JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu lansa ona programa sesta bázika

Governu lansa ona programa sesta bázika

Vise Primeiru Ministru no Ministru Planu Ordenamentu Teritóriu, José Maria dos Reis, ofisialmente lansa programa sesta bázika iha suku Sabuli, postu administrativu Metinaro, Munisípiu Díli.

Programa sesta bázika nee implementa husi Ministériu Komérsiu no Indústria (MTKI) no ministériu sira seluk mós hola parte iha programa ne’e.

José Reis, hateten, Governu deside implementa medida rekuperasaun ekonómika hodi oferese sesta bázika ba populasaun iha Timor-Leste, ne’e atu kombate hamlaha no má nutrisaun iha rai-laran.

“Ha’u aproveita atu hatete katak medida ida ne’e nu’udár medida ida ne’ebé mai atu hametin ita-nia espíritu solidariedade, ho medida ida ne’e mai atu hametin ita-nia espíritu solidariedade la’ós esmola, tanba konstrusaun ida justu ne’e responsabilidade ita hotu nian, solidáriu la’ós esmola atu konstroi sosiedade ho konstrutivu ne’e responsabilidade ita hotu nian, liu-liu membru Governu sira atu kontribui ba susesu iha bens estar ema hotu nian, ita labele haree de’it ida ne’e hanesan projetu, maibé ita tenke haree hanesan asaun ida ne’ebé fó kontribuisaun ba dignidade ema hotu nian individuál no koletivamente”, Vise Primeiru Ministru no Ministru Planu Ordenamentu Teritóriu ne’e ba jornalista sira iha Metinaro-Díli, Tersa (27/10/2020).

Ministru Koordenadór Asuntu Ekonómiku (MKAE), Joaquim Amaral, hateten, medida ne’ebé Governu dezeña mak atu proteje ema ho nia ekonomia. Proteje ema ho ekonomia sai tema prioridade ba Oitavu Governu Konstitusionál bainhira COVID-19 tama iha Timor, hodi fó implikasaun boot ba ekonomia rai-laran, nune’e Governu kria kedas medidas nen (6) iha primeira faze kona-bá estabilizasaun.

“Agora ita tama iha segunda faze rekuperasaun, ne’ebé iha medida haat (4) Governu introdus, medidas haat (4) refere ida mak rekuperasaun ekonómika. Rekuperasaun ekonómika nia medida prinsipál ne’ebé afeta direta ba sidadaun ida-idak mak medida sesta bázika ne’ebé sei fahe ai-han ba populasaun ne’ebé iha direitu atu hetan ai-han”, afirma Governante ne’e.

Joaquim haktuir, medida sira ne’e iha objetivu importante tolu (3) hanesan, ida atu bele sosa ai-han husi merkadu lokál no nasionál ho objetivu atu ajuda komersiante lokál no nasionál atu iha oportunidade hetan rendimentu, hodi partisipa iha prosesu ne’ebé Governu dezeñu.

Segundu oinsa mak atu estimula to’os na’in sira atu uza oportunidade ida ne’e hodi halo produsaun boot liu tan, nune’e bele oferese ba merkadu. Medida ida ikus mak oinsa Timor-Oan ida-idak iha ai-han naton iha període difísil ida ne’e.

Nune’e mós Ministru Komérsiu no Indústria (MTKI), José Lucas do Carmo da Silva, hatutan, programa rekuperasaun ekonómika parte ida husi programa boot ne’ebé durante ne’e hala’o ona, dezde rezolusaun Governu ne’ebé hasai iha fulan Agustu kona-bá sesta bázika.

Nia subliña, iha estabelisementu ba kriasaun ekipa traballu ne’ebé lídera husi Vise MTKI hamutuk ho membru na’in 63 halo hela servisu. Esforsu ida ne’e la’ós MTKI mesak, maibé esforsu refere mai kedas ho kooperasaun hahu iha fulan Agustu.

“MTKI servisu hamutuk ho MKAE, Ministériu Agrikultura no Peska (MAP), Ministériu Administrasaun Estatal (MAE), Sentru Lojístiku Nasionál (SLN) no Sekretaria Estadu Kooperativa (SEKoop), halo esforsu ho komitmentu no dedikasaun boot hodi dudu prosesu  ba oin”, realsa atuál MTKI ne’e.

Iha fatin hanesan, Admistradór postu administrativu Metinaro, Fausto Soares Dias, agradese ba esforsu tomak husi Oitavu Governu liu husi MKAE, MTKI no seluk tan, tanba lansa no distribui ona sesta bázika ba komunidade iha suku Sabuli tuir komprimisu ne’ebé Governu halo ona.

“Atribuisaun sesta bázika iha ai-han ba ema hotu tuir planu Oitavu Governu iha fulan Novembru to’o iha Dezembru, tinan 2020, bazeia ba rezolasaun númeru 28/2020, loron 19, fulan Agustu, tinan 2020, kona-bá aprova medida kurtu prazu ba mitigasaun impaktu husi krize ekonómika no husi pandémia COVID-19 iha ámbitu planu rekuperasaun ekonómika”, tenik Fausto. ina/fel

Lee hotu :   Impaktu husi ahi mate, Aviaun Citilink ho Sriwijaya semo tarde

Add to Comments Here!!!!

error: Content is protected.
Secured By miniOrange
You might also like:
Veteranu dezmobilizadu 20 to’o 24, sei simu USD 40.000

Governu liu husi Konsellu Ministru (KM)...

Governu promete 2022 dada fibra ótika mai TL

Konsellu Ministru (KM) aprova opsaun tolu...

La selu koima, sidadaun na’in tolu sei hatán iha MP

Vise Ministru Interior (MI), António Armindo,...

Close