JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu adía pagamentu subsídiu ba reklamante 2.909

Governu adía pagamentu subsídiu ba reklamante 2.909

Diretór Jerál Ministériu Solidaridade Sosial no Inkluzaun (MSSI), Rui Exposto, informa, Governu sei adía pagamentu subsídiu familiar ba reklamante 2.909 ne’ebé finaliza ona, tanba sei halo prosesu transferénsia osan ba kada munisípiu sira, tanba ne’e seidauk fiksa data pagamentu loloos.

Diretór Jerál ne’e afirma tan, hosi reklamante kuaze rihun rua atus-sia resin ne’ebé verifika loos ona, kuaze maioria hosi Díli.

“MSSI iha semana kotuk anunsia tiha ona, naran benefisiáriu mós taka tiha ona iha suku sira, ba 2.909 benefisiáriu para atu halo pagamentu iha día 26, fulan ne’e, maibé tanba iha problema tékniku uitoan, ne’ebé MSSI hamutuk ho Ministériu Finansas presiza tan tempu uitoan hodi finaliza prosesu transferénsia osan ba iha konta suku ninian. Tanba ne’e mak provizoriamente husu ba benefisiáriu ne’ebé mak naran taka tiha ona iha suku, atu pasiensia uitoan. Bainhira prosesu ne’e la’o hotu ona, ami sei anunsia fila-fali ba públiku kona-bá prosesu pagamentu tuir mai, tanba la-lais ka tarde naran ne’ebé taka sai ona iha direitu atu hetan subsídiu ne’e”, Rui Exposto ba jornalista sira iha ninia kna’ar fatin, MSSI, Caicoli-Díli, Sábadu (24/10/2020).

Alénde ne’e diretór ne’e relata, kuaze reklamante rihun 13 liu mak sei haruka ba Ministériu Administrasaun Estatal (MAE), atu verifika loloos, tanba balun nia problema komplikadu, liu-liu hanesan xefe família ne’ebé iha fen rua.

“Ami hein sira (MAE) nia klarifikasaun, sira haruka ona mai MSSI 600 e tall, maibé ita hein tan restu ne’e mai para ita haree hodi re-verifika no deside katak ida ne’ebé mak elizível no ida ne’ebé mak la elizível. Tanba problema barak  sira (reklamante) dehan la rejistu bainhira iha situasaun COVID, tanba ne’e MSSI labele foti desizaun, desizaun Estatal nian. Balun fali tanba fen rua, ida simu tiha ona, maibé ida seluk ba reklama fali, balun simu tiha ona, husu atu separa hosi lista uma-kain, tanba ne’e desizaun sira ne’e labele MSSI mak foti, MSSI hein simu dadus no verifika dadus foin implementa pagamentu de’it. Fou-foun ami hanoin mai bele rezolve iha 15 diás nia laran, maibé problema kuandu tama mai ne’e, ita tenke liga ho parte legal no labele foti desizaun arbiru no tenke konsulta ho parte legal, ho nune’e mak presiza uza tempu hodi halo análiza uza sistema eletróniku, difikulta liu-tan, bainhira internet lentu, ne’e prejudika tebes prosesu ne’e”, justifika Rui.

Nia klarifika, Governu sei la halo tan pagamentu subsídiu USD 100 ba uma-kain, tanba Governu troka ona ho polítika sesta bázika ba sidadaun tomak.

“Laiha tan subsídiu USD 100, tanba desizaun Konsellu Ministru fulan rua liu bá katak, subsídiu USD 100 tan laiha, tanba ne’e mak troka ho polítika sesta bázika ne’ebé atu implementa iha fulan Novembru ho Dezembru ne’e. Maibé sesta bázika ne’e MSSI la envolve, tanba ne’e ministériu seluk nia kompeténsia atu implementa”, dehan Diretór Jerál MSSI ne’e.

Entretantu, total reklamante kuaze rihun 15 liu, maibé 2.909 mak konsege finaliza ona, nune’e sei halo pagamentu ho totál orsamentu kuaze rihun USD 580 resin, maibé reklamante kuaze rihun 13 resin mak sei entrega ba MAE, hodi halo verifikasaun. Say

Lee hotu :   Citilink ho Sriwijaya Air seidauk simu orientasaun hosi Governu labele simu pasajeiru sidadaun Xinés

Add to Comments Here!!!!

error: Content is protected.
Secured By miniOrange
You might also like:
Reseitas FP tun, tinan oin Governu sei halo perfurasaun ba mina-matan sanulu

Ministru Petróleu no Mineral (MPM), Víctor...

Uza kareta sama bandeira RDTL, PNTL detein sidadaun Filipina na’in tolu

Polísia Nasionál Timor-Leste (PNTL) detein sidadaun Filipina...

Xanana: Estadu ladún tau matan ba ferik-katuas sira

Líder nasionál Kay Rala Xanana Gusmão,...

Close