JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Korea seidauk simu traballadór Timor-Leste

Korea seidauk simu traballadór Timor-Leste

Embaixadór Korea du Súl ba Timor-Leste (TL), Kim Jeong-Ho, promete ba Primeiru Ministru (PM), Taur Matan Ruak katak, governu Korea sei simu fali traballadór husi TL, wainhira númeru COVID-19 menus no iha ona kondisaun di’ak hodi halo viajen.

“Ami esforsu mós para haruka fila-fali traballadór Timor-oan barak atu ba servisu iha Korea, wainhira númeru COVID-19 menus no iha ona kondisaun di’ak hodi halo viajen”, Kim Jeong-Ho hafoin halo enkontru ho PM, iha Palásiu Governu, Segunda (01-02-2021).

Embaixadór ne’e hateten, iha enkontru ne’e PM husu ba governu Korea kontinua fó apoiu ba dezenvolvimentu rekursu umanu iha Timor-Leste, hodi haruka traballadór Timor-oan ba rai-liur.

 “PM agradese projetu barak Korea halo ona. PM mós interese tebes ba dezenvolvimentu Taekwondo iha TL, tanba uluk nia sei lidera F-FDTL produz mós Taekwondo ba forsa sira no hakarak Taekwondo bele kontribui ba dezenvolvimentu iha TL, nia agradese ba kooperasaun iha área empregu nian, hodi haruka traballadór Timor-oan ba Korea, tanba sira la’ós buka osan de’it, maibé lori fila skill no hametin liu tan relasaun entre ema ho ema iha nasaun rua ne’e”, tenik Kim Jeong-Ho.

Iha mós área rua seluk ne’ebé diskute ho PM mak kona-bá instalasaun Solar Painel iha Atauro, tanba Atauro enfrenta problema eletrisidade no oinsa bele fornese enerjia iha ne’ebá no seluk mak programa dezenvolvimentu rurál.

Iha tinan ne’e, governu Korea liu husi Korea International Cooperation Agency (KOICA) no parseiru ho ajénsia internasionál seluk sei implementa projetu ho item 12 iha TL, hanesan Futebol, Taekwondo, haruka traballadór ba servisu iha Korea, nutrisaun ba labarik, eliminasaun moras TBC no moras da’et seluk, prevensaun dezastre naturál, prevene violénsia hasoru feto no kria empregu ba joven iha rurál. ida

Lee hotu :   Ponte foun iha Bidau atinji ona 100%, CTL sei entrega ba governu antes 30 Agostu

Add to Comments Here!!!!

error: Content is protected.
Secured By miniOrange
You might also like:
Empreza R2M IT Solution keixa Vise MI ba PCIC

Empreza R2M IT Solution hato'o ona...

MS konsidera dansa iha kuarentena RAEOA laiha morál

Ministériu Saúde (MS) konsidera Timor-oan sira...

PN ezije Governu klarifika FP sira seidauk simu saláriu

Reprezentante povu iha uma fukun Parlamentu...

Close