JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

José Ramos Horta: Governu tenke diskute no avalia setór privadu sira

José Ramos Horta: Governu tenke diskute no avalia setór privadu sira

Laureadu Nobel da Paz, José Ramos Horta husu governu atu halo diskusaun no avaliasaun ba progresu setór privadu sira iha Timor-Leste, atu nune’e bele hamoris no dezenvolve ida ne’ebé rezultadu di’ak, no hadi’ak ida ne’ebé rezultadu seidauk di’ak.

Eis Prezidente Repúblika ne’e haktuir, nia sei hamutuk ho governu luta hamenus númeru ki’ak iha Timor-Leste.

“Ita haree setór privadu sei fraku tebes, problema boot ida mak ita-nia populasaun no sosiedade seidauk iha mentalidade business, maske balun iha ona, maibé ladun barak. Ita ba iha hudi laran fatin sira ne’e Xina mak kontrola, maibé ba parte Komoro nian ne’e, ema husi Atsabe no Bobonaro ain tanan sira mak kontrola,  la’os loja kiik oan fila liman de’it lae, maibe iha mós loja bo’ot. Ha’u admira teb-tebes, sira Atsabe ho Bobonaro ne’e matenek, sira hatene halo business, la’os simu kontratu husi governu, fa’an na’an, sosa Karau no fa’an tais, ita Timor seidauk iha tradisaun negósiu, maibé balun iha ona, maibé la’os Estadu mak halo moris setór privadu hirak ne’e, maibé buat sira ne’e hotu governu mak tenke halo debate no halo avaliasaun didi’ak, tinan 15 mai ne’e, rezultadu saída, se balun rezultadu di’ak aumenta tan, rezultadu ladun di’ak, ita presiza haree didi’ak no oinsa muda, no buka fali buat seluk, ida ne’e mak ha’u hanoin hela atu halo iha 2022 mai hamutuk ho governu”, hateten eis Prezidente Repúblika ne’e ba jornalista sira, iha Metiaut, Sesta (27/12/2019).

Horta afirma, atu hatun númeru ema ki’ak iha Timor-Leste, presiza kontribuisaun ema hotu nian, liu-liu setór privadu sira, tanba la’os responsabilidade governu nian de’it.

Lee hotu :   ARNLV-Governu sei identifika veteranu falsu

“Ita hakarak problema ki’ak tenke tun, maibé ne’e la’os responsabilidade governu nian de’it, difikuldade mak buat hotu ita hakarak hein governu, maibé iha balun lae, balun hahú ona halo kooperativa, ne’ebé konsege tama ona to’o Munisípiu 11, haki’ak manu Timor, maibé ho kualidade. Sira konsege lori balun mai ha’u nia uma, nia folin di’ak, kualidade na’an ne’e di’ak liu, tanba natural no fresku 100%, duke ita hotu-hotu ba sosa manu ne’ebé mai husi Singapura no Brazil, ne’ebé fó problema boot ba ita nia saúde, maibé iha mós inisiativa seluk, tenke haree mós ho setór privadu sira, maibé problema mak banku fó empréstimu ne’e, hanesan BNCTL ne’ebé nia juru mós aas demais, BNU entaun pior liutan, ne’e oinsa mak hamoris setór privadu. Ezemplu, ha’u husu osan ba BNU, nia juru ne’e todan, oinsa mak ha’u selu ema sira servisu ne’e, problema simples, tanba ne’e, tenke haree ho banku sira, para oinsa Estadu bele fó garantia ruma, para bele halo empréstimu ne’e kaman, para setór perivadu sira bele moris, maibé ne’e responsabilidade mós ita individual, ita preokupa liu mak hotu-hotu hein de’it Estadu ne’e, Estadu hanesan karau inan ida, ne’ebé hotu-hotu ba hasai susu been, depois karau inan ne’e mate”, tenik Ramos Horta.

Entretantu, tuir rezultadu peskiza husi organizasaun naun governamental balun fó sai katak, povu Timor-Leste hahú husi tinan 2010 mai to’o agora, sei nafatin iha 40%.say

Add to Comments Here!!!!

error: Content is protected.
Secured By miniOrange
You might also like:
Festeza Natál Hamutuk, Jorge Serrano agradese funsionáriu GMN tomak

Funsionáriu Grupo Media Nacional, Sesta (27/12/19),...

Ema sona membru F-FDTL ida husi Komponente Naval

Ema sona membru Falintil Forsa Defeza...

Durante Natál no tama tinan-foun, Folin sasán iha loja laiha mudansa

Durante Natál no tama tinan foun,...

Close