JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ONU prontu apoia Governu TL rekupera ekonomia rai-laran

ONU prontu apoia Governu TL rekupera ekonomia rai-laran

Organizasaun Nasaun Unida (ONU), prontu apoia Governu Timor-Leste (TL), hodi rekupera ekonomia rai-laran, tanba ho situasaun COVID-19, empreza barak mak taka nia atividade.

Ajensia espesializada iha Timor-Leste, hanesan Organizasaun Mundial Saúde (WHO), UNICEF, Programa Alimentar Mundial, Programa Nasaun Unida Ba Dezenvolvimentu no UN Women, hala’o sorumutu ho Xefi Governu, Taur Matan Ruak, iha Palásiu Governu, Sesta (10/07/2020).

Koordenadór Rezidenti ONU, Roy Trivedy, hateten, iha enkontru ho Primeiru Ministru esplika kona-ba prioridade Governu nian, situasaun polítika iha rai ida ne’e, impaktu COVID-19 ba saúde, fó mos impaktu ba sosiuekonómiku iha TL, iha momentu ida ne’e Governu prepara hela atu rekupera ekonomia rai-laran.

“Ami-nia papel ONU atu ajuda Governu no sidadaun iha TL, antes ne’e governu anunsia ona kona-ba durante fulan 9 Governu sei suporta sidadaun sira durante Estadu Emerjénsia, agora dadaun iha komisaun ne’ebé lidera husi Dótor Rui Gomes, komisaun ne’e planifika longu prazu ba iha área ekonomia”, dehan Roy Trivedy.

Nia subliña, ONU sei suporta TL liu husi kapasitasaun ba joven sira, inklu toos nain sira.

“Ami mos koalia ho sira kona-ba segurasa alimentar, ami suporta ba sira ne’ebé mak halo toos, no ami sei suporta joven sira liu husi formasaun, edukasaun no seluk tan, realmente Governu iha planu ho parseiru sira, tamba ne’e ami prontu atu apoiu Governu TL”, afirma Roy.

Nia hatutan, iha mundu tomak situasaun ekonomia realmente difisil, iha momentu ida ne’e empreza barak mak monu no taka.

“Tanba ne’e iha TL ami bele suporta Governu, ho planu ekonomia, tamba durante períodu Estadu Emerjénsia ami bele suporta sidadaun sira ne’ebé mak vulneravel, idozu no labarik kiik-oan sira, polítika ida ne’e importante iha mundu tomak, tanba ema ne’ebé riku laiha problema, maibé ema ne’ebé vulneravel sofre ba problema oi-oin”, reafirma Koordenadór Rezidenti ONU ne’e.Cin

Lee hotu :   IMPASE POLÍTIKU IMPLIKA SASAN IHA MERKADU LA FOLIN ■ UKUN NAIN LABELE HANOIN-AN DE'IT

Add to Comments Here!!!!

error: Content is protected.
Secured By miniOrange
You might also like:
OJE 2020 ba de’it Novembru-Dezembru

Primeiru Ministru (PM), Taur Matan Ruak,...

Komunidade Baucau ejize Governu implementa kompromisu iha kampaña

Komunidade husi suku tolu munisipiu Baucau,...

Vizita ba GMN TV, MAPKS: Ekipamentu mesak modernu

Ministru Asuntu Parlamentár no Komunikasaun Sosiál...

Close