salsinha: Xanana sempre fó esperansa ba povu iha situasaun difísil

Reitór Semináriu Menór Nossa Señora de Fátima Balide, Padre Ângelo Salsinha, hateten, líder karismátiku Kay Rala Xanana Gusmão, sempre fó esperansa ba povu iha situasaun difísil hanesan mos pandemia global COVID-19 ne’e.

Padre Ângelo Salsinha, afirma, asaun karitativa ne’ebé Xanana Gusmão halo durante pândemia Covid-19, hanesan esperansa ida ba povu iha situasaun ne’ebé povu hasoru difikuldade no mós iha tempu ne’ebé povu hasoru terus hanesan inundasaun sira ne’ebé afeta ba komunidade nia uma.

“Ema iha situasaun pandemia Covid, Avó (Xanana) tun fó esperansa no haksolok, katak, keta tauk, COVID la manan ema ida, knaar ida ne’e mak Maria halo iha nia vida. No ema hamlaha nia (Xanana) tun dehan hamlaha sei la lori imi, halo asaun karidade, la deskansa, la kolen, la baruk, ne’e mak loos, ne’e Maria ho São José halo, tanba ne’e mak ita selebra Natal”,haklean Pe. Ângelo Salsinha, bainhira dirije palavra de litúrjia iha reflesaun no selebrasaun natal hamutuk Partidu CNRT nian, iha sede nasionál, Bairru dos Grilhos, Sesta (18/12/2020).

Padre Ângelo mós husu estrutura no militantes hotu partidu CNRT nian atu tau fiar ba maromak, keta tauk, kona-bá inserteza, impasse, no dúvidas hotu, iha natal no tinan foun ne’e, hodi lori povu ba moris haksolok, tanba ne’e mak obra maromak nian. Say