JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN ho Dom Virgílio diskute lei migrasaun no azílu

PPN ho Dom Virgílio diskute lei migrasaun no azílu

Prezidente Parlamentu Nasionál, Aniceto Guterres, akompaña husi primeira vise Maria Angelina Sarmento, hasoru malu ho Arsebispu Arque Dioseze Díli, Dom Virgílio do Carmo da Silva, SDB, hodi hato’o felisitasaun no diskute kona-bá lei migrasaun no azílu, atu bele fasilita misionáriu sira ne’ebé hala’o misaun iha Timor-Leste (TL).

“Ami hasoru malu hodi partilla informasaun, kona-bá andamentu polítika Estadu nian, no ohin ami mós ko’alia oituan kona-bá alterasaun lei migrasaun e azílu, ne’ebé liga mós ba interese Igreja ninian, tanba iha misíonáriu sira ne’ebé sei tama sai, sira nia estadia no vistu sira ne’e, maibé ne’e konversa de orientasaun, oinsa mak ami bele promove diskusaun ne’ebé di’ak no kle’an, liu-liu haree ba interese Igreja ninian, misíonáriu sira nian, iha alterasaun lei migrasaun e azílu ne’e, ne’ebé bele akomoda didi’ak, tanba prosesu alterasaun proposta ne’e iha hela Parlamentu, ita hein de próxima anu”,afirma Aniceto Gueterres, ba jornalista sira hafoin enkontru ho archebispu arqui dioseze Díli, Dom Virgílio do Carmo da Silva, SDB, iha Câmara Esclesiátika  Díoseze Díli, Tersa (22/12/2020).

Prezidente PN hatutan, diskusaun ba lei refere importante, tanba PN núdar orgaun Estadu, rekoñese papel Igreja ninian ba iha dezenvolvimentu sosial, liu-liu iha dezenvolvimentu rekursu humanus desde inísiu to’o ohin loron.

“Tanba atu tama ona tinan foun, OJE mós aprova tiha ona, ho ida ne’e ba oin mós Igreja sei nafatin dezempeña nia papel sosiál ne’e, liu-liu iha área edukasaun, moral ba sarani no sosiedade tomak”,afirma Aniceto Guterres.

Aniceto hatutan, iha loron hirak liu-ba PN aprova tiha ona votu de kongratulasaun ba tinan 80 Dioseze Díli nian, no lori PN nia naran reitera kongratulasaun ida ne’e ba Díoseze tomak.

Lee hotu :   Dom Norberto Amaral : "Orasaun Ami Aman muda de’it nia lia fuan balun"

Alénde ne’e, Archebispu Arquidioseze Díli, Dom Virgílio do Carmo da Silva,SDB reforsa katak, alterasaun lei migrasaun no azílu ne’e, importante tebes ba Igreja katólika, tanba bele fasilita mós misaun ba missíonáriu sira nian.

 “Vizita ida ne’e inísia hosi PPN ho Vise ninian, ne’ebé haruka karta ida mai atu ami bele hasoru malu, primeiru ba falisitasaun ne’ebé PN halo ba díoseze díli iha Arquidioseze halo tinan 80 anos, karta ne’e hau simu iha semana kotuk’”,afirma Dom Virgílio.

“Ha’u agradese teb-tebes, PN nu’udar instituisaun Estadu rekoñese papel uma kreda nian, ne’ebé tinan 500 hala’o servisu iha Timor-Leste, partikularmente tinan 80 dioseze nia kontribuisaun, ami apresia tebes ba votu kongratulasaun ida ne’e. No iha tempu festa natal nian ne’e, ami mós fó boas festas, la’os de’it ba PPN ho Vise, maibé ba membru PN hotu”,haklaken Dom Virgílio.

Dom Virgílio haktuir, iha sorumutu refere diskute liu kona-bá uma kreda nia preokupasaun kona-bá lei imigrasaun ninian.

“Ita hotu hatene katak, missionáriu sira iha Timor ne’e missionáriu barak, desde uma kreda harii hodi missionáriu barak nia servisu, tanba ne’e ami ko’alia hela ho PPN no Vise, oinsa bele konsensializa liutan, atu nune’e bele fasilita ita nia missionáriu sira ne’ebé servisu iha ita nia rain. No momentu ita missa iha loron 08 fulan Dezembru ne’e mós missionáriu monsinór husu direitamente ba iha PM mós toka oituan kona-bá vistu missionáriu sira nian”,tenik Dom Virgílio.

Proposta alterasaun lei númeru 11/2017 lei migrasaun no azílu ne’e,  meza Prezidénsia Parlamentu Nasionál, baixa ba komisaun A no B,  iha loron 13 fulan Jullu tinan 2020 ne’e, no dadaun sei nafatin iha komisaun justisa no konstitusionais, inklui komisaun negosiu estranjeiru no defeza seguransa.Say

Add to Comments Here!!!!

error: Content is protected.
Secured By miniOrange
You might also like:
MS sei sosa vasina kontra Covid-19 husi nasaun seluk

Vise-Ministru Saúde, Bonifácio Maukoli dos Reis,...

KAK susar deteta manipulasaun presu sasán sesta bázika

Komisaun Anti Korrupsaun (KAK),  iha difikuldade...

Partidu foun tolu submete ona inskrisaun iha TR

Ministériu Justísa liu hosi Diresaun Jerál...

Close