JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu hahú aplika multa ba kareta tula kontentór

Governu hahú aplika multa ba kareta tula kontentór

Diretór Jerál Ministériu Transporte no Komunikasaun (MTK), Gaspar de Araújo, hateten, ohin loron 1, fulan Fevereiru, tinan ne’e, Governu hahú aplika regra ba kareta tula kontentór ne’ebé halo movimentu iha sidade Díli no mós ba kareta ne’ebé tama mai husi fronteira atu halo movimentu tuir nia oras.

“Hahú ohin loron ida fulan Fevereiru, tinan ne’e, Governu sei  regula movimentu kareta kontentór iha kapitál Díli no mós kareta sira ne’ebé tama husi fronteira terrestre, tanba iha ona despaixu konjuntu ida husi MTK ho Ministériu Interiór (MI) iha loron 18, fulan Novembru, ho númeru 6/MTC/MI/2020 ba proibisaun sirkulasaun de veículos pesados de transporte de kontentores, presiza duni atu aplika ona lei ne’e hodi regula movimentu kareta kontentór, inklui kareta tama husi fronteira atu halo movimentu tuir sira nia oras, nune’e bele hamenus engarafamentu no asidente tráfegu iha kapitál Díli”, Diretór Jerál MTK ne’e ba GMN iha APORTIL-Díli, Sesta (29/01/2021).

Gaspar informa, bainhira kareta tula kontentór sira kontra regra iha despaixu ne’e, Governu sei fó sansaun multa USD 75.

“Ita iha regra rigorozu uitoan atu aplika, tanba lei mós fó dalan atu fó sansaun, ne’e duni banhira la tuir ou la obedese ba regra hirak ne’e sei fó multa USD 75, tanba ita hakarak ne’e oinsa mak movimentu tansporte públiku tempu loron iha kapitál Díli ne’e labele mosu engarafamentu bei-beik, tanba ne’e mak Governu halo sirkulasaun ida para sira halo movimentu tuir sira-nia oras, hanesan parte dader hahú tuku 07:00 to’o tuku 09:00, sira labele la’o no parte meudia hahú tuku 11:00 to’o tuku 14:00 no parte lorokraik hahú husi tuku 17:00 to’o tuku 21:00 kalan, labele la’o, entaun fora husi oras sira ne’e bele la’o”, nia haktuir.

Iha fatin hanesan, Diretór Departamentu Tránzitu Seguransa Rodoviária, Superintendente João Belo dos Reis, promete sei implementa regra ne’e ho rigorozu, nune’e bele minimiza asidente tráfegu iha kapitál Díli.

“Ami parte tranzitu sei laiha dúvida, ne’ebé sei servisu hamutuk ho Diresaun Transporte no Alfándega atu halo kontrolamentu ba movimentu transporte ne’ebé tula kontentór no ba mós kareta ne’ebé tama mai husi fronteira atu bele regula sira tuir lei ne’ebé iha tiha ona, ne’e duni parte Polísia Tránzitu prontu atu ezekuta orden ne’ebé mai husi Governu”, hatete João.

Nune’e mós, Vise Presidente Cámara Comerçio Indústria Timor-Leste (CCI-TL) ba asuntu transporte, Fernando da Silva, konsidera, regra ne’e di’ak, tanba bele evita asidente tráfegu iha kapitál Díli.

“Hanesan parseiru Governu nian sempre apoiu ba desizaun Governu, tanba ne’e presiza servisu hamutuk ho entidade relevante sira atu bele hahú ona regra ne’e ho di’ak”, dehan Fernando.

Antes  ne’e, Ministru Transporte no Komunikasaun, Agostinho da Silva ho Ministru Interiór, Taur Matan Ruak mós halo ona enkontru no koordenasaun, nune’e bele implementa regra ne’e.

Tuir regra, kareta ne’ebé tama mai husi fronteira sei para hotu iha Tasi Tolu to’o kalan tuku 21:00 foin bele tama ba Díli laran, maibé ba situasaun emerjénsia sira sei fó oportunidade atu halo movimentu. aba

Lee hotu :   Família halót ona mate isin trajédia Kuluhun ■Provizóriu arguidu 4 fila ba vida sivíl

Add to Comments Here!!!!

error: Content is protected.
Secured By miniOrange
You might also like:
Vise MI: Lei bandu PNTL tiru sidadaun hakat liu fronteira ho ilegál

Vise Ministru Interiór (MI), António Armindo,...

PN seidauk resposta notifikasaun husi TR kona-bá OJE 2021

Parlamentu Nasionál (PN) seidauk fó resposta...

CNRT e FRETILIN pedem a Governo para não partidarizar Função Pública

O Presidente da Comissão A do...

Close