JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Manan osan mean iha Asian Para Games, PR orgullu ho prestasaun atleta Timor-oan

Manan osan mean iha Asian Para Games,  PR orgullu ho prestasaun atleta Timor-oan

Prezidenti Repúblika (PR), Francisco Guterres ‘Lú Olo’, hato’o kongratulasaun no orgullu ba atleta Timor-oan defisiente, maibe iha espíritu atletizmu hodi lori ona Timor-Leste nia naran ba hamorin iha komunidade internasional, tanba konsege lori medalla osan mean no metan mai Timor-Leste.

Prezidente Rúpublika (PR), Fransisco Guterres ‘Lú Olo’, ho nia espoza, Cidalia Lopes Nobre Mouzinho Guterres,  foto hamutuk ho atleta Teofilo Freitas no Pasquela do Santos, ho nia maluk sira seluk, hafoin PR  entrega sertifikadu apresiasaun ba sira, iha Palasiu Prezidensial, Nicolau Lobato, Bairo-Pite. Segunda-feira (22/10/2018)

“Urgullu no haksolok husi povu Timor-Leste tomak, maka ha’u simu iha Palásiu Prezidensial ida ne’e,  ba atleta nain rua ne’ebé hatudu sira nia talentu desportivu, la’os deit iha ita-nia rain doben, maibe iha mos kompetisaun internasional, liu husi partisipasaun kompetisaun internasional bo’ot ida Asian Para Games terseira edisaun halao iha Jakarta fulan Outubru tinan 2018, ita nia alin Teófilo  Freitas, no ita nia feton  Pasquela Preira dos Santos, hamorin liu Timor Leste nia naran iha mundu”,dehan  PR Lú Olo iha serimonia felisitasaun ba Atleta Timor-oan Asian Para Games iha Salaun China Palásiu Prezidensial Nicolau Lobato Bairo Pite, Segunda (22 / 10 / 2018).

PR Lú Olo, dehan, ho rezultadu Timor-oan nain rua lori medalla osan mean rua no metan ida,  Timor-Leste hetan vizesimu lugar iha lista kompetisaun ho rai sanulu  resin tolu.

“Maluk sira medalla ne’ebé deit iha nia valor espesial, ba  reprezenta esforsu  husi atleta sira rasik, hahú husi treinador, no husi sira ne’ebé liu husi dalan oi oin, hodi kontribui ba susesu atleta ninian. Bainhira ita nia ateleta hetan medalla osan mean iha kompetisaun internasional, ita hotu kontenti liu tan, tamba Estadu tomak hamrik  hodi fo onra ba ita nia rai kiik ne’e, liu husi serimonia hasae bandeira  no toka Hino Republika Demokratika de Timor Leste nian, ita haksolok an liu tan, bainhira rona katak ita nia maluk ida hetan recording internasional,  urgullu Timor oan, hametin liu tan, nuda  povu ho neon, no hakarak rasik, alin Teófilo  tinan kotuk simu medalla osan mean, iha kompetisaun Asian Para Games iha Malasya, no tinan ida ne’e simu mos medalla osan mean, hodi lori mai Timor Leste, ne’e nu’udar ugullu bo’ot ida”,akresenta PR Lú Olo.

Lee hotu :   FC BASEL MAREK SUCHY REKOÑESE MENCESTER UNITED HANESAN EKIPA FORTE

Iha okaziaun ne’e, atleta Teófilo Freitas  ne’ebé manan medalla osan mean mai Timor-Leste, hatete, iha momentu ne’e nia kontenti tebes agradese ba Prezidenti Repúblika bele simu sira.

“Momentu  ida ne’e, iha ha’u nia moris foin primeira vez, ha’u bele mai hamrik iha fatin ida ne’e, kontenti tebes agadese ba Governu, maske ami hasoru situasaun ne’ebé difisil,  maibe ami hetan apoiu husi povu Timor,  hodi taka ami nia difikuldade,  hodi ba tuir komptesiaun internasional, ne’ebé hetan duni rezultadu”,dehan Teófilo.

Entretantu Prezidenti Komite Para Olimpiku Nasional Timor Leste, Julio Sarmento, agradese ba Governu maske iha situasaun difisil bele fo apoiu orsamentu ba sira, hodi partisipa iha Asian Para Games, tinan ida ne’e.

“Durante ne’e, ami sai, ami nonok de’it, maibe ami fila ho rezultadu, hodi hatudu ba Prezidenti Repúblika, ami nia prezensa iha Palásiu Prezidensial ne’e, ami la ezije ba Governu, ami bele ezije de’it ba esforsu ne’ebé ami halo, ami lori nasaun nia naran, ami kompete ho dignu, maibe ami hasoru dezafiu barak, tamba ami ba kompete ho liman rua, ain rua, sem iha ekipamentu ne’ebé kompletu, tamba ne’e ami husu ba Preizdenti Repúblika  atu tau matan nafatin mai ami, iha eventu internasonal tuir mai, karik se bele Prezidenti hatutan ami nia difikuldade ba Governu atu tau matan mai ami”,Subliña Julio.Oly

Add to Comments Here!!!!

error: Content is protected.
Secured By miniOrange
You might also like:
Mari Alkatiri : Kooperasaun sai fator implementa seguransa sosial iha RAEOA

Prezidenti Autoridade Administrativa Especial Oecusse Ambeno...

Sosiedade Sivil konsidera seidauk tempu PN sosa kareta foun

Sosiedade Sivil konsidera seidauk tempu atu...

Fundasaun Kamanggawa INC oferese ran ba HNGV

Fundasaun Kamanggawa  INC, liu husi  Embaxada...

Close