JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Expedito, Jordão, Paulo no Deonaia kompete ba KI

Expedito, Jordão, Paulo no Deonaia kompete ba KI

Parlamentu Nasionál (PN), iha Segunda (11/01) ohin, halo eleisaun hodi hili reprezentante PN na’in rua (2) hodi reprezenta órgaun lejislativu ne’e iha Konsellu Imprensa (KI).

Porta voz PN, Lídia Norberta, hateten, konferénsia líder bankada ajenda ona atu realiza eleisaun, hodi hili reprezentante PN ba KI ne’ebé pendente kleur ona.

Durante ne’e iha ona kandidatu na’in tolu, ne’ebé aprezenta husi bankada sira iha PN Expedito Diaz Ximenes, Jordão Hendrique, Paulo A.C. Araújo no Deonaia da Silva Prego.

Kandidatu na’in haat nee ida (1) propoin husi bankada CNRT ho Frente Mudansa, FRETILIN propoin ida (1), UDT propoin kandidatu ida (1) no PLP propoin nia kandidatu ida (1).

Antes ne’e Asosiasaun Jornalista Timor-Leste (AJTL) no Timor–Leste Press Union (TLPU) no Asosiasaun Na’in ba Média mós prepara no hili ona ema ida hodi reprezenta média na’in sira iha KI.

Reprezentante AJTL nian Virgílio da Silva Guterres, Francisco Simões Belo reprezenta TLPU no Média Na’in, Otelio Ote. Maske reprezentante AJTL, TLPU no Na’in ba Média ne’e eleitu hotu ona, maibé mosu protesta husi jornalista sira, tanba mosu iregularidade.

Nune’e jornalista 31 asina karta petisaun ba Ministru Asuntu Parlamentar no Komunikasaun Sosiál (MAPKOMS), Sekretáriu Estadu Komunikasaun Sosiál no PN atu konsidera.

Nune’e mós husi parte Asosiasaun Na’in ba Média ne’ebé forma husi GMN, Timor Post, STL no Independente, lakohi partisipa iha eleisaun hodi hili reprezentante Média Na’in ba KI, tanba konsidera kongresu ne’ebé MAPKOMS organiza hodi hili reprezentante Média Na’in ne’e partisipante barak la’ós Média nian no média nebe taka loke, la konsistente iha publikasaun.

Tuir lei númeru 5/2014 Komunikasaun Sosiál, artigu 45, PN sei hili ema na’in rua ba membru KI, husi ema na’in rua ne’e, obrigatóriu ida tenke jurista.

Durante ne’e, eleisaun reprezentante PN ba KI ne’e ajenda ba dala rua ona, maibé adi’a, tanba PN presiza hetan esklaresimentu ligadu ho jornalista 31 ne’ebé halo petisaun hasoru rezultadu eleisaun reprezentante AJTL ba KI.

Reprezentante ne’ebé PN hili ne’e hodi kompleta kompozisaun KI, bazeia ba lei komunikasaun sosiál artigu 45 iha na’in 5.

Rua hili husi PN, rua seluk hili husi jornalista sira, hodi reprezentante jornalista ba KI no ida reprezentante husi Na’in ba Média.

Membru KI ne’e ho mandatu tinan haat. Membru KI ba dahuluk simu pose husi PN iha loron 10, fulan Maiu, tinan 2016 no termina iha fulan Maiu, tinan 2020, maibé tanba COVID-19, nune’e seidauk iha membru KI foun atu subtitui membru KI tuan. say

Lee hotu :   EUA sei apoiu USD tokon 275 finansia projetu rua iha TL

Add to Comments Here!!!!

error: Content is protected.
Secured By miniOrange
You might also like:
PN: Hapara kompañia distribui ai-han dodok ba povu

Deputada bankada KHUNTO, Olinda Guterres, husu...

Família Francisco Xavier husu MP prosesa autór tesi bandeira RDTL

Loron 9, fulan ne’e, família boot...

Juñu hahú vasina, pozitivu COVID-19 iha TL 10 rekuperadu, ualu baixa hela

Kazu pozitivu COVID-19 iha Timor- Leste...

Close